Əfqanıstan Qırmızı Aypara Cəmiyyəti

Vikipediya, açıq ensiklopediya
Jump to navigation Jump to search
Əfqanıstan Qırmızı Aypara Cəmiyyəti
ARCS
ing. Afghan Red Crescent Society,, puştu د افغاني سرې میاشتې ټولنې

Növü Yardım agentliyi
Fəaliyyəti Humanitar yardım
Yaranma tarixi 1934
Mərkəzi Kabil, Əfqanıstan
Sədri Fatima Qaylani
Rəsmi internet səhifəsinin ünvanı

Əfqanıstan Qırmızı Aypara Cəmiyyəti (ing. Afghan Red Crescent Society, ARCS, puştu د افغاني سرې میاشتې ټولنې) — Beynəlxalq Qırmızı Xaç və Qırmızı Aypara Cəmiyyətlər Federasiyasının Əfqan filialıdır. Cəmiyyət 20 ildən çox müddət ərzində bütövlükdə ölkəyə təsir göstərən şəraitə görə məhdud quruluşa malik olsa da, 70 ildən artıqdır ki, mövcuddur.

Tarixi[redaktə | əsas redaktə]

Əfqanıstan Qırmızı Aypara Cəmiyyəti 1934-cü ilin aprel ayında yaradılmışdır. İlk dəfə yetimlərə və ehtiyac içində olan şəxslərə yardım etmək məqsədilə Naderia Uşaq evinin əsasında təsis edilmişdir.[1] 1951-ci ilin oktyabr ayında cəmiyyət üzvlük, mərkəzi, əyalət və yerli şöbələrdə seçkilər və idarə heyəti üçün demokratik müddəaları nəzərdə tutan konstitusiyanı qəbul etdi. 1964-cü ildə ƏQAC Marastoon (Əfqanıstan) və ya Əfqanıstanın rifah təşkilatlarını ələ aldı.[2] Beynəlxalq Qırmızı Xaç və Qırmızı Aypara Cəmiyyətləri Federasiyası ƏQAC-nin iki əsas tərəfdaşlarından biridir və 1991-ci ildə Əfqanıstandakı ən son münaqişə zamanı müvəqqəti evakuasiya ilə öz nümayəndə heyətini bura göndərmişdir.[2] Son illərdə təşkilati potensial baxımından məhdud olmasına baxmayaraq, ƏQAC-nin təşkilat və fəaliyyətləri bütün ölkənin 32 əyalətinin 31-də aktiv fəaliyyət göstərir.

Təşkilatları və fəaliyyətləri[redaktə | əsas redaktə]

ƏQAC öz maddi dəstəyinin böyük bir hissəsini Beynəlxalq Federasiya vasitəsilə ABŞ, Böyük Britaniya, Avstraliya, KanadaYaponiya kimi inkişaf etmiş ölkələrin milli cəmiyyətlərindən alır. ƏQAC, həmçinin, İranın, Qatarın, Səudiyyə ƏrəbistanınBirləşmiş Ərəb Əmirliklərinin milli cəmiyyətləri ilə ikitərəfli əlaqələr saxlayır.[2] ƏQAC 2004-cü ildən Fatima Qaylani tərəfindən idarə olunur.

Əfqanıstan daxilində geniş miqyaslı humanitar fəaliyyətlərinə əsaslanaraq, ƏQAC iddia edir ki, bütün etnik qruplara xidmət etmək bacarıqlarına sahibdir. Təşkilatın əsas fəaliyyətlərinə təbii fəlakətlər, səhiyyə problemləri və gənclərlə bağlı məsələlərin həll yoluna nail olmağa yardım etməkdir. Fatima Qaylani 2007-ci ildə Beynəlxalq Qızıl Xaç Komitəsinə müsahibəsində qeyd etmişdir ki, ƏQAC-də təxminən 37 min könüllü var. 2013-cü ildə cəmiyyətdə 1717 nəfər işçi və 23440 könüllü fəaliyyət göstərmişdir. Həmin il cəmiyyət 70000-dən çox əfqana fəlakətə hazırlıq proqramları vasitəsilə yardım etdi, bunlardan 430000-i uzunmüddətli inkişaf proqramları və 30,000-i isə kəskin fəlakət reaksiyası fəaliyyətləri vasitəsilə həyata keçirilmişdir.[3]

Həmçinin bax[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]