Vikipediya:İnzibatçı müzakirəsi

Bu səhifə idarəçilərin fəaliyyətini koordinə etmək üçün nəzərdə tutulmuşdur.

İdarəçi qeydləri

• Vikipediya:İdarəçi müzakirəsi/Qeydlər — son yenilənmə tarixi: 01.07.2014

Həmçinin bax

• Vikipediya:İdarəçilər
• Vikipediya:İdarəçi müzakirəsi/Arxiv
• Vikipediya:İdarəçilərə müraciət
• Silinəcək səhifələr

İnterfeys idarəçisi namizədləri

Salam hörmətli idarəçilər, bu keçiddəki müzakirəni daha geniş şəkildə bütün idarəçilərlə birlikdə müzakirə etmək istəyirəm. Zəhmət olmasa hər kəs öz fikrini bildirsin. Hörmətlə--eldarado ^✉ 17:58, 29 avqust 2018 (UTC)

Vusal1981-in idarəçilik statusunun alınması ilə bağlı müzakirə.

Salam hörmətli idarəçilər, dəyərli idarəçimiz Vusal1981-in idarəçilik statusunun alınması ilə bağlı hər birinizin fikrini öyrənmək istəyirəm. Vüsal azvikipediyada ən çox əziyyəti olan şəxslərdən biri olub. Bu danılmaz faktdır. Lakin idarəçi kimi fəaliyyəti demək olar ki, normal şəkildə olmayıb. Son 7 ay ərzində nəinki idarəçi fəaliyyəti, heç istifadəçi kimi normal fəaliyyəti olmayıb. Bir neçə dəfə müəmmalı və mübahisəli bloklamaları olub, hətta metadan xəbərdarlıq belə alıb. İdarəçilərə kömək olmayacaqsa idarəçilik statusunun saxlanılmasının bir anlamı olmadığını düşünürəm. Aşağıda araşdırmağınız üçün statistika keçidləri yerləşdirmişəm. Hər birinizin fikirlərini öyrəndikdən sonra yaxın zamanda etimad səsverməsinin başlatmağı planlayıram. Təbii ki, ümumi razılıq olarsa əgər. Sortilegus, Wertuose, Cekli829, Sortilegus, Sultan11, Baskervill, Babək Akifoğlu, Araz Yaquboglu, Eminn, White Demon, Nicat49, Anar kerimxanov, Azerifactory, Rufet Turkmen Hörmətlə --eldarado ^✉ 17:20, 30 avqust 2018 (UTC)

• Vusal1981 · (müzakirə · fəaliyyətlər · silinən fəaliyyətlər · bütün vikilər · Xtools sayğacı · Supercount sayğacı · qeydlər · bloklanma qeydləri · hüquqları (istifadəçinin hüquqlarını dəyişdir)

Vüsal bəyə qocaman vikipediyaçı kimi hörmətim var. Lakin bu sahədə fəaliyyəti zəifdirsə məncə də statusu geri alınmalıdır. --Rufet Turkmen (müzakirə) 19:16, 30 avqust 2018 (UTC)

Təəssüf ki, son zamanlar idarəçi kimi çox passivdir. Bu və digər səbəblərdən idarəçilik statusunun alınması ilə bağlı səsverməyə başlamaq olar.--Nicat^{49   ⋠müzakirə⋡} 22:18, 30 avqust 2018 (UTC)

Dəstəkləyirəm. Özüdə Kənd meydanında bir dəfə bildirmişdi ki, AzVikidə fəaliyyətimi dayandırmışam.--White Demツn^yo! 22:29, 30 avqust 2018 (UTC)

Statusunun geri alınmasının lehinəyəm. Son zamanlar passivliyi ilə seçilir.--Anar Kərimxanov (müzakirə) 08:31, 31 avqust 2018 (UTC)

Səsvermə tərəfimdən başladıldı. Hörmətlə --eldarado ^✉ 17:12, 31 avqust 2018 (UTC)

