Əlfi Qasımov

Vikipediya, açıq ensiklopediya
Keçid et: naviqasiya, axtar
Əlfi Qasımov
Əlfi Səhlik oğlu Qasımov
Əlfi Qasımov yazici.jpg
Doğum tarixi 5 yanvar 1927(1927-01-05)
Doğum yeri Poladlı kəndi, Ağdam rayonu
Vəfatı 12 mart 1985 (58 yaşında)
Vəfat yeri Bakı
Vəfat səbəbi Ürək çatışmazlığı
Peşələri Yazıçı, publisist, tərcüməçi

Əlfi Qasımov — Azərbaycan yazıçısı, publisist, tərcüməçi, 1956-cı ildən Azərbaycan Yazıçılar Birliyinin üzvü.

Həyatı[redaktə | əsas redaktə]

1927-ci il 5 yanvarda Ağdam rayonunun Poladlı kəndində anadan olmuşdur. Şelli-Qaradağlı kəndinin yeddiillik məktəbini bitirdikdən sonra Ağdam Pedaqoji Texnikumunda təhsil alıb. Oranı bitirdikdən sonra Ağcabədi rayonunda Xocavənd və Boyad kənd məktəblərində müəllim işləyib (1943-1944). Sonra Ağdamda ikiilik Müəllimlər İnstitutunda təhsilini davam etdirib (1944-1946).

Əlfi Qasımovun məzarı

1946-cı ildə ADU-nun jurnalistika fakültəsinə daxil olmuş, 1951-ci ildə universiteti bitirdikdən sonra "Azərbaycan müəllimi" qəzetində xüsusi müxbir, şöbə müdiri və redaktor müavini vəzifələrində işləmişdir (1951-1958). Sonra "Ədəbiyyat və incəsənət" qəzetində məsul katib (1958-1966), Azərbaycan SSR Dövlət Poliqrafiya, Nəşriyyat və Kitab Ticarəti İşləri Komitəsində nəşriyyatlar idarəsinin rəisi, baş redaktor vəzifələrində (1966-1983) çalışmışdır. 1983-cü ilin fevralından ömrünün axırınadək Azərbaycan Dövlət Nəşriyyatında bədii ədəbiyyat redaksiyasının müdiri vəzifəsində işləyib. Avropa ölkələrində turist səfərində olub. Azərbaycan Dövlət Televiziyasında “Kitablar aləmi” verilişinin aparıcısı olub.

1985-ci il 12 martda, Bakıda ürək çatışmazlığından qəflətən vəfat etmişdir.

Yaradıcılığı[redaktə | əsas redaktə]

Ədəbi yaradıcılığa şeirlə başlamışdır. "Xalq arzusu" adlı ilk şeri 1945-ci ildə Ağdamda çıxan "Lenin yolu" qəzetində dərc olunmuşdur. Universitetdə oxuduğu illərdə şeirləri respublikanın müxtəlif qəzet və jurnallarında dərc edilmişdir. «Əriməzin ətəklərində» adlı ilk oçerklər kitabı 1954-cu ildə çapdan çıxmışdır. Sonra isə çoxsaylı oçerk, hekayə, povest və roman kitabları, həmçinin tərcümələləri və tərtib etdiyi digər kitabları nəşr olunmuşdur. Əsərləri rus, qırğız, türkmən və tacik dillərinə tərcümə edilmişdir.

Kitabları[redaktə | əsas redaktə]

Bədii əsərləri:

1. Əriməzin ətəklərində. Oçerklər. Bakı, Uşaqgəncnəşr, 1954. 39[1]s.

2. Şagird briqadaları. Oçerklər. Bakı, Azərnəşr, 1960. 69[3]s.

3. Odlu ürəklər. Oçerklər. Bakı, Uşaqgəncnəşr, 1962. 35[1]s.

4. Dostluq və qardaşlıq dünyası. Bakı, Azərnəşr, 1963. 38[2]s.

5. Adilənin taleyi. Roman. Bakı, Azərnəşr, 1964. 227[1]s.

6. Dnepr qəhrəmanı. Qəhrəmanlar haqqında oçerklər. Bakı, Azərtədrisnəşr, 1964. 91[1]s.

7. Ulduz karvanı. Oçerklər. Bakı, Gənclik, 1967. 192[4]s.

8. Məni qınamayın. Povestlər və hekayələr. Bakı, Gənclik, 1968. 290[2]s.

9. Saçlar ağarsa da... Pedaqoji oçerklər. Bakı, Maarif, 1969.156, [4] s.

10. Qızburunda tək məzar. Sənədli povest. Bakı, Gənclik, 1970. 192, [4] s.

11. Vətən çağıranda. Sənədli hekayələr. Bakı, Azərnəşr, 1975. 225[3]s.

12. Könül sevən... Roman-povest. Bakı, Gənclik, 1977. 389[3]s.

13. Qağayı fəryadı. Povest və hekayələr. Bakı, “Yazıçı” , 1979. 279[5]s.

14. İnsan qaranquş deyil. Povestlər və hekayələr. Bakı, Gənclik, 1981. 962[2]s.

15. Toy gecəsi. Romanlar. Bakı, Yazıçı, 1985. 382[2]s.

16. Bəhyəddin Mirzəyev [Mətn]. Bakı, Azərnəşr, 1985. 30[2]s.

Tərcümələri və tərtib etdiyi kitablar:

1. Böyük Leninə Azəri yazıçılarının hekayələri /tərt. ed. Ə. Qasımov. Bakı, Azərnəşr, 1969. 123[1]s.

2. Bəşərin vicdanı, eşqi, ürəyi... Şeirlər /tərt. ed. Ə. Qasımov, red. E. Borçalı. Bakı, Azərnəşr, 1970. 183[1]s.

3. Səadətin ünvanı /tərt. ed. Ə. S. Qasımov. Bakı, Yazıçı, 1979. 211[5]s.

4. Qaydar, Arkadi Petroviç. Uzaq ellər /tərc. ed. Ə. Qasımov. Ə. Babayeva. Bakı, Gənclik, 1980. 289[4]s.

5. Bolqar hekayələri. Satira və yumor /tərc. ed. Ə. Qasımov. Bakı, Azərnəşr, 1985. 213[3]s.

Xarici keçidlər[redaktə | əsas redaktə]

Əlfi Qasımov - anl.az

Mənbə[redaktə | əsas redaktə]

  • XX əsr Azərbaycan yazıçıları,Ensiklopedik məlumat kitabı. Bakı,2011