Əbdüssəməd Kambəxş

Əbdüssəməd Kambəxş
Əbdüssəməd Kamran mirzə oğlu Kambəxş
Doğum tarixi	1897 və ya 1902
Doğum yeri	Qəzvin, Qəzvin şəhristanı, Qəzvin ostanı, İran
Vəfat tarixi	1971
Fəaliyyəti	siyasətçi
Partiyası	Azərbaycan Demokrat Firqəsi, İran Tudə Partiyası
Vikianbarda əlaqəli mediafayllar

Əbdüssəməd Kamran mirzə oğlu Kambəxş (1897 və ya 1902, Qəzvin – 1971) — Azərbaycan Demokrat Firqəsi fəallarından biri.

Həyatı

Əbdüssəməd Kamran mirzə oğlu Kambəxş 1902-ci ildə Qəzvin şəhərində anadan olmuşdu. Qacar şahzadələrindəndir.

1953-cü ilin oktyabr ayında ADF-nin Azərbaycan SSR ərazisində yaradılmış təşkilatlarının konfransı keçirildi. Partiyanın 15 nəfərdən ibarət seçilmiş rəhbər orqanı özünü "ADF Mərkəzi Komitəsi" adlandırsa da, bütün partiyanı təmsil etmirdi. (Azərbaycan KP MK-nın sənədlərində əvvəlki kimi çox vaxt "ADF Komitəsi" işlədilirdi). MK üzvlüyünə aşağıdakılar daxil idi: Danişyan Qulam Yəhya oğlu (MK sədri), Kambəxş Əbdülsəməd Kamran oğlu (MK sədrinin müavini), Vilayi Mirrəhim Mirəbdüləli oğlu, Seyf Qazi Rəhim Əbdülhəsən oğlu, Çeşmazər (Eyvazov) Mirqasım Mikayıl oğlu, Cahanşahlı Nəsrulla Tağı oğlu, Ciddi Hüseyn Əhməd oğlu, Qiyami Zeynalabdin Əlinağı oğlu, Milaniyan Mövsüm Məmmədcəfər oğlu, Zatikyan Aram Astvasaturoviç, Resedi Əhməd Əli oğlu, Məmmədvənd Əbdülməcid Məmmədqulu oğlu, İbrahimi İrəc Qəni qızı, Baxşıyev Rahim Məmməd oğlu, Şəmidi (Məhərrəmov) Əli İsmayıl oğlu. Onlardan 5 nəfəri – Danişyan, Kambəxş, Vilayi, Seyf Qazi və Çeşmazər İcraiyyə bürosunu təşkil edirdi. 5 nəfərdən ibarət Təftiş komissiyası seçildi: Xoşginabi Fəthi Həmzəəli oğlu (sədr), Kəlaviş Əli İbrahim oğlu (katib), Agahi Əbdülhüseyn Məmmədtağı oğlu, İlhami Qulamrza Mehdi oğlu və Musəvi Tağı Məmmədəli oğlu.

Mühacirlərin yerləşdirildikləri yerlərdə 100 aşağı təşkilatı birləşdirən 20 rayon komitəsi fəaliyyət göstərirdi.

Əsərləri

• А. Камбахш, Из истории Коммунистической партии Ирана,— "Донья", 1960/61, № 2

Həmçinin bax

• Azərbaycan Demokrat Firqəsi
• Kamran mirzə Qovanlı-Qacar