O dəqiqə səsverməyə başlamaq olmaz. Azvikinin 16 idarəçisi var, cəmi 3-4 idarəçi fikir bildirib, müzakirə 2 gündür açılıb və o dəqiqə də etimad səsverməsi başladılıb. Bu düzgün deyil. Səsverməni mən dayandırıram. Ən azı 2-3 həftə müzakirə getməlidir. İmkan olsa Vüsalın özü də müzakirədə iştirak etməlidir. Yəni bu xırda məsələ deyil ki. Lap bu addım nə qədər əsaslandırılsa da, idarəçilər arasında konsensus, ən azından say çoxluğu əldə olunmalıdır. --Sortilegus (müzakirə) 17:33, 31 avqust 2018 (UTC)

Hörmətli Sortilegus, 16 idarəçimizdən hardasa 10 aktivdi bu aralar və onlardan da 5-i artıq fikrini bildirdiyi üçün səsvermə başlatdım (qaydalarda da "Səsvermənin keçirilməsinə qərar aktiv idarəçilərin müzakirəsində əldə olunan razılıq əsasında verilir"). Heç bir qaydada də iki üç həftə müzakirə olunsun deyə bir şərt yoxdur. Müzakirələr uzanmadıqca qısa müddətə təşkil etmək olar. Şəxsin özünün də müzakirəyə fikir bildirməsi şərt deyil. Ama yenədə çox qısa zamanda səsvemə başladılması fikri ilə razılaşıram sizinlə. İki gün daha gözləsək daha doğru olar. Hörmətlə --eldarado ^✉ 18:21, 31 avqust 2018 (UTC)

։Fəaliyyəti hər zaman yüksək olan idarəçidir. İndi fəaliyyətində aktivlik azalması onu bu statusdan azad etməyə əsas ola bilməz. Ona qalsa elə idarəçilər varki, hər 2-3 aydan bir redaktələr edir. O ki qaldı AzVikidə fəaliyyətini dayandırmasına onda gərək buna münasibətini rəsmən təstiqləməlidir. Bir tərəfli şəkildə qərarların çıxarılmasının əlehinəyəm__Q🅾⚓Ç🅾Ⓜ🅰Q ^✉ 18:42, 31 avqust 2018 (UTC)

Qolcomaq, əslində istifadəçi fəaliyyətini dayandırdığını bir dəfə açıqlamışdı. Amma ondan sonra redaktələri olub. Fikrini dəyişibmi, ya yox, mənə də maraqlıdır.--White Demツn^yo! 19:05, 31 avqust 2018 (UTC)

