Əsəd Əliyev

Vikipediya, azad ensiklopediya
Jump to navigation Jump to search
Əsəd Əliyev
Əsəd Cabbar oğlu Əliyev
Doğum tarixi
Doğum yeri Nehrəm, Naxçıvan, İrəvan quberniyası, Zaqafqaziya Komissarlığı
Vəfat tarixi (76 yaşında)
Vəfat yeri Nehrəm, Babək rayonu, Naxçıvan Muxtar Respublikası, Azərbaycan

Əsəd Əliyev (tam adı:Əsəd Cabbar oğlu Əliyev;v. 24 noyabr 1994) — maarif xadimi, Azərbaycan Respublikasının əməkdar müəllimi.

Həyatı[redaktə | mənbəni redaktə et]

Əsəd Cabbar oğlu Əliyev 1918-ci il 9 fevral-da Nehrəm kəndində anadan olmuşdur. Finlandiya-Rusiya müharibəsi və Böyük Vətən Müharibəsinin iştirakçısı olub. Ağır yaralandığı üçün 1942-ci ilin əvvəllərində ordu sıralarından tərxis olunub.

Təhsili[redaktə | mənbəni redaktə et]

1935-ci ildə Nehrəm kənd yeddiillik məktəbi bitirib. Naxçıvan Pedaqoji Məktəbinə daxil olmuş və 1938-ci ildə oranı fərqlənmə diplomu ilə bitirmişdir. 1956-ci ildə APİ-nin tarix fakültəsini bitirib.

1994-cü il 24 noyabrda ayının Nehrəm kəndində vəfat edib.

Fəaliyyət[redaktə | mənbəni redaktə et]

Əmək fəaliyyəti[redaktə | mənbəni redaktə et]

Pedoqoji fəaliyyətə 1938-ci ilin sentyabr-oktyabr aylarında Culfa rayonunun Əbrəqunus kənd məktəbində başlayıb.

1942–1944-cü illər ərzində Nehrəm kənd orta məktəbində müəllimlik fəaliyyətini davam etdirib. 1944-cü ildə Nehrəm kənd ZDS-nin katibi seçilib və 1947-ci ilədək həmin vəzifədə çalışıb. Eyni zamanda bu müddət ərzində Kəndli-Gənclər məktəbində müəllimlik edib. 1947–1958-ci illərdə yeni yaradılmış Çeşməbasar kənd yeddiillik məktəbində müəllim işləyib. 1958–1961-ci illərdə Nehrəm kənd orta məktəbinin direktoru, 1961–1962-ci illərdə Nehrəm kolxozunun sədri vəzifəsində çalışıb. 1962-ci ildə yenidən Çeşməbasar kənd səkkizillik məktəbinə qayıdaraq 1971-ci ilin sentyabr ayınadək orada müəllim işləyir. 1971-ci ildən 1994-cü ilədək, ömrünün sonunadək Nehrəm kənd 1 saylı orta məktəbində müəllim işləyib.

İctimai fəaliyyəti[redaktə | mənbəni redaktə et]

Babək rayon Müharibə və Əmək Veteranları Şurasının və Naxçıvan Muxtar Respublikası Ağsaqqallar Şurasının sədri olub.

Təltif və mükafatları[redaktə | mənbəni redaktə et]

  • 1942-ci il "İgidliyə görə" medalı
  • 1979-cu ildə "Baş müəllim",
  • 1982-ci ildə "Metodist müəllim",
  • 1984-cü ildə "Azərbaycanın əməkdar müəllimi" fəxri adlarına layiq görülməşdir.
  • "Qabaqcıl maarif xadimi" döş nişanı və Naxçıvan MSSR Ali Sovetinin fəxri fərmanı ilə təltif edilib.

Mənbə[redaktə | mənbəni redaktə et]

  • Naxçıvan Ensiklopediyası. Bakı. 2002. səh. 134. ISBN 5-8066-1468-9.