Ədalət Abdinov

Vikipediya, açıq ensiklopediya
Jump to navigation Jump to search
Ədalət Abdinov
Ədalət İdris oğlu Abdinov
Ədalət Abdinov.jpg
Doğum tarixi 16 oktyabr 1958 (1958-10-16) (60 yaş)
Doğum yeri Masallı rayonu, Bədəlan
Həyat yoldaşı Cəmilə Abdinova
Uşağı Fərid Abdinov
Atası İdris Abdinov
Anası Zeynəb Abdinova
Peşəsi jurnalist
Milliyyəti azərbaycanlı
Təhsili
Fəaliyyəti siyasətçi
Mükafatları Stalin ordeni, "Slava, doblest i çest" medalı,

Ədalət İdris oğlu Abdinov — Beynəlxalq kommunist və fəhlə hərəkatının fəallarından biri, Azərbaycan Kommunist Partiyası Mərkəzi Komitəsinin katibi, Stalin ordenli.

Həyatı[redaktə | əsas redaktə]

Ədalət Abdinov 1958-ci il oktyabrın 16-da Masallı rayonunun Bədəlan kəndində anadan olmuşdur.

Sentyabr 1975-ci ildə Ümumittifaq Lenin Kommunist Gənclər İttifaqına üzv seçilmişdir.

1976-cı ildə Bədəlan kənd orta məktəbini bitirmiş və həmin kənddəki çay fabrikində fəhlə işləmişdir.

1976-1978-ci illərdə Sovet Ordusu sıralarında həqiqi hərbi xidmətdə olmuş və həmin müddət ərzində o zamankı Almaniya Demokratik Respublikası ərazisində yerləşmiş sovet ordusu hərbi komedantlıqlarından birində mütərcimlik etmişdir.

1978-1979-cu illərdə Bədəlan çay fabrikində əmək fəaliyyətini davam etdirmişdir.

21 fevral 1979-cu ildə SSRİ Həmkarlar İttifaqına üzv olmuşdur.

1979-cu ildə S.M.Kirov adına Azərbaycan Dövlət Universitetinin (indiki Bakı Dövlət Universiteti) dövlət ödənişli hazırlıq şöbəsinə qəbul olunmuş, 1985-ci ildə həmin universiteti kitabxanaşünaslıq və biblioqrafiya ixtisası üzrə fərqlənmə diplomu ilə bitirmişdir.

S.M.Kirov adına Azərbaycan Dövlət Universiteti rektorluğu, partiya, komsomol və həmkarlar komitəsinin orqanı olan "Lenin tərbiyəsi uğrunda" qəzeti redaksiyasının göndərişi ilə 1983-1985-ci tədris illərində Azərbaycan Jurnalistlər İttifaqının Jurnalist Sənətkarlığı İnstitutunu bitirmişdir.

17 fevral 1984-cü ildə SSRİ Jurnalistlər İttifaqına üzv qəbul olunmuşdur.

29 oktyabr 1985-ci ildən 7 fevral 1986 -cı ildə Azərbaycan Respublikası Təhsil Nazırliyinin elmi-pedaqoji kitabxanasinda redaktor işləmiışdir.

17 may 1986 - 18 iyul 1987-ci illərdə Bakı Plan-Ucot Texnikumunda kitabxana müdiri işləmişdir.

20 iyul 1987-ci ildən Abşeron Rayon Partiya Komitəsinin orqanı olan "Abşeron"qəzeti redaksiyasında ədəbi işci- müxbir, 7 iyul 1989-cu ildən kənd təsərrüfatı şöbəsinin müdiri, 15 fevral 1991-ci ildən məsul katib vəzifəsində işləmişdir.

Beynəlxalq imperializmin Kommunist Partiyasına təzyiqi artdığı bir vaxtda - may 1990-cı ildə Sovet İttifaqı Kommunist Partiyasının sıralarına daxil olmuşdur.

14 mart 1991-cü ildə Azərbaycan Həmkarlar İttifaqları Konfedrasiyasının orqanı olan "Ülfət" qəzeti redaksiyasına xüsusi müxbir təyin edilmişdir.

3 iyun 1991-ci ildən Azəraycan Respublikası Təhsil Nazirliyinin orqanı olan "Gənc fəhlə" jurnalı redaksiyasında redaksiya heyətinin mütəxəsisi, 26 iyul 1991-ci ildən məsul katib vəzifəsində işləmişdir.

15 iyun 1992-ci ildən Azərbaycan Respublikasi Nazirlər Kabinetinin orqanı olan "İqtisadiyyat və həyat" jurnalı redaksiyasına xüsusi müxbir, 1 iyul 1992-ci ildən şöbə redaktoru vəzifəsində calışmşdır.

26 yanvar 1994-cü ildən "Tribuna" ictimai-siyasi qəzetinin təsisçisi və baş redaktoru vəzifəsində işləmişdir.

30 mart 2014-cü ildə Azərbaycan Kommunist Partiyası Mərkəzi Komitəsinin ideoloji məsələlər üzrə katibi seçilmişdir.

Müstəqil Azərbaycan Respublikasında ilk dəfə Marksizm - Leninizm Universitetinin fəaliyyətini bərpa etmiş və ona rəhbərlik edir.

Mükafatları[redaktə | əsas redaktə]

  1. Stalin ordeni
  2. "Slava, doblest i çest" medalı

Kitabları[redaktə | əsas redaktə]

  • "Zamanın sınağında"
  • "Yanar zəka"
  • "Xoş günlər naminə"

İstinadlar[redaktə | əsas redaktə]

Xarici keçidlər[redaktə | əsas redaktə]