Aida Hüseynova (musiqişünas)

Vikipediya, azad ensiklopediya
Jump to navigation Jump to search
Aida Hüseynova
Aida Hüseynova (musiqişünas).jpg
Sənətçi məlumatları
Doğum tarixi 1964(1964-Şablondakı doğum və ya ölüm tarixində texniki yanlışlıq var!-00)
Doğum yeri Bakı, Azərbaycan SSR
Peşələri Musiqişünas, pedaqoq

Aida Hüseynova (Aida Nemət qızı Hüseynova; d. 1964. Bakı, Azərbaycan SSR, SSRİ) — musiqişünas, pedaqoq, sənətşünaslıq üzrə fəlsəfə doktoru (1992), Bakı Musiqi Akademiyasının professoru (2005), İndiana Universitetinin müəllimi (2008).

Həyatı[redaktə | əsas redaktə]

Aida Hüseynova 1964-cü ildə Bakıda doğulub. 8 nömrəli və 16 nömrəli musiqi məktəblərində təhsil alıb. 1982-ci ildə Bülbül adına orta ixtisas musiqi məktəbini qızıl medalla, 1987-ci ildə Azərbaycan Dövlət Konservatoriyasını fərqlənmə diplomu ilə bitirib. Konservatoriyada tarixi-nəzəriyyə və fortepiano ixtisasları üzrə təhsil aldığı zaman nüfuzlu Lenin təqaüdünə layiq görülüb.[1]

1992-ci ildə Sankt-Peterburq Dövlət Konservatoriyasında bəstəkar Müslüm Maqomayevə həsr olunmuş dissertasiyanı müdafiə edərək sənətşünaslıq üzrə fəlsəfə doktoru elmi dərəcəsi alıb. Bir neçə il Bakı Musiqi Akademiyasında pedaqoji fəaliyyətlə məşğul olub, 1995-ci ildən dosent, 2005-ci ildən professor vəzifələrində çalışıb. ABŞ-nın Harvard, Prinston, Berkli, Stenford, Kolumbiya və bir çox digər universitetlərində, Böyük Britaniyanın Kembric Universitetində mühazirələrlə çıxış edib.[1]

Endryu Mellon təqaüdü (2015), Fulbrayt təqaüdü (2007–08) və ABŞ Dövlət Departamenti tərəfindən maliyyələşdirilən təqaüdlərə (2000, 2001–02) layiq görülmüşdür.[2]

2008-ci ildən ABŞ-ın İndiana Universitetinin nəzdində olan Ceykobs Musiqi Məktəbində müəllim kimi çalışır.[3] .Onun təşəbbüsü ilə həmin məktəbdə “İpək Yolu xalqlarının musiqisi”“Musiqidə Şərq ilə Qərbin Rastlaşması” fənnləri yaradılıb. Hazırda qeyd edilən fənlərlə yanaşı, musiqi nəzəriyyəsi, Avropa və Asiyanın populyar musiqisi və Rusiya musiqisi fənlərini də tədris edir.[2]

Fəaliyyəti[redaktə | əsas redaktə]

Aida Hüseynova beş kitab və 200-dən çox məqalənin müəllifidir. O, 1997-ci və 2003-cü illərdə bəstəkar Müslüm Maqomayev haqqında iki kitab yazıb; onlardan biri bəstəkarın nəvəsi müğənni Müslüm Maqomayevin yubileyinə hazırlanmış hədiyyə kimi nəşr olunub. Eyni zamanda pianoçu Fərhad Bədəlbəylinin 50 illik yubileyinə həsr olunmuş kitabın tərtibçilərindən biridir. Onun yazdığı “Musiqi - Səmimiyyət Məbədi” adlı musiqi ensiklopediyası Azərbaycanda latın qrafikası ilə dərc olunan ilk ensiklopediyadır. Elmi məqalələri Azərbaycanda, ABŞ-da, Almaniyada, Niderlandda, Bolqarıstanda, Fransada və Rusiyada işıq üzü görüb.[4] Bunların arasında Alman Musiqi Ensiklopediyası, Hollandiyada dərc olunan “İslam mədəniyyətlərində qadınlar” musiqi ensiklopediyası, ABŞ-nın Kembric Xor Ensiklopediyası üçün yazdığı məqalələri xüsusilə qeyd etmək olar.[1]

Onun “Azərbaycan musiqisi: muğamdan operaya doğru” (İndiana Universiteti Nəşriyyatı, 2016) monoqrafiyası müasir Azərbaycan musiqisi haqqında ingilis dilində yazılan ilk nəşrdir.

2005-ci ildə San-Fransiskoda keçirilən Dünya musiqisi festivalının məsləhətçilər şurasının üzvü olub.[2] 2006-cı ildən başlayaraq həm Yo-Yo Manın idarəçiliyi ilə fəaliyyət göstərən İpək Yolu Ansamblının, həm də Kronos kvartetinin Azərbaycan musiqisinə aid olan layihələrində elmi məsləhətçi kimi çalışır.[1] 2016-cı ildən Mark Morris Rəqs Qrupunun elmi məsləhətçisidir.[5] Alim Qasımovun, İpək Yolu Ansamblının və Mark Morris Rəqs Qrupunun iştirakı ilə həyata keçirilən Üzeyir Hacıbəyilinin "Leyli və Məcnun" operasını təqdim edən iri həcmli layihənin elmi məsləhətçisidir, həmin layihə xətti ilə ABŞ-nın müxtəlif şəhərlərində, eləcə də Böyük Britaniyada, Avstraliyada, Fransada və Qətərdə mühazirələrlə çıxış edib. Aida Hüseynova həm də Ağa Xan Musiqi Təşəbbüsü ilə əməkdaşlıq edir.[6] 2017-ci ildə ABŞ-nın Kollec Musiqi Cəmiyyətinin idarə heyətinə seçilmişdir.[2] Azərbaycan Milli Musiqi Şürasının baş katibidir.

İstinadlar[redaktə | əsas redaktə]

  1. 1 2 3 4 "Azərbaycan musiqisinin ABŞ-dakı yorulmaz təmsilçisi". http://modern.az/. 2018-12-20.
  2. 1 2 3 4 Aida Huseynova - Lecturer in Music (Music in General Studies)
  3. "Aida Hüseynova: "ABŞ-da Azərbaycan musiqisini tanıtmaq üçün bütün fürsətlərdən bacardığım qədər istifadə etmək niyyətindəyəm"". http://azpress.az/. 2018-12-20.
  4. About Aida Huseynova
  5. Q&A: IU Jacobs’ Aida Huseynova talks cross-cultural collaboration
  6. Aida Huseynova

Xarici keçidlər[redaktə | əsas redaktə]