Əsəd bəy Rüstəmbəyov

Vikipediya, azad ensiklopediya
Jump to navigation Jump to search
Əsəd bəy Rüstəmbəyov
Əsəd bəy Fətulla bəy oğlu Rüstəmbəyov
Əsəd bəy Rüstəmbəyov.jpg
Doğum tarixi
Doğum yeri Şuşa, Şuşa qəzası, Yelizavetpol quberniyası, Rusiya imperiyası
Vəfat tarixi (71 yaşında)
Vəfat yeri Bakı, Azərbaycan SSR, SSRİ
Vətəndaşlığı Rusiya İmperiyası Rusiya imperiyası
Azərbaycan AXC
SSRİ SSRİ
Atası Fətulla bəy Rüstəmbəyov
Anası Turan xanım Kərim bəy qızı Mehmandarova
Təhsili Azərbaycan Neft və Kimya İnstitutu

Rüstəmbəyov Əsəd bəy Fətulla bəy oğlu (2 sentyabr 1911, Şuşa, Şuşa qəzası, Yelizavetpol quberniyası - Bakı, Azərbaycan SSR, SSRİ, 17 oktyabr 1982) — mühəndis, Azərbaycan alimi, neft və qaz quyu qazıması sahəsində mütəxəssis. Texnika elmləri namizədi (1972), Azərbaycan SSR əməkdar mühəndisi (1960). SSRİ-nin fəxri neftçisi (1971).[1]

Həyatı[redaktə | mənbəni redaktə et]

Əsəd bəy Fətulla bəy oğlu 2 sentyabr 1911-ci ildə Şuşada anadan olmuşdur. Azərbaycan Neft və Kimya İnstitutunu bitirmişdir (İNDİKİ Azərbaycan Neft Akademiyası). Rüstəmbəyov dərin və çox dərin qazımanın texnologiya məsələlərinə dair tədqiqat işləri aparmışdır. Azərbaycanda, Başqırdıstanda yüksək məhsuldar yeni yataqların kəşfində və işə salınmasında fəal iştirak etmişdir.[1]

Rüstəmbəyov Qazaxıstanda, Özbəkistanda, Qırğızıstanda, həmçinin Azərbaycanın müxtəlif rayonlarındakı mütəxəsislərinin təkmilləşdirilməsi prosesində, yeni texnika və texnologiyanın tətbiqi işində iştirak etmişdir.

Bir sıra elmi əsər və ixtiranın müəlifidir.

8 orden və medallarla təltif olunmuşdur.

17 oktyabr 1982-ci ildə Bakıda vəfat etmişdir.[1]

Ailəsi[redaktə | mənbəni redaktə et]

Atası Fətulla bəy Rüstəmbəyov Salyanın məşhur bəy nəsli olan Rüstəmbəyovlar nəslindəndir. Fətulla Rüstəmbəyov ilk azərbaycanlı mühəndis-texnoloq, Azərbaycanda neft sənayesinin bərpası və texniki cəhətdən yenidən qurulmasının təşkilatçılarından biri olmuşdur. O, Azərneftin Dəniz Komitəsinə başçılıq edərək, sualtı neft sahələrinin işlənilməsində, dəniz neft mədənlərinin inkişafında böyük əmək sərf etmişdir.[1]

Bacısı Aliyə Rüstəmbəyova İkinci dünya müharibəsi qəhrəmanı, partizan hərəkatı iştirakçısı, həkim olmuşdur.[2]

Anası Turan xanım Mehmandarova Şuşanın məşhur Mehmandarovlar ailəsindən olan, həkim Kərim bəy Mehmandarovun qızı olmuşdur. Turan xanımın anası Qacar şahzadələrindən olan Bəhmən Mirzə Qocanlı Qacarın qızı Zəri xanım idi.

İstinadlar[redaktə | mənbəni redaktə et]

  1. 1 2 3 4 Ənvər Çingizoğlu. "Rüstəmbəyovlar:Salyanlı, yoxsa Şuşalı?". "Soy" dərgisi. 2009.
  2. Savalan Fərəcov. "Partizan Aliyə". medeniyyet.az. 2010. İstifadə tarixi: 28 yanvar 2022.