Ağasif Şakiroğlu

Vikipediya, azad ensiklopediya
Jump to navigation Jump to search
Ağasif Şakiroğlu
Ağasif Şakiroğlu.jpg Ağasif Şakiroğlu (2018)
bayraqGələcək Azərbaycan Partiyasının sədribayraq
2014 — indiyədək
bayraqAzərbaycan Demokratik Gənclər Hərakatının təsiscisibayraq
2006 — 2007
bayraqHƏDƏF Gənclər Koalisyasının sədribayraq
2008 — 2009
bayraqAçıq Cəmiyyət Partiyasında partiya liderinin özəl təmsilçisibayraq
2011 — 2013
Şəxsi məlumatlar
Partiya Gələcək Azərbaycan Partiyası
Təhsili Taras Şevçenko adına Kiyev Milli Universiteti
İxtisası Hüquq
Fəaliyyəti Siyasətçi
Doğum tarixi 30 sentyabr 1988 (1988-09-30) (31 yaş)
Doğum yeri Bakı, Azərbaycan SSR, SSRİ
Milliyyəti Azərbaycanlı
Elmi fəaliyyəti
Elm sahəsi Hüquq
Tanınır Siyasətçi

Ağasif Şakiroğlu (Ağasif Şakiroğlu; 30 sentyabr 1988, Bakı, Azərbaycan SSR, SSRİ) — azərbaycanlı ictimai-siyasi xadim; hüquqşünas; Gələcək Azərbaycan Partiyasının sədri və lideri (2014-h.h.); Azərbaycan Demokratik Gənclər Hərakatının təsiscisi ( 2006-2007); HƏDƏF Gənclər Koalisyasının sədri (2008-2009); Eks-spiker Rəsul Quliyevin Azərbaycandakı hüquqi və səlahiyyətli nümayəndəsi (2012 - h.h)

Həyatı[redaktə | əsas redaktə]

Ağasif Şakiroğlu 30 sentyabr 1988-ci ildə Bakı şəhərində anadan olub

Təhsili[redaktə | əsas redaktə]

Ağasif Şakiroğlu 1994-cü ildə Bakı şəhərində, 276 saylı orta məktəbə daxil olmuş və 2005-ci ildə həmin təhsil müəssisəsini bitirmişdir. Həmin ildə Müstəqil Azərbaycan Universitetinin (MAU) Beynəlxalq Münasibətlər fakultəsinin əyani bölməsinə qəbul olmuşdur. 2006-cı ildə Müstəqil Azərbaycan Universiteti qanunsuz olaraq qapadılmışdır. 2007-ci ildə Tələbə Qəbulu üzrə Dövlət Komissiyasının xətti ilə yenidən imtahan verən Ağasif Şakiroğlu Azərbaycan Beynəlxalq Universitetinin (ABU) Beynəlxalq Münasibətlər fakultəsinin əyani bölməsinə qəbul olmuşdur. 2008-ci ildə təhsil aldığı ABU-nun fəxri tələbəsi mükafatına layiq görülmüşdür. 2009-cu ildə ailə vəziyyətilə əlaqədar təhsilini qiyabi bölümünə çevirərək əmək fəaliyyətinə başlamışdır. Hərbi xidmətə getməmişdən öncə təhsil aldığı Azərbaycan Beynəlxalq Universiteti Şakiroğlu hərbi xidmətdən qayıtdıqda bağlandığından 2011-ci ildə yenidən təhsilini yarımçıq qoymaq məcburiyyətində qalmışdır. 2012-ci ildə Ukraynanın Taras Şevçenko adına Kiyev Milli Universitetinin Hüquq fakultəsinin qiyabi bölməsinə qəbul olmuşdur. 2017-ci ildə ali təhsilini bitirmişdir.

Hərbi fəaliyyəti[redaktə | əsas redaktə]

3 avqust 2009-cu il tarixində müxalif siyasi fəaliyyətilə əlaqədar 2007-ci ildən 2009-cu ilədək “qanunsuz hərbi xidmətdən yayınma” ittihamı ilə həbs edilmiş, barəsində 1 ay müddətinə həbs seçilərək istintaq altında saxlanılmışdır.[1] 6 avqust 2009-cu ildə Bakı Apelyasiya Məhkəməsi qərarı ilə bəraət almış, həbsdən azad edilərək hərbi xidmətə yollanmışdır. Ağasif Şakiroğlunun şərlənərək həbs edilməsi məhkəmədə isbat edildiyindən Nərimanov rayon hərbi komissarı tutduğu vəzifədən azad edilmişdir.[2] 2009-2011-ci illər ərzində Naxçıvan Muxtar Respublikasında həqiqi hərbi xidmətdə olmuşdur.

