Ələmdar Cabbarlı

Vikipediya, azad ensiklopediya
Jump to navigation Jump to search
Ələmdar Cabbarlı
azərb. Cabbarlı Ələmdar Qəmbər oğlu
Ələmdar Cabbarlı1.jpg
İlk adı Ələmdar
Doğum tarixi 4 avqust 1980 (1980-08-04) (39 yaş)
Doğum yeri
Vətəndaşlığı Azərbaycan Azərbaycan
Milliyyəti Azərbaycanlı
Atası Qəmbər
Təhsili Bakı Dövlət Universiteti
İxtisası Kitabşünas və nəşriyyat redaktoru
Elm sahəsi: Kitabxanaşünaslıq, Biblioqrafiyaşünaslıq, Kitabşünaslıq, Ədəbiyyatşünaslıq
Fəaliyyəti şair, jurnalist, müəllim
Fəaliyyət illəri 1986-cı ildən indiyədək
Əsərlərinin dili Azərbaycan
İstiqamət poeziya, nəsr, publisistika
Janr şeir, hekayə
Mükafatları "Bakı Dövlət Universitetinin 100 illiyi (1919-2019)" yubiley medalı — 2019
elemdarcabbarli.wordpress.com
Commons-logo.svg Vikianbarda əlaqəli mediafayllar

Ələmdar Cabbarlı (azərb. Cabbarlı Ələmdar Qəmbər oğlu‎; 4 avqust 1980(1980-08-04), Ağcakənd, Kəlbəcər rayonu) — şair, filologiya üzrə fəlsəfə doktoru, dosent (2013), Azərbaycan Yazıçılar Birliyinin üzvü (2003).

Həyatı[redaktə | əsas redaktə]

Ələmdar Cabbarlı 4 avqust 1980-ci ildə Kəlbəcər rayonunun Ağcakənd kəndində anadan olub.[1] 1987-ci ildə Ağcakənd orta məktəbinə getmiş, 1997-ci ildə Bakı şəhərində orta məktəbi bitirmişdir.[1]1997-2001-ci illərdə Bakı Dövlət Universitetinin kitabxanaçılıq-informasiya fakültəsində nəşriyyat işi və redaktəetmə ixtisası üzrə təhsil almışdır.[1]2001-2003-cü illərdə BDU-da magistr təhsili almışdır. 2003-2004-cü illərdə hərbi xidmətdə olmuşdur.

2006-2008-ci illərdə Azərbaycan Milli Elmlər Akademiyası Nizami adına Ədəbiyyat İnstitutunun aspirantı olmuşdur. 2012-ci ildə "Səməd Vurğun şeirinin obrazlar sistemi" mövzusunda namizədlik dissertasiyasını müdafiə etmişdir. Elmi rəhbəri görkəmli ədəbiyyatşünas alim, professor Şirindil Alışanlıdır. Hazırda prof. Şirindil Alışanlının elmi məsləhətçiliyi ilə "Bəxtiyar Vahabzadə yaradıcılığında janrların təkamülü və poetikası" mövzusunda doktorluq dissertasiyası üzərində işləyir.

2005-ci ildən Bakı Dövlət Universitetində pedaqoji fəaliyyətlə məşğuldur. Kitabxanaçılıq-informasiya fakültəsinin dekan müavini, Kitabşünaslıq və nəşriyyat işi kafedrasının dosentidir.

2003-cü ildən Azərbaycan Yazıçılar Birliyinin üzvüdür, 2014-2019-cu illərdə AYB-nin Gənclər Şurasının üzvü olub.

2008-ci ildən Dünya Gənc Türk Yazarlar Birliyinin üzvü, 2009-cu ildən Məclis üzvü, 2014-cü ildən isə Məsləhətçilər Şurasının üzvüdür.[2] 2009-cu ildən "Aşıq Şəmşir" Mədəniyyət Ocağı İctimai Birliyi İdarə Heyətinin üzvüdür. 2018-ci ildən Türkiyə Elm və Ədəbiyyat Əsəri Sahibləri Məslək Birliyinin (İLESAM) üzvüdür.

2009-2013-cü illərdə Bizim söz qəzetinin baş redaktoru olmuşdur. "Ulduz" jurnalı redaksiya heyətinin üzvüdür.

1 monoqrafiyanın, 1 dərs vəsaitinin, 4 fənn proqramının, 70-dən çox elmi, 350-dən çox ədəbi-publisistik məqalənin müəllifidir. 40-a qədər kitabın redaktoru, rəyçisi və ön söz müəllifidir. Bir neçə Beynəlxalq konfransda iştirak etmişdir. 2013-cü ildə Türkiyədə keçirilən "Beynəlxalq Poeziya Festivalı"nda Azərbaycanı təmsil etmişdir.

