Əyyub bəy Rəfibəyov

Vikipediya, azad ensiklopediya
Jump to navigation Jump to search
Eyyub bəy Rəfibəyov
Əyyub bəy Rəfibəyov (Əyyub Sayqın) Məşədi bəy oğlu
Əyyub bəy Rəfibəyli.jpg
bayraqNuxa (Şəki) qəzası rəisibayraq
Şəxsi məlumatlar
Doğum tarixi 1890(1890)
Doğum yeri Bala Bağman məhəlləsi, Gəncə, Yelizavetpol qəzası, Yelizavetpol quberniyası, Qafqaz canişinliyi, Rusiya imperiyası
Vəfat tarixi 1979(1979)
Vəfat yeri Ankara, Türkiyə

Əyyub bəy Rəfibəyov (Əyyub Sayqın) Məşədi bəy oğlu (1890-1979) — Şəki qəzasının rəisi, ictimai-siyasi xadim, Gəncə üsyanının iştirakçılarından biri və Türkiyə kəşfiyyat orqanlarının zabiti olmuşdur.[1]

Həyatı[redaktə | əsas redaktə]

Əyyub bəy Rəfibəyov 1890-cı ildə Gəncə şəhərinin Bala Bağman məhəlləsində Ələkbər bəy Rəfibəylinin (1839-1919) qardaşı Məşədi bəy Rəfibəylinin ailəsində dünyaya gəlmişdir. anadan olmuşdu.

Təhsili[redaktə | əsas redaktə]

İlk təhsilini rus dilli liseydə almışdır.

Fəaliyyəti[redaktə | əsas redaktə]

Çar dövrü[redaktə | əsas redaktə]

1909-cu ilin sentyabrında Yelizavetpol (Gəncə) şəhərinin 3-cü hissəsinin pristav köməkçisi işləmiş, bir müddət həmin hissənin pristavı vəzifəsini icra etmişdir. 1917-ci ilin sonlarında Yelizavetpol şəhər polisinin pristavı təyin olunmuşdur.

AXC dövrü[redaktə | əsas redaktə]

Azərbaycan Xalq Cümhuriyyəti qurulduqda Əyyub bəy Rəfibəyov yenə Gəncə şəhər polisinin pristavı təyin edilmişdir.

1920-ci ilin aprelində isə Nuxa (Şəki) qəzasının rəisi idi.

Gəncə üsyanı[redaktə | əsas redaktə]

Aprel işğalından (1920) sonra sovet-bolşevik rejiminə qarşı Gəncə üsyanının (1920) fəal iştirakçılarından olmuşdur.

Azərbaycanda sovet hakimiyyəti qurulan zaman Əyyub bəy Azərbaycan milli ordusunun Qarabağdakı I piyada alayının komandiri olan qardaşı Səməd bəy Rəfibəyli (1891-1980), əmisi oğlu Qafar bəy və digər şəxslərlə birlikdə müstəqilliyi bərpa etmək üçün Gəncə üsyanında yaxından iştirak etmişdir.

Üsyan amansızlıqla yatırıldıqda təqiblərdən qurtularaq 1920-ci ilin iyununda bir qrup silahdaşı ilə bərabər Türkiyəyə keçə bilmişdir.

Mühacirət dövrü[redaktə | əsas redaktə]

Türkiyənin xüsusi xidmət orqanlarında fəaliyyət göstərmiş, 1941-ci ildə Türkiyə kəşfiyyat idarəsinin Qars filialının rəis müavini təyin edilmişdir. Türkiyədə Əyyub Sayqın adını daşımışdır.

Əyyub Sayqın 1979-cu ildə Ankarada vəfat edib.

Həmçinin bax[redaktə | əsas redaktə]

İstinadlar[redaktə | əsas redaktə]

  1. Məmməd Süleymanov. "Əyyub bəy Rəfibəyov". azkurs.org.