Təbii ki, müzakirədən sonra Vüsalın da, bir başqa idarəçinin də etimad səsverməsini keçirmək olar. Bu problem deyil. Bu işin elə yolu budur. Sadəcə yaxşı olardı ki, daha çox idarəçi fikir bildirsin, Vüsal özü 1-2 gün bundan qabaq aktiv olub, o da müzakirədə mümkün olsa iştirak eləsin. Məni narahat edən bu məsələ yox, bir başqa məsələdir. Məlumdur ki, azvikinin onurğa sümüyü Bakıdakı istifadəçi və idarəçilərdir. Mən də artıq 6 ildir ki, Bakıdan uzağam və ona görə də azvikidən kənar azvikiylə bağlı gedən proseslərdən xəbərsizəm. Son vaxtlar mən müşahidə edirəm ki, bizim idarəçilərdən bəzilərinin mövqeləri bütün məsələlərdə üst-üstə düşür, sanki qruplaşma kimi hərəkət edirlər. Artıq bir-neçə kanaldan da bununla bağlı mən narahatedici iradlar almışam. Mənə maraqlıdır, bizim idarəçilərdən olan Nihadın səhv etmirəmsə AMEA-nın kitabxanasında bir vaxtlar təşkil etdiyi treyninqlərdə bizim indiki idarəçilərdən neçə nəfər iştirak edib? Və ən əsası neçə nəfər o treyninqlərdən sonra idarəçi seçilib? Burada istifadəçilərin qruplaşma olaraq fəaliyyət göstərməsi halları dəfələrlə olub. Əsasən də facebook-da səfərbər olaraq bu fəaliyyəti yürüdürlər. Lap əvvəllər isə eyni qurumda çalışan istifadəçilərin qruplaşma halında fəaliyyəti müşahidə olunmuşdu. Bu azvikiyə böyük zərər vurur. Bunun bacardığımız qədər vaxtında qarşısını almışıq, bəzən bu qruplaşmalar öz-özünə dağılıb gedib. Amma idarəçilər arasında belə bir qruplaşma varsa bu çox təhlükəli bir tendensiyadır. Belə olan halda adətən ilk addımlardan biri qruplaşmadan olmayan idarəçilərin çıxdaş edilməsi olur. Çünki idarəçinin əlindəki imkanlar daha genişdir. Bunu nəzərə alanda, bu səsvermə məni bir az narahat edir. Keçmiş idarəçilərin hamısının və 1-2 yeni idarəçinin fəaliyyətinə nəzər salsanız görərsiniz ki, müzakirələrdə, səsvermələrdə biri ala dağı dəstəkləyəndə biri qara dağı dəstəkləyir. Bu normal bir şeydir. Hərəsi öz fikrini əsas alıb hərəkət edir. Amma dediyim kimi yeni idarəçilərimizdən 4-5 nəfərin fikri həmişə üst-üstə düşür. Mən burada 11 ildir ki, idarəçiyəm, 10 ildir də ki, bürokrat, amma kimsə deyə bilməz ki, kiminləsə nə vaxtsa hansısa qruplaşmanın tərkibində olmuşam. Ən kəskin müzakirələri də elə həmişə indi etimad səsverməsi keçirilməsi təklif olunan Vüsal ilə aparmışam. Yəni burda mənim Vüsalı mütləq dəstəkləmək kimi bir fikrim yoxdur. Sadəcə çox istərdim ki, azviki idarəçiləri öz bitərəfliklərini həmişə qorusunlar. Bu günə qədər bu həmişə belə olub. Yoxsa bir idarəçi qabağa düşüb həmişə təkliflər verəcəksə və 5-6 idarəçi nə təklif olursa olsun gözübağlı onu dəstəkləyəcksə bu azvikinin bitərəfliyinə ciddi zərbə vuracaq və öz böyük fəsadlarını sonrakı mübahisələrdə, razborkalarda, azvikinin fəsliyyətinin iflic olmasında göstərəcək. Burada kifayət qədər təcrübəm olduğuna və belə şeyləri dəfələrlə gördüyümə görə bunu deyirəm. Çünki bunun tendensiyalarını artıq müşahidə edirəm. Amma azviki mənim üçün 11 ildir ki, dostlarla əl-ələ verib kərpic-kərpic hörməyə çalışdığımız bir ev kimidir. İstəməzdim ki, belə şeylər onun təməllərini sarsıtsın. Hələlik fikirlərim bu qədər, təbii ki, müzakirə davam etddikcə daha başqa fikirlərimi də yazacam. Amma səsverməni başlatmaq hələ tezdir. Göründüyü kimi, artıq əsl neytral idarəçilərin əks fikirlər də burada səslənməyə başlayıb. Ona görə də səsverməni dayandırdım. Bir az daha uzun müddətə müzakirə aparaq. vacib deyil 1 ya 2 fəhtə olmalıdır. Bəlkə 5 gün olacaq, bəlkə 2 ay çəkəcək. Amma ortaq bir mövqeyə gəlmək vacibdir. İlk reaksiyalar dediyim kimi, məni bir az şübhəyə saldı. İndilik Vüsalın məsələsində mənim fikrim Qolçomağın fikri ilə haradasa eynidir. Hörmətlə:--Sortilegus (müzakirə) 19:08, 31 avqust 2018 (UTC)

N Mən bu məsələdə Eldaradonun bir bürokrat kimi tam qeyri-peşəkarlıq nümayiş etdirdiyini düşünürəm. Kənardan baxanda elə bir təsəvvür yaranır ki, sanki AzVikidə kənar qüvvələrin sifarişləri yerinə yetirilir... Vüsal müəllim AzVikinin ən dəyərli istifadəçilərindən biridir. AzVikidə mövcud olan böyük bir kontent bilavasitə onun əməyinin məhsuludur. İdarəçilik fəaliyyətində də onun əsas istiqaməti məhz fəaliyyət göstərdiyi sahədir. Bundan sonra da onun belə davam edəcəyinə inanıram. Ondan idarəçilik statusunun alınması ilə bağlı fikirləri qətiyyən dəstəkləmirəm! Dəyərli həmkarlarıma hörmətlə, --►Cekli829 19:23, 31 avqust 2018 (UTC)

