Əhəd Hüseyni

Vikipediya, azad ensiklopediya
Jump to navigation Jump to search
Əhəd Hüseyni
Əhəd Hüsəyni.JPG
Doğum tarixi 14 avqust 1944 (1944-08-14) (75 yaş)
Doğum yeri Təbriz
Vətəndaşlığı
Fəaliyyəti Heykəltəraşlıq
Rəssamlıq

Əhəd Hüseyni (d. 14 avqust, 1944, Təbriz, İran) — Cənubi Azərbaycanlı heykəltəraşrəssam.İtaliyaFransada heykəltəraşlıq dərsi almışdır.[1][2]

Həyatı[redaktə | əsas redaktə]

Əhəd Hüseyni 1944-cü ildə Qərbi Azərbaycan ostanının Təbriz şəhərində anadan olmuşdur.

Yaradıcılığı[redaktə | əsas redaktə]

İran dövrü[redaktə | əsas redaktə]

2 illik hərbi xidmətini Xəzər sahillərindəki ucqar kənddə əsgər-müəllim olaraq etmişdir. Buradakı sakit və məşğuliyyətsiz zamanı çox olduğu üçün heykəltəraşlıqla məşğul olmağa başlamışdır. Onun ilk əsərləri Albert Eynşteynin, Bertrand Rasselin, Bethovenin və doktor Albert Şveytserin heykəlləri olmuşdur. Hərbi xidmətini tamamladıqdan sonra qısa müddət Pərviz Tanavolinin Tehrandakı atelyesində çalışmışdır.

1972-ci ildə İtaliyadakı İncəsənət Akademiyasında (Accademia di Belle Arti) təhsil almışdır. Təbrizə geri döndükdən sonra mütəmadi şəkildə heykəltəraşlıqla məşğul olan Əhəd Hüseyni bu dövrdə 12 heykəldən ibarət olan və "Səfalət zəncirləri" adlanan əsərini yaratmışdır. O, bu əsərini Azərbaycan muzeyinə hədiyyə etmişdir.[3] O, bu əsərinə daxil olan heykəlləri tuncdan və üzlərində insanın ağrı-acılarını göstərən şəkildə yaratmışdır.

Əhəd Hüseyni 1980-1982-ci illərdə Təbrizheykəltəraşlıqdan dərs demiş və bu müddət ərzində "İncəsənət nədir?" adlanan kitabını yazmışdır.

Türkiyə dövrü[redaktə | əsas redaktə]

Bundan sonra Türkiyəyə köçmüşdür. Türkiyədə yaşadığı dövrdə İstanbul Universiteti üçün bəzi heykəllər yaratmışdır. Onun İstanbul Universiteti üçün yaratdığı "Düşünən adam" heykəli İstanbul Universitetinin Siyasi Elmlər fakültəsində saxlanılır.[4]

Fransa dövrü[redaktə | əsas redaktə]

1984-cü ildən 1990-cı ilə qədər Əhəd Hüseyni Fransanın Paris şəhərindəki Dekorativ İncəsənət Məktəbində (École nationale supérieure des arts décoratifs) həm işləmiş, həm də təhsil almışdır. Yaradıcılıqla burada da məşğul olan Əhəd Hüseyni, 1993-cü ildə Fransa TV üçün 60 xüsusi masqa düzəltmişdir. Mona Liza heykəlini 1995-ci ildə Parisdə olarkən düzəltmişdir.[5]

İrana geri dönüşü[redaktə | əsas redaktə]

1990-cı ildə İrana geri dönmüşdür. Hal-hazırda Təbriz 9-cü Məntəqə Bələdiyyə İdarəsinin təşəbbüsü ilə Təbrizdə divar üzərində Azərbaycanın görkəmli şairi Məhəmməd Hüseyn ŞəhriyarınHeydər babaya salam” poemasının personajlarına uyğun heykəllər hazırlayır.[6]

İncəsənət festivallarında[redaktə | əsas redaktə]

Əhəd Hüseyninin əsərləri bir çox fransız incəsənət sərgilərində nümayiş edilmişdir:

  • Unesko (1986)
  • Morangis (1987)
  • Ris Orangis (1988)
  • Doaine ä Arcueil (1994)
  • Cachan teatrı (1995)
  • Honqrios Universiteti və Bernanos Qalareyası (1996)

Məşhur əsərləri[redaktə | əsas redaktə]

  • Dünyadakı iztirab: Cəhalət, Müharibə, Səfalət zəncirləri, Səfil, Aclıq, Siyasi məhbus, Kristal top, Əhali artımı, İrqçilik, Ölümün 5 monsteri, Təşviş və ömrün payızı
  • Böyük həyat və onun problemləri toplusu (Azərbaycan muzeyi)
  • Mona Liza heykəli (Paris Dekorativ İncəsənət Məktəbi)
  • Xəqani heykəli
  • Qonqa heykəli

Kitabları[redaktə | əsas redaktə]

  • Azərbaycan muzeyindən Təbrizin qonqasına qədər
  • İncəsənət nədir?

Qalereya[redaktə | əsas redaktə]

Əhəd Hüseyninin məşhur əsərlərinin şəkilləri:

Xarici keçidlər[redaktə | əsas redaktə]

  • Ahad Hoseini sculptore
  • Ahad Hosseini
  • The Hosseini sculptures were the highlight for me!
  • Düşünən adam heykəli
  • Ahad Hosseini, a sculpture from Tabriz, creator of Mona Lisa statue in France museum
  • Ustad Şəhriyarın “Heydər babaya salam” poemasının personajlarına uyğun divar üzərində heykəllər hazırlanır