Ağasəlim Şükürov

Vikipediya, azad ensiklopediya
Naviqasiyaya keç Axtarışa keç
Ağasəlim Şükürov
Ağasəlim Səmədağa oğlu Şükürov
Şəxsi məlumatlar
Doğum tarixi 9 sentyabr 1963(1963-09-09)
Doğum yeri
Vəfat tarixi 24 mart 2023(2023-03-24) (59 yaşında)
Vəfat yeri
Milliyyəti Azərbaycanlı
Təhsili
İxtisası Şərqşünaslıq
Fəaliyyəti diplomat, tərcüməçi
Dini İslam
Təltifləri "Azərbaycan Respublikası diplomatik xidmət orqanlarının 100 illiyi (1919–2019)" yubiley medalı "Azərbaycan Respublikası Fövqəladə Hallar Nazirliyinin 10 illiyi (2005–2015)" yubiley medalı 3-cü dərəcəli "Vətənə xidmətə görə" ordeni

Ağasəlim Səmədağa oğlu Şükürov (9 sentyabr 1963, Əli-Bayramlı – 24 mart 2023, Bakı) — Sovet İttifaqının hərbi tərcüməçisi və Azərbaycan Respublikasının diplomatı.

Həyatının erkən dönəmi və təhsili[redaktə | mənbəni redaktə et]

Ağasəlim Səmədağa oğlu Şükürov 9 sentyabr 1963-cü il tarixində Əli Bayramlı (indiki Şirvan) şəhərində anadan olmuşdur. 1971–1981-ci illərdə Bakı şəhəri 49 saylı orta məktəbdə təhsil almış, ali təhsilini 1981–1987-ci illərdə Azərbaycan Dövlət Universitetinin Şərqşünaslıq fakültəsində bitirmişdir.

Diplomat kimi fəaliyyəti[redaktə | mənbəni redaktə et]

Sovet İttifaqında[redaktə | mənbəni redaktə et]

1988–1991-ci illərdə SSRİ Müdafiə Nazirliyinin xətti ilə İraq Respublikasında hərbi tərcüməçi vəzifəsində çalışmışdır.

Azərbaycan Respublikasında[redaktə | mənbəni redaktə et]

1993–1997-ci illərdə Azərbaycan Respublikası Xarici İşlər Nazirliyinin İslam Konfransı Təşkilatı İdarəsində 3-cü katib və 2-ci katib vəzifələrində çalışmışdır. 1997–2000-ci illərdə Azərbaycan Respublikasının Misir Ərəb Respublikasındakı Səfirliyində 2-ci katib, 2000–2002-ci illərdə Azərbaycan Respublikası Xarici İşlər Nazirliyinin Yaxın Şərq və Afrika ölkələri İdarəsində şöbə müdiri, 2002–2006-cı illərdə Azərbaycan Respublikasının Misir Ərəb Respublikasındakı Səfirliyində 1-ci katib vəzifəsində çalışmışdır. 2006–2008-ci illərdə Azərbaycan Respublikası Xarici İşlər Nazirliyinin Yaxın Şərq və Afrika ölkələri İdarəsində şöbə müdiri vəzifəsin təyin edilmiş, bundan sonra 2008–2010-cu illərdə Azərbaycan Respublikasının Liviyadakı Səfirliyinin müvəqqəti işlər vəkili vəzifəsində çalışmışdır. 2010–2014-cü illərdə Azərbaycan Respublikasının Liviyadakı, 2015–2022-ci illərdə Azərbaycan Respublikasının Livan Respublikasındakı fövqəladə və səlahiyyətli səfiri vəzifəsində çalışmışdır. Şükürov Azərbaycanı 30-dan çox dövlətdə müxtəlif diplomatik missiyalarda təmsil etmişdir. O, xarici ölkələri səfərlər zamanı Heydər Əliyevi müşayiət etmiş və bir sıra ikitərəfli görüşlərdə iştirak edərək ərəb dili üzrə tərcüməçilik etmişdir.[1][2][3][4][5]

Təltifləri[redaktə | mənbəni redaktə et]

2015-ci ildə "Azərbaycan Respublikası Fövqəladə Hallar Nazirliyinin 10 illiyi münasibətilə yubiley medalı" və 2019-cu ildə Azərbaycan Respublikası Diplomatik Xidmət Orqanlarının 100 illiyi münasibətilə "Azərbaycan Respublikası Xarici İşlər Nazirliyinin yubiley medalı" ilə təltif edilmişdir. Azərbaycan Respublikası Prezidentinin 1319 nömrəli Sərəncamı ilə 2019-cu ildə "üçüncü dərəcəli" vətənə xidmətə görə Ordeni ilə təltif edilmişdir.

Ölümü[redaktə | mənbəni redaktə et]

A. Şükürov bir müddət əziyyət çəkdiyi xəstəlikdən 24 mart 2023-cü il tarixində Bakı şəhərində dünyasını dəyişmişdir.[6]

Ailəli olub, 3 övladı, 3 nəvəsi var.

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. ↑ "Azərbaycan Respublikasının Livan Respublikasındakı Səfiri Ağasəlim Şükürov Livan Respublikasının Mədəniyyət Naziri Reymond Arayci ilə görüşmüşdür". beirut.mfa.gov.az. 2016. 2023-09-04 tarixində arxivləşdirilib. İstifadə tarixi: 4 sentyabr 2023.
  2. ↑ "Ağasəlim Şükürov vəfat etdi". news.milli.az. 24 mart 2023. 2023-09-04 tarixində arxivləşdirilib. İstifadə tarixi: 4 sentyabr 2023.
  3. ↑ "Ağasəlim Şükürov səfir təyin edildi". 525.az. 2015. 2023-09-04 tarixində arxivləşdirilib. İstifadə tarixi: 4 sentyabr 2023.
  4. ↑ "Azərbaycanın Liviya, Suriya və Livandakı səfirləri vəzifələrindən geri çağırıldı (ƏLAVƏ OLUNUB)". az.trend.az. 2014. 2023-09-04 tarixində arxivləşdirilib. İstifadə tarixi: 4 sentyabr 2023.
  5. ↑ "Səfir Ağasəlim Şükürov: Liviyada vəziyyət ağır olaraq qalır". www.amerikaninsesi.org. 2011. 2023-09-04 tarixində arxivləşdirilib. İstifadə tarixi: 4 sentyabr 2023.
  6. ↑ "Tanınmış diplomat Ağasəlim Səmədağa oğlu Şükürov bir müddətdir əziyyət çəkdiyi xəstəlikdən dünyasını dəyişib". globalinfo.az. 2023. 2023-09-04 tarixində arxivləşdirilib. İstifadə tarixi: 4 sentyabr 2023.
Mənbə — "https://az.wikipedia.org/w/index.php?title=Ağasəlim_Şükürov&oldid=7225842"