2010-cu ilin noyabr ayında müqəddəs Həcc ziyarətində olmuşdur.

Mükafatları[redaktə | əsas redaktə]

2004-cü ildə Gənclər, İdman və Turizm Nazirliyi tərəfindən yazıçı sənətində qazandığı uğurlara görə "İlin ən yaxşı şeiri" nominasiyası üzrə təltif edilib.

2008-ci ildə istedadlı gənc yazarlar üçün nəzərdə tutulmuş Prezident Təqaüdünə layiq görülüb.

2011-ci ildə Səməd Vurğun Fondu tərəfindən "Səməd Vurğun" mükafatına layiq görülüb.

2013-cü ildə Uluslararası Türk Kültürü Təşkilatı (TÜRKSOY) tərəfindən "İpək yolu şairlər buluşması"nda iştirakına görə diplomla təltif edilib.

2013-cü ildə Dünya Gənc Türk Yazarlar Birliyinin "Türk Dünyasına Xidmət Ödülü"nə layiq görülüb.

2013-cü ildə AYB-nin Azərbaycan Naşirlər və Poliqrafçılar Birliyi ilə birgə təşkil etdiyi "Ən yaxşı şeir müsabiqəsi"nin qaliblərindən biri olub.[3]

2015-ci ildə Türkiyə Elm və Ədəbiyyat Əsəri Sahibləri Məslək Birliyinin (İLESAM) "Türk Ədəbiyyatına Xidmət Ödülü"nə layiq görülmüşdür.

2015-ci ildə yeni kitabının çıxması münasibətilə "Aşıq Şəmşir" Mədəniyyət Ocağı İctimai Birliyinin "Dədə Şəmşir" diplomuna layiq görülmüşdür.[4]

2018-ci ildə İstanbul Türkiyə-Azərbaycan Dayanışma və Kültür Dərnəyi tərəfindən Azərbaycan Xalq Cümhuriyyətinin 100 illiyi münasibətilə “Onur Bəlgəsi” ilə təltif olunmuşdur.

Yaradcılığı[redaktə | əsas redaktə]

Ələmdar Cabbarlı erkən yaşlarından bədii yaradıcılıqla məşğuldur.[1]

Şerləri, hekayə və povestləri müxtəlif almanax, jurnal və qəzetlərdə dərc edilib.[1]

Kitabları[redaktə | əsas redaktə]

  1. "Azərbaycanım mənim", 2000.
  2. "Özümlə bir ətək daş gəzdirirəm", Bakı, Azərnəşr, 2002.
  3. "...Və bir gün", 2006.
  4. "Yaşasan çoxdu bu ömür", Bakı, "Elm və təhsil", 2011. 100 səh., 1000 tiraj.
  5. "Kəlbəcərsiz 19 il...", Bakı, 2012.
  6. "Nəşriyyat işinin təşkili və idarə edilməsi", (dərs vəsaiti) Bakı: Mütərcim, 2014.[5].
  7. "Günahı olan qorxmasın", Bakı, 2015.[4]
  8. “Səməd Vurğunun obrazlar aləmi” (monoqrafiya). Bakı, Mütərcim, 2017, 168 s.
  9. “Qızıl”, Bakı, Mütərcim, 2018, 120 s.

Şəkil qalareyası[redaktə | əsas redaktə]


İstinadlar[redaktə | əsas redaktə]

  1. 1 2 3 4 5 Cahid Kazımov (2003). "ÖMRÜ SÖZÜN İÇİNDƏ…" (azərb.). ahiska-az.narod.ru. İstifadə tarixi: 2015-07-10.
  2. Səxavət Mirzəyev (03.01.2015 12:28). "Ələmdar Cabbarlı - 30" (azərb.). dgtyb.org. İstifadə tarixi: 2015-07-10.
  3. "Ələmdar Cabbarlı - Dəymədim xətrinə… (Ən Yaxşı Şeir)" (azərb.). ayb.az. 16.07.2014 16:40. İstifadə tarixi: 2015-07-10.
  4. 1 2 "ƏLƏMDAR CABBARLININ KİTABININ TƏQDİMATI KEÇİRİLDİ" (azərb.). azpress.az. 07-05-2015. İstifadə tarixi: 2015-07-10.
  5. "Ələmdar Cabbarlının yeni kitabı çapdan çıxıb", Bütöv Azərbaycan qəzeti, №19(238), 17-23 iyul 2014-cü il. - Səh. 13.

Xarici keçidlər[redaktə | əsas redaktə]

Vikianbarda Ələmdar Cabbarlı ilə əlaqəli mediafayllar var.