Şirzad Abdullayev

Vikipediya, azad ensiklopediya
Jump to navigation Jump to search
Şirzad Abdullayev
Şirzad Əyyub oğlu Abdullayev
Shirzad Abdullayev.jpg
bayraqAzərbaycan Respublikası İqtisadiyyat nazirinin müavinibayraq
31.05.2018 — indiyə kimi
Sələfi Vəzifə təsis edilib.
bayraqAzərbaycan Respublikası İqtisadiyyat Nazirliyi Sahibkarlığa Kömək Milli Fondunun icraçı direktorubayraq
2008 — 2018
Azərbaycan Respublikasının Mərkəzi Bankının Bank nəzarətinin hüquqi təminatı şöbəsinin rəis
2003 — 2008
“Azinvestbank”ın İdarə Heyətinin sədri
1992 — 2003
Şəxsi məlumatlar
Doğum tarixi 16 oktyabr 1970 (1970-10-16) (49 yaş)
Doğum yeri Azərbaycan, Ağdaş
Elmi fəaliyyəti
İş yeri

Şirzad Əyyub oğlu Abdullayev — Azərbaycan Respublikası İqtisadiyyat nazirinin müavini, iqtisad elmləri doktoru, professor[1][2][3]

Həyatı[redaktə | əsas redaktə]

Şirzad Abdullayev 1970-ci il 16 oktyabr tarixində Azərbaycanın Ağdaş rayonunda anadan olub. Orta təhsili Ağdaş rayonunda alıb. Hava Hücumundan Müdafiə Qoşunlarında hərbi xidmət keçib.

Ailəlidir.

Təhsili[redaktə | əsas redaktə]

Şirzad Abdullayev Azərbaycan Dövlət İqtisad Universitetini iqtisadçı ixtisası üzrə, daha sonra Bakı Dövlət Universitetini hüquqşunas ixtisası üzrə bitirib. 2005-ci ildə Almaniya Federativ Respublikasında Berlin İqtisadiyyat Məktəbi və Almaniya Tətbiqi Elmlər İnstitutunda əlavə təhsil almışdır.

Elmi fəaliyyəti[redaktə | əsas redaktə]

Şirzad Abdullayev 1999-cu ildə Rusiya Federasiyasının Sankt-Peterburq şəhərinin Maliyyə İqtisad Universitetində “Maliyyə, pul tədavülü və kredit” ixtisası üzrə “Azərbaycan Respublikasının kommersiya banklarında kredit resurslarının yaranması və istifadəsi problemləri” mövzusunda dissertasiya müdafiə edib və iqtisad elmləri namizədi elmi adı almışdır. 2003-cü ildəRusiya Federasiyasının Sankt-Peterburq şəhərinin Maliyyə İqtisad Universitetinin ixtisaslaşmış şurasında “Maliyyə, pul tədavülü və kredit” ixtisası üzrə “Azərbaycan Respublikasında bank resurslarının idarə olunması” mövzusunda dissertasiya müdafiə edib və iqtisad elmləri doktoru elmi adını almışdır.[4] Hər iki diplom müvafiq olaraq 2004 və 2006-cı illərdə Azərbaycan Respublikası Prezidenti yanında Ali Attestasiya Komissiyasında nostrifikasiyaolunmuşdur. 2012-ci ildə “Maliyyə, pul tədavülü və kredit” ixtisası üzrə professor adını almışdır.3 monoqrafiya, 4 dərs vəsaiti, 2 proqram və 1 metodiki göstəriş, o cümlədən 50-ə yaxın elmi məqalənin müəllifidir.

Pedaqoji fəaliyyəti[redaktə | əsas redaktə]

Şirzad Abdullayev 2001-2002-ci illərdə Azərbaycan Dövlət İqtisad Universitetində “Bank işi” kafedrasında baş müəllim, 2002-2007-ci illərdə dosent, 2007—2013-cü illərdə professor vəzifəsinin icraçısı, 2013-cü ildən isə 0.5 ştat professor vəzifəsində çalışır.

Əmək fəaliyyəti[redaktə | əsas redaktə]

1992-2003-cü illərdə “Azinvestbank”ın İdarə Heyətinin sədri, 2003-2008- ci illərdə Azərbaycan Respublikası Mərkəzi Bankının Bank nəzarətinin hüquqi təminatı şöbəsinin rəisi, 2008-2018-ci illərdə Azərbaycan Respublikası İqtisadiyyat Nazirliyinin Sahibkarlığa Kömək Milli Fondunun icraçı direktoru vəzifəsində işləmişdir. Azərbaycan Respublikası Prezidentinin 2018-ci il 31 may tarixli 163 nömrəli Sərəncamına əsasən Azərbaycan Respublikası İqtisadiyyat nazirinin müavini təyin edilmişdir.

Dövlət təltifləri[redaktə | əsas redaktə]

Azərbaycan Respublikası Prezidentinin 2012-ci il 12 noyabr və 2014-cü il 21 oktyabr tarixli Sərəncamları ilə müvafiq olaraq “Dövlət qulluğunda fərqlənməyə görə” və“Tərəqqi” medalları ilə təltif edilmişdir.

İstinadlar[redaktə | əsas redaktə]

Xarici keçidlər[redaktə | əsas redaktə]