Şamo Abbasov

Vikipediya, azad ensiklopediya
Jump to navigation Jump to search
Şamo Abbasov
Şamo Abbasov.jpg
Doğum tarixi 1955(1955-Şablondakı doğum və ya ölüm tarixində texniki yanlışlıq var!-00)
Doğum yeri Bakı, Azərbaycan SSR, SSRİ
Vəfat tarixi 7 may 2014(2014-05-07)
Milliyyəti Azərbaycanlı
Vətəndaşlığı SSRİ SSRİ
Azərbaycan Azərbaycan
Fəaliyyəti rəssam
Janrı Rəssam

Şamo Abbasov (1 avqust 1955(1955-08-01), Bakı7 may 2014(2014-05-07)) — Azərbaycan rəssamı[1].

Həyatı[redaktə | əsas redaktə]

Şamo Abbasov 1955-ci ildə Bakı şəhərində anadan olub. 1970-1974-cü illərdə Ə.Əzimzadə adına dövlət incəsənət məktəbində, 1978-1984- cü illərdə Leninqradda Vera Muxina adına incəsənət məktəbində təhsil alıb.

1986-cı ildən Azərbaycan Rəssamlar İttifaqının, 1986-cı ildən SSRİ Rəssamlar İttifaqının üzvüdür.

1989-cu ildə Azərbaycan Rəssamlar İttifaqının 1-ci dərəcəli diplomu, 1996-cı ildə Azərbaycan Mədəniyyət Nazirliyinin ikinci hədiyyəsi ilə təltif olunub.

Şamo Abbasovun işləri Azərbaycan, Bakı Milli İncəsənət Muzeyində saxlanılır; Azərbaycan Milli Rəsm Qalereyasında (Bakı); RF Mədəniyyət Nazirliyində; Beynəlxalq rəssamlar konfederasiyası (Moskva, Rusiya); Ştiqlis adına tətbiqi incəsənət muzeyində (Sankt-Peterburq, Rusiya); Beynəlxalq keramika muzeyində (Bexin, Çexiya); Azərbaycanın ABŞ-dakı səfirliyində və xarici şəxsi kolleksiyalardadır.

Şamo Abbasov 7 may 2014-cü ildə Bakıda vəfat etmişdir.

Sərgiləri[redaktə | əsas redaktə]

2014-cü il, martın 4-də Vyanada fəaliyyət göstərən Azərbaycan Mədəniyyət Mərkəzində Azərbaycanın tanınmış rəssamı Şamo Abbasovun əsərlərinin sərgisi açılmışdır[2].

Tədbirdə Vyanada akkreditə olmuş diplomatik korpusun nümayəndələri, avstriyalı incəsənət həvəskarları və soydaşlarımız iştirak etmişlər.

Azərbaycan Mədəniyyət Mərkəzinin rəhbəri Leyla Qasımova Şamo Abbasovun yaradıcılığı haqqında məlumat vermişdir. Bildirilmişdir ki, onun əsərləri Azərbaycanın, Rusiyanın, ABŞ-ın, Çexiyanın, Avstraliyanın muzeylərində və şəxsi kolleksiyalarda saxlanılır. Şamo Abbasovun tablolarında tamaşaçıya illüziya və fantaziyalarla dolu, sirli, xülya və xatirələrlə bol bir dünya təqdim olunur. Şamonun əsərlərində milli koloritə və özünəməxsusluğa malik obrazlar sadə, xeyirxah və gülərüz insanları əks etdirməklə yanaşı, tamaşaçını abstrakt və sirli bir dünyaya səyahətə aparır.

Qeyd edilmişdir ki, Şamo Abbasov müasir Azərbaycan rəssamlıq məktəbində özünəməxsus dəst-xəttə malik olmaqla bahəm, milli incəsənəti dünyada uğurla təbliğ edən fırça ustalarından biridir.

Tədbirdə Ayzenştadt Yozef Haydn Konservatoriyasının tələbəsi Müşfiq Quliyev Azərbaycan bəstəkarlarının əsərlərindən və xalq mahnılarından ibarət kompozisiyalar ifa etmişdir.

Sərgi bir neçə həftə sənətsevərlər üçün açıq olacaqdır.

Şamo Abbasovun digər sərgilərii aşağıdakılardır:

  • 2015: Şəxsi sərgi, Azərbaycan Mədəniyyət Mərkəzi, Vyana, Avstriya
  • 2014: Berlin Qalereyası- Bakı, Berlin, Almaniya[3]
  • 2005: Kişi və Qadın birgə sərgisi, Səttar Bəhlulzadə sərgi zalı, Bakı Azərbaycan
  • 2003: Noyabr Daxili , Qalereya Vladislav Marzik, Kralevo, Serbiya
  • 2000: Şəxsi sərgi, Mərhəmət korpusunun sərgi zalı, Bakı, Azərbaycan
  • 1996: Beynəlxaq Novruz sərgisi, Ankara, Türkiyə
  • 1991: Bakı İncəsənət mərkəzi sərgisi, Mədəniyyət mərkəzi, BƏƏ, Abu-Dabi
  • 1990: Bakı İncəsənət mərkəzi sərgisi, qalereya Riqas Modes, Latviya
  • 1990: Cavan rəssamlar SSRİ və ADR, Erfurt, Almaniya
  • 1989: Bakı İncəsənət mərkəzi sərgisi, Avinyon, Fransa
  • 1989: 13-cü Beynəlxaq keramika simpoziumu, Praqa, Çexoslovakiya.

Qalereya[redaktə | əsas redaktə]

Həmçinin bax[redaktə | əsas redaktə]

İstinadlar[redaktə | əsas redaktə]