Aida Abdullayeva

Vikipediya, azad ensiklopediya
Jump to navigation Jump to search
Aida Abdullayeva
Aida Abdullayeva.jpg
Sənətçi məlumatları
Doğum tarixi 13 aprel 1922(1922-04-13)
Doğum yeri Bakı, Azərbaycan SSR
Vəfat tarixi 11 aprel 2009(2009-04-11) (86 yaşında)
Vəfat yeri Bakı, Azərbaycan
Vətəndaşlığı
Peşəsi musiqiçi, harpist, pedaqoq, müəllimə

Musiqi aləti Arfa
Təhsili
Mükafatları "Azərbaycan SSR əməkdar artisti" fəxri adı — 1972

Abdullayeva Aida Həmdulla qızı (13 aprel 1922(1922-04-13), Bakı11 aprel 2009(2009-04-11), Bakı) – musiqiçi, Azərbaycan SSR əməkdar artisti (1972), Bakı Musiqi Akademiyasının professoru, Azərbaycan arfa ifaçılığı məktəbinin yaradıcısı.[1]

Həyatı[redaktə | əsas redaktə]

Aida Abdullayeva 1922-ci il aprelin 13-də Bakı şəhərində anadan olmuşdur. O, 1940-cı ildə onillik orta məktəbi bitirdikdən sonra Azərbaycan Xalq Komissarları Soveti yanında İncəsənət İşləri İdarəsi tərəfindən ali musiqi təhsili almaq üçün Moskva Dövlət Konservatoriyasına göndərilmişdir. 1941-ci ildə müharibənin başlaması ilə əlaqədar Aidə Abdullayeva Bakıya qayıdır və Opera və Balet Teatrının orkestrində işə qəbul olunur. 1942-ci ilin payızında ailəsi ilə birlikdə repressiyaya məruz qalaraq Qazaxıstana sürgün edildi. 1943-cü ildə Üzeyir Hacıbəyovun vəsadəti əsasında o, Azərbaycana qaytarılıb Bakı Dövlət Konservatoriyasına bərpa olunur və Radiokomitənin Simfonik orkestrində işləməyə göndərilir.

1944-cü ildə Aida Abdullayeva yenidən Moskva Konservatoriyasında professor K.Erdelinin sinfində təhsilini davam etdirir. Bu təhsil ocağını 1949-cu ildə bitirdikdən sonra Aida Abdullayeva o vaxtlar Azərbaycan Dövlət Konservatoriyasının rektoru olmuş Qara Qarayevin rəyi əsasında Konservatoriyada müəllimlik fəaliyyətinə başlayaraq arfa sinfinə rəhbərlik etməyə başlayır. Burada işlədiyi onilliklər ərzində o, respublikamızda, eləcə də xaricdə fəaliyyət göstərən simfonik orkestrlər üçün bir çox arfa ifaçıları hazırlamışdır. Onun təşəbbüsü ilə Asəf Zeynallı adına musiqi məktəbində, Sumqayıt musiqi məktəbində arfa sinfi açılmışdır.

Mənbə[redaktə | əsas redaktə]

Hənminin bax[redaktə | əsas redaktə]