Əbu Ömər əl-Şişani

Vikipediya, açıq ensiklopediya
Jump to navigation Jump to search
Əbu Ömər əl-Şişani
Tarxan Batiraşvili
Doğum tarixi 1986(1986-Şablondakı doğum və ya ölüm tarixində texniki yanlışlıq var!-00)
Doğum yeri Flag of the Georgian Soviet Socialist Republic.svg Gürcüstan SSR, Pankisi dərəsi, Birkiani kəndi
Vəfat tarixi 14 mart 2016
Vəfat yeri Rakka,Suriya
Uşağı qızı: Sofiya[1]
Atası Teymuraz Batiraşvili
Vətəndaşlıq Flag of Georgia.svg Gürcüstan
Flag of the Islamic State of Iraq and the Levant2.svg İraq Şam İslam Dövləti (de-fakto)
Peşəsi hərbi qulluqçu, jihadistterrorist
Milliyyəti kist, yəni çeçen

Tarxan Batiraşvili (gürc. თარხან ბათირაშვილი) — Suriya vətəndaş müharibəsinin iştirakçısı, keçmiş Ceyş əl-Mühacirin vəl-Ənsar qruplaşmasının komandiri, 2013-cü ilin yayından bəri İraq və Şam İslam Dövlətinin şimali Suriya əmiri.

Daha çox Əbu Ömər əl-Şişani və yaxud Ömər əl-Çeçen adları ilə tanınır. Milliyətcə kist, yəni çeçendir.

Həyatı[redaktə | əsas redaktə]

Tarxan Batiraşvili (gürc. თარხან ბათირაშვილი) 1986-cı ildə çeçenlərin subetnik qrupu sayılan kistlərin yaşadığı Gürcüstanın Pankisi dərəsində yerləşən Birkiani kəndində anadan olub. Atası xristian olsa da, özü müsəlmandır. Bu haqda atası Teymuraz Batiraşvili deyir:

" Üç oğlum var - üçü də islamçı olub. Mən isə xristianam, kilsəyə gedirəm. Nə mənim atam, nə də babam müsəlman olmayıblar.[1] "

Həmçinin atasının dediyinə görə, Tarxan Suriyaya getdikdən sonra yalnız bircə dəfə atasına zəng vurub və həmin telefon danışığı zamanı Şişani çeçen qızı ilə evləndiyini, qızının doğulduğunu, ona Sofiya adının verildiyini, qızının cizgilərinin babasının cizgilərini xatırlatdığını deyib. Telefon bağlantısı zamanı Şişani atasının namaz qılıb-qılmaması ilə də maraqlanıb, atası isə ona əvvəlki kimi xristian kilsəsinə getdiyini deyib. Bunu eşidən oğlu telefonunu qapadıb və bir daha atasına zəng etməyib.[1]

Yeniyetmə vaxtı[redaktə | əsas redaktə]

Yaşadıqları Pankisi dərəsi İkinci Çeçen Müharibəsində üsyançıların əsas tranzit bölgələrindən biri olduğundan müharibənin qızğın vaxtlarında atası Temuri ilə, 13-14 yaşlı Tarxan çeçen mücahidlərə kömək olmaq üçün gizlin yollarla Rusiyaya keçmiş və bəzən də mücahidlərlə birgə rus qoşunlarına qarşı mübarizə aparmışdı.[2]

Hərbi xidmətdə[redaktə | əsas redaktə]

Məktəbi bitirdikdən sonra Gürcü Ordusunda xidmətə başlayan Batiraşvili burada silah və xəritə üzrə bilikləriylə fərqləndiyindən tez bir zamanda keçmiş komandiri Malxaz Topurianın rəhbərlik etdiyi xüsusi kəşfiyyat dəstəsinə qəbul edilir.

Yeni təşkil edilmiş kəşfiyyat dəstəsində çavuş rütbəsinə yüksələn Batiraşvili 2008-ci il Rus-Gürcü müharibəsi vaxtı gürcü tərəfdən ön cəbhədə xidmət etmiş, rus tank kolonlarının kordinatlarını gürcü artilleriya birliklərinə ötürmüşdür.

Gürcüstan Müdafiə Nazirliyi bildirir ki, 2010-cu ilin sentyabr ayında Batiraşvili qanunsuz silah saxlamada ittiham edilərək 3 il müddətinə həbsə məhkum edilmişdir.<ref name="The Wall Street Journal">The Wall Street Journal: Meet the Rebel Commander in Syria That Assad, Russia and the U.S. All Fear.İŞİD-in liderlərindən olan Əş-Şişani ABŞ-ın martın 4-də Suriyanın Əş Şəddadi şəhəri yaxınlığına endirdiyi hava zərbəsi nəticəsində yaralanıb.Əbu Umar Əş-Şişani ağır yaralandıqdan sonra bir neçə gün koma vəziyyətində olub və 14 martda ölmüşdür.

İstinadlar[redaktə | əsas redaktə]

  1. 1,0 1,1 1,2 BBC Azərbaycanca: Gürcü serjant necə cihadçı oldu? (9 iyul 2014)  (azərb.)
  2. The Wall Street Journal: Meet the Rebel Commander in Syria That Assad, Russia and the U.S. All Fear (19 noyabr 2013)  (ing.)