İctimai-siyasi fəaliyyəti[redaktə | əsas redaktə]

2006-cı ildən ictimai-siyasi həyata qoşulan Ağasif Şakiroğlu bir qrup gənclə bərabər Azərbaycan Demokratik Gənclər Hərəkatı adlı qurum təsis edərək ictimai-siyasi fəaliyyətə başlamışdır. 2007-cı ilin sonlarında isə Müsavat Partiyasına qoşulub. 2008-ci ildə 7 fərqli gənclər hərəkatlarının birləşməsi nəticəsində yaradılmış HƏDƏF Gənclər Koalisiyasının sədri seçilmişdir. 2011-ci ilin dekabr ayının 19-da üzvü olduğu Müsavat Partiyasından istefa verərək, öz siyasi fəaliyyətini Azərbaycan Respublikasının eks-spikeri Rəsul Quliyevin lideri olduğu Açıq Cəmiyyət Partiyasında (ACP) davam etdirmişdir. 2012-ci ilin fevral ayının 13-ü eks-spiker Rəsul Quliyevin müşaviri təyin edilmişdir.2013-cü ilin yanvar ayının 12-də isə eks-spiker Rəsul Quliyevin Azərbaycandakı hüquqi və səlahiyyətli nümayəndəsi olaraq çalışmaqdadır. 2013-cü ilin noyabr ayından eks-spiker Rəsul Quliyev ACP liderliyindən ayrıldığından və dekabr ayında ACP-nin bir partiya olaraq fəaliyyətinə xitam verildiyindən Ağasif Şakiroğlu da ACP-dən təmsil etdiyi Rəsul Quliyevlə bərabər ayrılmışdır.[3] 20 dekabr 2013-cü il tarixində yeni Gələcək Azərbaycan adlı siyasi partiya təsis edən Ağasif Şakiroğlu və tərəfdarları 23 fevral 2014-cü ildə ilk təsis qurultaylarını keçirtmişlər.Gələcək Azərbaycan Partiyasının (GAP) qurultayında eks-spiker Rəsul Quliyevin Azərbaycandakı nümayəndəsi Ağasif Şakiroğlu 5 il müddətinə Gələcək Azərbaycan Partiyasının sədri seçilmişdir.[4]

Şəxsi həyatı[redaktə | əsas redaktə]

Ailəsi[redaktə | əsas redaktə]

Subaydır.

Mükafat və fəxri adları[redaktə | əsas redaktə]

2008:Azərbaycan Beynəlxalq Universiteti-nin fəxri tələbəsi

Mənbə[redaktə | əsas redaktə]

  • "Ağasif Şakiroğlu, Bioqrafiyası" (azərb.). agasif.blogspot.com/. İstifadə tarixi: 2018-08-09.

Xarici keçidlər[redaktə | əsas redaktə]

Vikianbarda Ağasif Şakiroğlu ilə əlaqəli mediafayllar var.

İstinadlar[redaktə | əsas redaktə]

  1. "GƏNC FƏAL AĞASİF ŞAKİROĞLU HƏBS EDİLDİ" (azərb.). irfs.org. 2009. 2009-8-3 tarixində orijinalından arxivləşdirilib. İstifadə tarixi: 2018-08-11. Check date values in: |archivedate= (kömək)
  2. "AĞASİF ŞAKİROĞLU AZAD EDİLDİ" (azərb.). irfs.org. 2009. 2009-8-6 tarixində orijinalından arxivləşdirilib. İstifadə tarixi: 2018-08-11. Check date values in: |archivedate= (kömək)
  3. "AĞASİF ŞAKİROĞLU ACP-dən istefa verdi" (azərb.). modern.az. 2013. 2013-11-25 tarixində orijinalından arxivləşdirilib. İstifadə tarixi: 2018-08-11.
  4. "Gələcək Azərbaycan Partiyasının təsis qurultayı keçirildi" (azərb.). musavat.com. 2014. 2014-10-7 tarixində orijinalından arxivləşdirilib. İstifadə tarixi: 2014-2-23. Check date values in: |accessdate=, |archivedate= (kömək)