Əyripəncə

Vikipediya, azad ensiklopediya
Jump to navigation Jump to search
Əyripəncə
isp. El pie varo
Rəsmin görünüşü
Rəsmin görünüşü
Rəssam Xose de Ribera
Tarixi 1642[1]
Üslubu portret[2]
Texnikası yağlı boya və kətan
Ölçüləri 164 ± 1 sm[2] × 93,5 ± 0,1 sm[2]
Saxlanıldığı yer Luvr muzeyi
Saytı louvre.fr/oeuvre-…​ (fr.)
louvre.fr/en/oeuv…​ (ing.)
louvre.fr/jp/oeuv…​ (yap.)
İnventar nömrəsi MI 893
Commons-logo.svg Vikianbarda əlaqəli mediafayllar

Əyripəncə (isp. El pie varo) (həm də Əyripəncə oğlan kimi tanınır) — 1642-ci ildə İspaniya rəssamı Xose de Ribera tərəfindən yağlı boya ilə kətan üzərində çəkilmiş rəsm əsəridir. Neapolda çəkilmiş rəsm əsəri hazırda Parisdəki Luvr muzeyinin kolleksiyasında saxlanılır. Sənət tarixçisi Ellis Uoterhaus əsəri “Riberanın büün yaradıcılığını təfsir edən təcrübə daşı adlandırır.”[3]

Flamand taciri tərəfindən sifariş edilmiş rəsmdə neapollu dilənçi oğlan təsvir edilmişdir; onun ayağı deformasiyalıdır. Oğlanın arxasında geniş və işıqlı peyzaj təsvir edilmişdir, nazik və köhnə geyimdə olan uşaq gülümsəyir, onun sol çiynində qoltuqağacı vardır. Əlində tutduğu kağızda latın dilində yazılmışdır: “DA MIHI ELEMOSINAM PROPTER AMOREM DEI” (azərb. Tanrı sevgisi naminə, sədəqə verin‎).

Tarixi[redaktə | əsas redaktə]

Rəsm Riberanın ən son və sərt əsərlərindən biridir. Rəng və ton kontrastı əsərin əsas xüsusiyyətlərindən biridir. İtaliya İntibah rəssamlarının və Flamand rəssamlarının kompozisiyalarını öyrənməsi və bütün həyatı boyu İtaliyada yaşamasına baxmayaraq o, İspaniya rəssamlarının realist stilindən təsirlənmişdir.[4]

İnsan zəiflikləri haqqında xristian düşüncəsinə meyl edən İspaniya rəssamları tez-tez əsərlərində dilənçilər, şikəstlər və əbləhləri təsvir edirdilər. Rəsmdə şəxsi halına oyun kimi yanaşan balaca avara təsvir edilmişdir; əlində tutduğu üzərində latınca yazılmış kağız vasitəsiylə balaca avara izləyicisinə ehtiyacı olduğunu və kömək gözlədiyini də bildirir.[5]

Karravacco tərəfindən yaradılan və sonradan Neapolda realist stilin ən sadiq davamçısı olan Ribera tərəfindən izlənən motiv, sözsüz ki, incəsənətdə aşağı sinifin həyat səhnələrinə marağın törəməsidir.[6]

İstinadlar[redaktə | əsas redaktə]

  1. rəsmin aşağı sağ küncündə yazılmışdır: Jusepe de Ribera espanol f 1642
  2. 1 2 3 4 5 Joconde — 1975.
  3. Waterhouse, Ellis (1962). Italian Baroque Painting. London: Phaidon Press. səh. 178.
  4. M. Scholz-Hansel, Jusepe De Ribera (Masters of Spanish Art), Konemann UK Ltd (2001), passim.
  5. Cf. M. Scholz-Hansel, ibid., p.89.
  6. M. Laclotte & J-P. Cuzin, The Louvre: Paintings, Scala Publishers Ltd (2004), s.v. "Ribera".

Ədəbiyyat[redaktə | əsas redaktə]

Xarici keçidlər[redaktə | əsas redaktə]