Əğlabi

Vikipediya, açıq ensiklopediya
Jump to navigation Jump to search
Əğlabi

41°53′44″ şm. e. 48°20′54″ ş. u.


Ölkə Rusiya Rusiya
Rayon Dərbənd rayonu
Rəqəmsal identifikatorlar
Poçt indeksi 368617
Xəritəni göstər/gizlə
Əğlabi xəritədə
Əğlabi
Əğlabi

ƏğlabiDağıstan Respublikasının Dərbənd rayonunda yerləşən kəndlərdən biridir.

Əğlabi kəndi Dərbənd şəhərindən 18 km cənubda, Azərbaycan Respublikası ilə sərhəd xəttindən 10 km şimalda, Xəzər dənizi sahilindən 2 km uzaqlıqda, düzənlik ərazidə, Rubas çayı sahilində yerləşir.

Əğlabi kəndi yalnız bu kəndi əhatə edən öz bələdiyyəsinə sahibdir. Bələdiyyənin keçmiş başçısı Siracəddin Tahirov, indiki başçısı isə Murad Məhəmmədağayevdir.

Tarixi[redaktə | əsas redaktə]

Kəndin XIX əsrin əvvəllərində dağ yəhudiləri tərəfindən salınması ehtimal olunur; belə ki, kəndin adı tarixi məxəzlərdə ilk dəfə 1813-cü ildə qeyd edilmişdir.[1] Ancaq sonralar ətrafda yerləşən azərbaycanlı kəndlərindən və Dərbənddən bu əraziyə xeyli azərbaycanlı köç etmiş, dağ yəhudiləri isə əksinə kəndi tərk etmişlər. XX əsrin əvvəllərində kənd tamamiylə azərbaycanlılardan ibarət monoetnik çalar almışdır.

Sovet dövründə, 1953-cü ildə Rusiya SFSRinin Dağıstan MSSRindəki Qürah rayonunun Tsilinq kəndinin əhalisi (SSRİnin Dağıstanın dağlıq və ucqar ərazidə yerləşən kəndlərində yaşayan əhalinin digər yerlərdəki düzənlik bölgələrə köçürülməsi siyasətinə görə) Dərbənd rayonundakı Əğlabi kəndinə köçürülmüşdür.[1]

Əhalisi[redaktə | əsas redaktə]

XIX-XX əsrlərdə[redaktə | əsas redaktə]

1886-cı ildə kənd əhalisi 36 evdə 139 nəfərlik (75 nəfəri kişilər, 64 nəfəri qadınlar) əhalidən ibarət idi; onlardan 27 evdə yaşayan 108 nəfərini (58 nəfəri kişilər, 50 nəfəri qadınlar) dağ yəhudiləri, 9 evdə yaşayan 31 nəfərini isə (17 nəfəri kişilər, 14 nəfəri qadınlar) sünni islam etiqadlı Azərbaycan tatarları təşkil edirdi.[2]

Müasir dövrdə[redaktə | əsas redaktə]

2017-ci il rəsmi əhali siyahıyaalınmasına əsasən kənd əhalisinin sayı 2371 nəfərdir.

Kənd əhalisi hazırda əsasən ləzgilərdən (1254 nəfər (53,6 %)), azərbaycanlılardan (983 nəfər (42,0 %)), tabasaranlılardan (62 nəfər (2,6 %)) və digərlərindən (42 nəfər (1,8 %)) ibarətdir.[1]

İstinadlar[redaktə | əsas redaktə]

  1. 1,0 1,1 1,2 Объединенный сайт Муниципальных образований Республики Дагестан — "Электронный Дагестан: Муниципалитеты": Дербентский район: Аглоби
  2. Ethno-Caucasus, Этнодемография Кавказа: Улусский магал (1886 г.)