Laokoon və oğulları

Vikipediya, açıq ensiklopediya
Jump to navigation Jump to search
Laokoon və oğulları
Laocoon and His Sons.jpg
41°54′15″ şm. e. 12°27′17″ ş. u.
Ölkə Vatikan Vatikan
Yerləşir Vatikan muzeyləri
Heykəltəraş naməlum
Tarixi təxm. e.ə. 50-ci illər
Hündürlüyü 208 sm × 163 sm × 112 sm[1]
Material ağ mərmər
Saxlanıldığı yer Piy-Kliment muzeyi
İnventar nömrəsi MV_1059_0_0
Commons-logo.svg Vikianbarda əlaqəli mediafayllar

"Laokoon və oğulları" - Vatikanın Belveder sarayında yerləşən Piy-Kliment muzeyinin heykəltəraşlıq nümunəsi. Bu heykəltəraşlıq nümunəsində Laokoon və onun övladlarının ilanlarla ölümcül mübarizəsi öz əksini tapmışdır. Bu heykəltəraşlıq nümunəsi Rodoslu Aqesandr və onun övladları olan Polidor və Afinodor tərəfindən e.ə I əsrdə yaradılmışdır. Bu əsər e.ə 200-ci ildə Perqamda bürüncdən yaradılan heykəltəraşlıq nümunəsinin mərmərdən hazırlanan surətidir.

Bu əsərin Roma surətini 1506-cı ildə Felis de Fredis Ekskivilin təpəsində yerləşən üzümlüklərdə Neronun Qızıl evinin olduğu yerin altından tapmışdır. Papa II Yuli bu tapıntı haqda eşidən kimi dərhal bunun dalınca memar Culiano de SanqalonuMikelancelonu göndərir. Sanqalo işin həqiqiliyini bu sözlərlə bildirmişdir: "Bu Böyük Plininin xatırladığı Laokoondur". Mikelancelo bu heykəlin 2 ədəd mərmər parçasından hazırlandığını müəyyən etmişdir.

Artıq 1506-cı ilin martında heykəl qrupunu papaya verirlər. O bunu Vatikanda yerləşən Belveder sarayında qoydutdurur və Sanqaloya bunun üçün xüsusi bir yer yaratmağı sifariş verir. Bu kompozisiya manyerizm dövrünün rəssamlarının heyranlığına səbəb olmuş və insan bədəninin burulğanvarı hərəkətini dəbə gətirmişdir. (figura serpentinata - insan bədəninin spiral şəklində burulmasını özündə əks etdirən heykəl kompozisiyasıdır.)

1798-ci ildə bu heykəl qrupunu Napoleon Bonapart və papa arasında bağlanan Tolentin müqaviləsinə əsasən kompensasiya kimi Parisə gətirilmişdir. Heykəli Luvr muzeyində yerləşdirirlər. 1800-cü il 9 noyabr tarixində onu ictimai baxış üçün açırlar. Ancaq 1816-cı ildə Napoleonun devrilməsindən sonra bu heykəli yenidən Vatikana qaytarırlar.

  1. Digital Sculpture Project: Laocoön, "Catalogue Entry: Laocoon Group"