Hörmətli Sortilegus, son dövrlərdə seçilən idarəçilərdən biri də mən olmuşam və mən AMEA-da traininglərdə iştirak etməmişəm. Traning keçməyə dəvət olunsam da işlərimlə əlaqədar gedə bilməmişəm. Lakin həftəsonu AMEA-kitabxanasında baş tutan əksər görüşlərdə bir sıra idarəçilərlə birlikdə iştirak etmişəm. Nəzərinizdə mən idimsə məlumatlar yanlış çatıb demək ki :) Qaldı ki, Vüsal bəyin etimad səsverməsi ilə bağlı söhbətə, bəzi sözləri əmin olmadan qeyd etdiniz. Bu məsələ bir neçə həftə öncə Bakıda təşkil olunmuş idarəçilərin vikigörüşündə müzakirə olundu və belə tez reaksiya verən idarəçilər də həmin görüşdə öz fikirlərini qəti verən şəxslər idi. Uzun müddət Bakıdan uzaqda yaşamanız belə məsələlərə çox ciddi təsir edirmiş demək. Sizdən artıq dərəcədə xahiş edirəm ki, əmin olmadığınız mövzuları belə əminliklə yazmayın. Başa düşüləndir ki, Bakıdan uzaqdasız ama bu soun deyil istənilən mövzu üzrə bizimlə maraqlanıb son vəziyyətlərlə yaxından tanış ola vikigörüşlərin nəticələri ilə bağlı məlumat ala bilərsiniz. Hörmətlə --eldarado ^✉ 19:34, 31 avqust 2018 (UTC)

Əgər Bakıda oturub 5-6 nəfər o idarəçinin statusunu alaq, bu istifadəçini bloklayaq kimi qərarlar verəcəksinizsə, sonra da burada gəlib müzakirə açıb 1 günün içində o 5-6 nəfər fikrinizi yazıb, digər fikirlərin səslənməsini gözləmədən dərhal səsvermələr təşkil edəcəksinizsə, bu elə qruplaşmadır. Bakıdan uzaqda yaşamağım nəyə ciddi təsir etsə də, hər halda vikipediyadakı təcrübəmə təsir etmir.--Sortilegus (müzakirə) 19:38, 31 avqust 2018 (UTC)

Hörmətli Cekli829, bürokrat seçilməyimə razı olmayan tək şəxs siz oldunuz, çox güman ki, həmişə bu fikirdə olacaqsınız. Buna etirazım yoxdur. Mözvuya gəldikdə isə elə dediz ki, sanki hər gün idarəçi kimi faəliyyət göstərən biri barədə müzakirə aparırıq. Sözü gedən şəxs 7a aydır ki, nəinki idarəçilik fəaliyyəti hətta istifadəçi kimi faəliyyət göstərmir. Lakin 6 ay idarəçi kimi fəaliyyət göstərməmək kifatə edir statusun alınması ilə bağlı səsvermə təşkil etməyə. Nədir yanlış etdiyim? Nədir bəyənmədiyiniz? Harda qaydalara ziddi addım atmışam? Hörmətli Sortilegus, üzr istəyirəm ama burdan elə görünür ki, elə siz özünüz bir qruplaşmasız ki, illərdir idarəçi kimi fəaliyyət göstərməyən istifadəçinin tərəfini saxlayırsız. --eldarado ^✉ 19:43, 31 avqust 2018 (UTC)

Hörmətli həmkarlar! Fəaliyyətsizliyimlə bağlı iradlar başadüşüləndir. Ancaq təzəcə fəaliyyəti bərpa etmək üzrəykən bir tələsik səsvermə başladılıb. Bunu düzgün saymıram. Hər kəsin şəxsi problemləri ucbatından fəal olmamaq haqqı və səbəbləri var. Elə idarəçimiz var ki, əsgər gedib, eləsi var xaricə köçüb. Yəni səbəblər çoxdur. Ancaq Eldarado bəy məhz mənim qanuni həyata keçirdiyim blokları qabartmaq istəyib, bu isə düzgün deyil. Metadan heç bir xəbərdarlıq almamışam. Ona görə mənim idarəçilikdən çıxmaq kimi bir fikrim yoxdur. Səsvermə olacaqsa onu da tələsik və qərəzli bir addım sayıram. "Fəaliyyətsizdirsə (müvəqqəti) idarəçi olmasın" deyə bir arqument ola bilməz. Mübahisənin yaranmasından uzaqlaşmaq məqsədilə daha heç nə yazmaq fikrində deyiləm.

