Əbubəkr Tehrani

Vikipediya, açıq ensiklopediya
Jump to navigation Jump to search
Əbubəkr Tehrani
Peşəsi tarixçi

Müəllifin təvəllüd ili qeyri-müəyyəndir. Ölüm tarixi də dəqiqləşdirilməyib. Yalnız məlumdur ki, 15-ci əsrin 80-cı illərində hələ sağ imiş. O ki qaldı anadan olduğu yerə, bu da bir az mübahisəlidir. Güman edilir ki, Əbubəkr Tehrani heç də müasir Tehranda deyil, vaxtilə İsfahan yaxınlığında mövcud olmuş hansısa kiçik bir Tihran adlı qəsəbədə dünyaya gəlib.

Ə. Tehrani 1447-ci ilə qədər Sultan Şahruxun, 1453-cü ildən Qaraqoyunlu hökmdarı Cahanşahın (1438-1468) oğlu Məhəmmədi Mirzanın, 1457-ci ildən Cahanşahın özünün və nəhayət, 1469-cu ilin yazından isə Ağqoyunlu hökmdarı Uzun Həsənin (1453-1478) xidmətində olmuş və elə, sonuncunun sifarişi ilə də bu əsərini yazmağa başlamışdı. Özünün təbirincə: h. 875 (1470/71)-ci ildə artıq bu kitabın tərtibi və yazılmasının əsas işləri görülmüşdü. Tədqiqatçıların fikrincə isə müəllif sözgedən əsər üzərində 1478-ci ilə qədər işləyibdir.

Əbubəkr Tehranidən sonrakı tarixçilərin, onun əsərindən gen-bol istifadə etmələri bəlli bir şeydir. Lakin "Kitab-i Diyarbəkriyyə"nin hal-hazırda elmə məlum olan yeganə nüsxəsi 20-ci əsrin ortalarında, Bəsrə şəhərindəki bir şəxsi kitabxanadan əldə edilib və o vaxt türk alimi F.Sümer bu əlyazmanı Ankaraya gətirmiş, daha sonra isə onun farsca mətni-ni N.Luğalla birlikdə çapa hazırlayaraq 1962-1964-cü illərdə, müvafiq surətdə 1-ci və 2-ci cildlər olmaqla həmin şəhərdə nəşr etdiriblər. Elə, bu nəşr əsasında "Kitab-i Diyar-bəkriyyə"nin t.e. namizədi Rahilə Şükürova tərəfindən azərbaycan dilinə edilmiş tərcüməsi, adı çəkilən şəxsin əsər barədə qeyd və şərhləri ilə birlikdə 1998-ci ildə, Bakıda kitab şəklində çap olunmuşdur.

İstinadlar[redaktə | əsas redaktə]

Mənbə[redaktə | əsas redaktə]

Həmçinin bax[redaktə | əsas redaktə]

Xarici keçidlər[redaktə | əsas redaktə]