Ələddin Quliyev

Vikipediya, azad ensiklopediya
Jump to navigation Jump to search
Ələddin Quliyev
Doğum tarixi 30 iyul 1927(1927-07-30)
Doğum yeri
Vəfat tarixi 1983
Vəfat yeri
Elm sahəsi kimya

Ələddin Musa oğlu Quliyev (1927-1983) — Azərbaycan SSR EA-nın həqiqi üzvü (1980).

Həyatı[redaktə | əsas redaktə]

Ələddin Quliyev 1927-ci il iyulun 30-da Gəncə şəhərində anadan olmuşdur. Azərbaycan Sənaye İnstitutunu muhəndis-kimyaçı texnoloq ixtisası üzrə bitirmişdir (1949).

Ə.Quliyev 1955-ci ildə kimya üzrə fəlsəfə doktoru və 1967-ci ildə kimya üzrə elmlər doktoru elmi dərəcəsini, 1968-ci ildə professor elmi adını almışdır. 1972-ci ildə Azərbaycan SSR EA-nın müxbir üzvü, 1980-ci ildə isə həqiqi üzvü seçilmişdir.

Neft-Kimya Prosesləri İnstitutunun laboratoriya müdiri (1959-1965), Ümumittifaq Elmi Tədqiqat Qaz İnstitutunun (ÜETQİ) Azərbaycan filialının direktoru (1965-1974), ÜETQİ əsasında yaradılmış Təbii qazın nəqlə hazırlanması və emalı üzrə Ümumittifaq Elmi Tədqiqat və Layihə İnstitutunun direktoru (1974-1979), ADNA-da yeni yaratdığı kafedra müdiri vəzifələrində (1979-1983) çalışmışdır.[1]

Akademik Ələddin Quliyev 1983-cü ildə Bakıda vəfat etmişdir.

Təltif və mükafatları[redaktə | əsas redaktə]

Ə.Quliyev "Qaz sənayesinin əlaçısı" döş nişanı, Qaz sənayesinin "Fəxri işçisi" adma layiq görülmüş, "Şərəf nişanı" ordeni, Azərbaycan Ali Sovetinin Fəxri Fərmanı ilə təltif olunmuşdur.

İstinadlar[redaktə | əsas redaktə]

  1. "QULİYEV ƏLƏDDİN MUSA OĞLU" (azərb.). nkpi.az. 2016-08-15. 2019-08-18 tarixində orijinalından arxivləşdirilib. İstifadə tarixi: 2019-08-18.