P.S. O ki qaldı 6 ay fəaliyyətsizlik iddiası da yanlışıdr. Apreldən bu yana az da olsa redaktələrim var. --Vüsal Ağayev (müzakirə) 19:51, 31 avqust 2018 (UTC)

Hörmətli Sortilegus, məsələni bu qədər qəlizləşdirməyə ehtiyac yoxdur. Başa düşürəm Vüsal bəyin statusunun alınmasını istəmirsiz buna görə də, bəzi fikirlər, təxminlər, iddialar irəli sürürsünüz ki, müzakirə uzansın. Mənim üçün fərqi yoxdur Vüsal bəy idarəçi kimi qalsın yoxsa getsin zatən idarəçi kimi köməyi dəymir azvikiyə qalsa da sorun olmaz. Sadəcə qaydalara uyğun olara təklifi irəli sürdüm. Hər şey açıq aşkar ortada olduğu üçün çox uzanmamasını düşündüm və erkən səsverməyə çıxardım. Tamam qaydalarda gün təyin olunmasa belə sizinlə razılaşdım bir neçə gün də gözləyək. Ama xahiş edirəm, əmin olmadığınız məsələlərlə ittiham edib mövzunu dəyişməyin. Bununla sadəcə özünüzü hörmətdən salırsız. Hörmətlə --eldarado ^✉ 19:52, 31 avqust 2018 (UTC)

Eldarado çox sağ ol dəyərli ittihamlarına görə. Mənim özümü nəylə hörmətdən saldığıma hər halda sən qərar vermirsən. Ehtimal etmək olardı ki, bürokrat seçildiyindən sonra belə aqressiv yol tutacaqsan. Bunu nəzərə alıb mən səsvermədə iştirak etmədim. Düşündüm ki, bəlkı yanılıram, əleyhinə səs verməyim. Amma indi tək sənin əleyhinə səs verən Ceklini ittiham edirsən. Qruplaşma-filan olsaydıq Vüsal da, mən də səsvermədə qoşulardıq Cekliyə. Mən bu günə qədər Vüsalla şəxsən görüşmüşməmişəm, həyatda da, internetdə də yazışmamışam, danışmamışam. Nəsə. Müzakirələrə davam edək. Görürsən ki, qarşı fikirlər də çıxır yavaş-yavaş. Qıcıqlanmadan, onu bunu ittiham etmədən hər bir fikrə hörmətlə yanaşmaq lazımdır. Bürokratlığın da vacib şərtlərindən biridir. --Sortilegus (müzakirə) 19:56, 31 avqust 2018 (UTC)

Ay Eldarado, deyirsən ki, "bir neçə gün də gözləyək" yenə nəyi gözləyəcəksiniz ki? Biri bürokrat olmaqla, üç idarəçi səsverməyə razılıq verməyibsə, müvafiq idarəçi də fəaliyyəti bərpa etmək üzrə olduğunu bəyan edirsə, artıq bu müzakirəni davam etdirməyə heç bir lüzum yoxdur. Vəssalam, məsələ bitmişdir. Sortilegusa ünvanladığın "Bununla sadəcə özünüzü hörmətdən salırsız." ismarıcı isə çox yersiz hərəkətdir. Uğurlar! P.S. Stüard seçkilərinə qədər görək neçə səhv edəcəksən? --►Cekli829 20:05, 31 avqust 2018 (UTC)

