Adil Məhərrəmov

Vikipediya, azad ensiklopediya
Jump to navigation Jump to search
Adil Məhərrəmov
Adil Məmmədəli oğlu Məhərrəmov
Adil Məhərrəmov.JPG
bayraqAzərbaycan Respublikası Hesablama Palatasının sədr müavini
26 dekabr 2008 — 12 mart 2021
Sələfi Abbas Allahverdiyev
Xələfi Nəsir Sadıqov
bayraqAzərbaycan Respublikası Hesablama Palatasının auditoru
7 dekabr 2001 — 25 dekabr 2008
bayraqAzərbaycan Respublikasının İqtisadi inkişaf nazirinin müşaviri
30 aprel 2001 — 6 dekabr 2001
bayraqAzərbaycan Respublikasının Dövlət əmlakı nazirinin müşaviri
2000 — 2001
Şəxsi məlumatlar
Təhsili Azərbaycan Texniki Universiteti (1973)
Doğum tarixi 1 fevral 1952(1952-02-01) (69 yaş)
Doğum yeri
Atası Məmmədəli Məhərrəmov
Anası Şəfiqə Məhərrəmova[d]

Təltifləri "Tərəqqi" medalı — 2011 3-cü dərəcəli "Vətənə xidmətə görə" ordeni — 2016

Adil Məmmədəli oğlu Məhərrəmov (1 fevral 1952, Ağdam rayonu) — 2008-2021-ci illərdə Azərbaycan Respublikası Hesablama Palatası sədrinin müavini.

Həyatı[redaktə | mənbəni redaktə et]

Adil Məhərrəmov 1952-ci il fevral ayının 1-də Ağdam rayonunda anadan olmuşdur. 1973-cü ildə Çingiz İldırım adına Azərbaycan Politexnik İnstitutunu bitirmişdir.

1973–1983-cü illərdə SSRİ Elektronika Sənayesi Nazirliyinin "Azon" zavodunda mühəndis-konstruktor, sahə rəisi, sex rəisinin müavini, sex rəisi işləmişdir.

1983–1986-cı illərdə SSRİ Neft Sənayesi Nazirliyinin Dmitrov adına maşınqayırma zavodunda baş mühəndis vəzifəsində çalışmışdır.

1986–2000-ci illərdə SSRİ Rabitə Vasitələri Sənayesi Nazirliynin (sonradan SSRİ Rabitə Nazirliyi, Azərbaycan Respublikası Dövlət Xüsusi Maşınqayırma və Konversiya Komitəsi) "Ulduz" Elm-İstehsalat Birliyinin baş direktor müavini, baş direktoru işləmişdir.

2000–2001-ci illərdə Azərbaycan Respublikası Dövlət əmlakı nazirinin müşaviri olmuşdur.

2001-ci ilin aprel-dekabr aylarında Azərbaycan Respublikası İqtisadi inkişaf nazirinin müşaviri vəzifəsində çalışmışdır.

2001-ci ilin dekabr ayında Azərbaycan Respublikası Milli Məclisinin qərarı ilə Azərbaycan Respublikası Hesablama Palatasının auditoru təyin edilmişdir.

2008-ci ilin dekabr ayında Azərbaycan Respublikası Milli Məclisinin qərarı ilə Hesablama Palatası sədrinin müavini təyin edilmişdir.[1]

Hesablama Palatasının yaradılmasının 10 illiyi ilə əlaqədar və Palatanın fəaliyyətində xüsusi xidmətlərinə görə Azərbaycan Respublikası Prezidentinin 2011-ci il 31 oktyabr tarixli 1809 nömrəli Sərəncamı ilə "Tərəqqi" medalı ilə təltif edilmişdir.[2]

Azərbaycan Respublikası Milli Məclisinin qərarı ilə 2015-ci ilin dekabr ayında yenidən Hesablama Palatası sədrinin müavini təyin edilmişdir.[3]

Hesablama Palatasının yaradılmasının 15 illiyi ilə əlaqədar və Palatanın fəaliyyətində xüsusi xidmətlərinə görə Azərbaycan Respublikası Prezidentinin 2016-cı il 6 dekabr tarixli 2486 nömrəli Sərəncamı ilə 3-cü dərəcəli "Vətənə xidmətə görə" ordeni ilə təltif edilmişdir.[4]

Ailəsi[redaktə | mənbəni redaktə et]

Ailəlidir. İki övladı var.

Anası Şəfiqə Məhərrəmova və atası Məmmədəli Məhərrəmov müəllim olmuşlar.

1999–2018-ci illərdə Bakı Dövlət Universitetinin rektoru olmuş akademik Abel Məhərrəmovun qardaşıdır.

İstinadlar[redaktə | mənbəni redaktə et]