Bu mövzunu oxuyan hər kəs görəcək ki, kim kimi ilk olaraq qruplaşma qurmaqla ittiham edib. Mən nə qədər də aqqressiv danışsam da sizin istifadəçilərlə danışdığınız qədər nəzakətsiz və aqqressiz formada danışmaram. Bürokratlıqdakı o vacib şərtə siz də nəzər yetirsəniz çox yaxşı olar. --eldarado ^✉ 20:06, 31 avqust 2018 (UTC)

Cekli829, Vəssalam deməyinlə məslələr həll olunmur burda. Müzakirələrin davamını gözləməliyik. O vaxtı Progerdə gəlib fəaliyyətini bərpa edəcəyini demişdi ama yanıltmışdı bizi. Görək bu dəfə necə olacaq. Digər fikir bildirməyən idarəçilər, zəhmət olmasa sizdə fikirlərinizi qeyd edin. --eldarado ^✉ 20:22, 31 avqust 2018 (UTC)

Ay Eldarado, belə münasibətin qaydalara qarşı olduğunu göstərir. Sən artıq müvafiq qaydanın azı 2 müddəasını pozmusan:

1. Müraciət zamanı istifadəçi öz tələbini Vikipediya qaydalarına uyğun olaraq əsaslandırmalıdır. Amma əsaslandırmamısınız. "Əsaslandırmanız" isə tamamilə şişirtmədir. Çünki yerləşdirdiyiniz statistika keçidlərindən də görünür ki, Vüsal müəllimin son 6 ayda fəaliyyəti olub. "Metadan xəbərdarlıq alıb" kimi iddialarınızla bağlı isə heç bir fakt/link təqdim etməmisiniz...

2. Səsvermənin keçirilməsinə qərar aktiv idarəçilərin müzakirəsində əldə olunan razılıq əsasında verilir. Artıq biri bürokrat olmaqla, üç idarəçi səsverməyə razılıq verməyibsə, Siz hansı razılığın əldə olunacağını düşünürsünüz? Yoxsa fikirləşirsiniz ki, Sortilegus, Qolcomaq, Cekli829 fikirlərini dəyişib razılıq verəcəklər? Əksinə, əgər həqiqətən də AzVikidə qruplaşmanız yoxdursa, bu yazdıqlarımdan sonra burada sənin fikrinə şərik olan Rufet Turkmen, Nicat49, White Demon və Anar kerimxanovun məhz səndən bürokrat statusunun geri alınması üçün səsvermə tələb etmələrini gözləyirəm

Ay Eldarado, yaxşı olar ki, belə müzakirələr açmaqdansa, başqa işlərlə məşğul olasan. Məsələn, yaxşı olar ki, son 1 ayda yaratdığın yeganə məqalə olan Ləman Süleymanova məqaləsini müvafiq şəxsin qeyri-ensiklopedik şəxs olması səbəbindən Silinməyə namizəd səhifələr layihəsinə təqdim edəsən. Mən də gəlim, çox böyük məmnuniyyətlə səni orada dəstəkləyim --►Cekli829 21:02, 31 avqust 2018 (UTC)

Vallah qardaşlar lap məyus oldum. Ağstafada çölün ortasında mən kimlə qruplaşma edəcəm? AMEA-da da 1 dəfə olmuşam. Oda keçən il idi. Dedim sizləri yaxından görüm, tanış olum. Burdan da daha çox tanıdığım 2 şəxs var ki, onlar Cekli829 və White Demon-dur. Digərləri ilə də normal əlaqələrim var və hamısına hörmətim böyükdür. Sadəcə şəxsi fikrimi bildirdim.--Rufet Turkmen (müzakirə) 21:21, 31 avqust 2018 (UTC)

Rüfət, qardaşım, sən Ağstafada çölün ortasında nə edirsən ki? --►Cekli829 21:27, 31 avqust 2018 (UTC)

Cekli829 çölün ortası deyəndə yəni Bakıdan uzaq olduğumu demək istəyirdim. Tüm sırrı pozduz. --Rufet Turkmen (müzakirə) 21:31, 31 avqust 2018 (UTC)

Elə bildim balıq tutursan Oralarda ləzzətli Kür balığı olur. --►Cekli829 21:35, 31 avqust 2018 (UTC)

Cekli829 buraların balıq soyutması da qəşəng olur. Soyutması həm ucuz, həm də xeyirlidir. ;)--Rufet Turkmen (müzakirə) 21:37, 31 avqust 2018 (UTC)

Bilirəm, hələ o balaca mavi balıqların soyutmasının mükəmməl bir ləzzəti var. --►Cekli829 21:49, 31 avqust 2018 (UTC)

Cekli829 sizin kimi təcrübəli idarəçinin məni kimlərləsə qruplaşmada olmaqda ittiham etməyi məni çox üzdü. Mən 2011-ci ildən vikidə könüllü olaraq fəailiyyət göstərirəm və tam məsuliyyətimlə deyirəm ki, bu müddət ərzində heç bir zaman heç bir qruplaşmada olmamışam. Əgər yox sizdə bunun əksini sübut edəcək fakt varsa xahiş edirəm paylaşın. Yox əgər yoxdursa, o zaman bir daha mənə qarşı belə ittihamlar irəli sürməyin. Burada Eldarado məni müzakirəyə taq edib və məndə öz fikrimi bildirmişəm. Burada qeyri-adi nə varki ? Mən indi də yuxarıda yazdığım fikrin üztündə dayanıram, idarəçi kimi əsaslı səbəbləri olmadan fəailiyyət göstərməyən idarəçilərdən bu status alınmalıdır.--Nicat^{49   ⋠müzakirə⋡} 22:03, 31 avqust 2018 (UTC)

Ay Nicat, deyəsən yazdıqlarımı tam oxumamısınız... Son 6 ayda fəaliyyəti olmuş idarəçidən status niyə alınsın ki? --►Cekli829 22:19, 31 avqust 2018 (UTC)

Cekli829 idarəçilərin əsas vəzifələrindən biri - 6 ay ərzində ən azı 500 redaktə etməkdir. Adı çəkilən idarəçi isə son 6 ayda heç 100 redaktə belə etməyib.--Nicat^{49   ⋠müzakirə⋡} 22:32, 31 avqust 2018 (UTC)

Artıq 4 ildən çoxdur fəaliyyət göstərən, 50 minə yaxın redaktəsi olan aktiv istifadəçi kimi "bir qruplaşmada" olmaqda ittiham edilmək məni də çox üzdü. AzViki üçün töhfə verirsən, onun inkişafı üçün çalışırsan, sonra sənə "bir qruplaşmanın içindəsən" deyirlər. Elə təəssürat oyanır ki, elə bil ki, idarəçilər insan deyil, sosial varlıq deyil, heykəl zaddılar, başqa şəxslərlə, başqa idarəçilərlə ünsiyyətdə ola bilməzlər. Mən də sosial şəbəkələrdə müəyyən istifadəçilərlə tez-tez ünsiyyət saxlayıram, filan istifadəçilərlə fikirlərimin üst-üstə düşür və s. Amma bunun adı "qruplaşma" deyil axı. İndi AzVikidə filankəsin fikirləri ilə razılaşanda deməli hamımız bir qruplaşmanın içində oluruq? Təklif irəli sürülüb, mən də azad fikirli biri kimi razılaşdım, bu qədər. Day bunda nəsə dərin bir müəmma axtarmaq lüzumsuzdur. Baxan elə zənn edər ki, qruplaşma nəzəriyyəsini irəli sürən yoldaşlardan birinin əlinə filan "qruplaşma" istifadəçilərinin yığışıb "abiler, bugün kimi idarəçilikdən çıxartdıraq, nuhahaha" müzakirəsi apardıqları video zad düşüb, ona əsaslanaraq deyilir bunlar))

Bir də bu idarəçilik statusu ilə bağlı bəzi istifadəçilərin elə yanaşması var ki, elə təəssürat oyanır ki, idarəçilik statusunun nə üçün lazım olduğunu unudublar. Yanında status sözünün işlənməsi sizi çaşdırmasın, idarəçilik status deyil, funksiyadır. Əgər idarəçi idarəçilik funksiyalarından istifadə etmirsə, onda bu status onda niyə saxlanılır? Məsələn, müzakirəsi gedən Vusal1981 son 1 ayda idarəçilik funksiyasından cəmi 1 dəfə istifadə edib. Aktiv istifadəçi olmaqla deyil e, aktiv idarəçi olmaqladı məsələ. Bunu anlamaq lazımdı. Tutarlı üzrlü səbəblər istisna olmaqla (əsgərlik və s.) idarəçi uzun müddət idarəçilik funksiyalarını yetirməsə, ondan alınır. İdarəçilik funksiyalarını yerinə yetirməyən idarəçi (aktiv olsa belə) adi istifadəçidən fərqli deyil. Əvvəl nə qədər töhfə verdiyinin, AzViki üçün nə qədər dəyərli istifadəçi olduğunun isə bir önəmi yoxdur. Şəxsən indi mən 3 il zad idarəçilik funksiyamı yerinə yetirməsən, amma statumu almasalar, üzülərəm, üzülərəm ki, AzVikidə müəyyən sahələrdə hələ də irəliləyiş yoxdur.--White Demツn^yo! 01:09, 1 sentyabr 2018 (UTC)

Təklif edirəm səsvermə bərpa edilsin və ortaq qərar verilsin. Ən şəffaf və ortaq yol budur fikrimcə.--Rufet Turkmen (müzakirə) 01:44, 1 sentyabr 2018 (UTC)

Hörmətli Cekli829, 1. Buna hörmətli White Demon və Nicat49 izah verdi artıq. Məndə yuxarıda qeyd etmişdim və o cümlələrimə daha da qüvvət verərək deyim ki, son 7 aydır ki yalnız bir iki məqalə üzərində 18-20 redaktə edib cəmi. İdarəçi fəaliyyəti isə demək olar ki yoxdur. Bu da statusun alınması üçün səsvermənin başladılmasına kifayət edir. Blok məsələsinə gəldikdə isə İRC kanalında gedən söhbətdə yanlış qərarı ilə bağlı bloka düzəliş edilməsi bildirildi və Vüsal bəyə xəbərdarlıq olundu stüardlar tərəfindən. Səhv etmirəmsə hörmətli White Demon-da həmin söhbətdə vardı. Buna görə də qeyd etdiyim bütün tələbləri Vikipediya qaydalarına uyğun olaraq əsaslandırmışam.

2. Biri bürokrat olmaqla da 5 idarəçi də razılıq verib. Çoxluq razıdırsan fikrimcə səsvermə davam edə bilər. Bununla da Rüfət bəyin dediyi kimi daha şəffar qərar olar. Hörmətlə --eldarado ^✉ 07:03, 1 sentyabr 2018 (UTC)

Ay Eldarado, özün bu müzakirəni açanda 13 idarəçini ora işarələyib, yazmısan ki, "Hər birinizin fikirlərini öyrəndikdən sonra yaxın zamanda etimad səsverməsinin başlatmağı planlayıram. Təbii ki, ümumi razılıq olarsa əgər." Amma cəmisi 4 nəfərin qərarını öyrənən kimi dərhal səsvermə başlatmısan... Niyə digər idarəçilərə qarşı hörmətsizlik edirsən ki? Vüsal müəllimi idarəçilikdən çıxarmaq sizlər üçün bu qədər vacibdir? --►Cekli829 08:07, 1 sentyabr 2018 (UTC)

Yuxarıda yazdığım bütün yazıları oxusanız burada verdiyiniz bütün sualların cavabını tapacaqsınız. --eldarado ^✉ 09:21, 1 sentyabr 2018 (UTC)

Vəssalam! Bu cavabınızı verdiyim sualdan yayınmaq kimi qiymətləndirmək olar. Halbuki ümumi etiket qaydalarına uyğun olaraq, yanlışlarınızı etiraf etməyi bacara, səhvlərinizi qəbul edə bilərdiniz... Mən bütün bu müzakirədə tutduğunuz mövqeyi, tez-tələsik başlatmış olduğunuz səsverməni özüm də daxil olmaqla məsələyə münasibətlərini gözləmədiyin digər idarəçilərə qarşı hörmətsizlik kimi qəbul edirəm. Düşünürəm ki, bu mövzunu artıq bağlamaq olar. İnanmaq istərdim ki, bir daha belə fəaliyyətə yol verməyəcəksiniz. Uğurlar! --►Cekli829 11:18, 1 sentyabr 2018 (UTC)