Aleksandr Kurepin

Vikipediya, azad ensiklopediya
Jump to navigation Jump to search

Aleksandr Kurepin - keçmiş Sovet OrdusununErmənistan Silahlı Qüvvələrinin Qarabağ müharibəsində döyüşmüş keçmiş polkovnik-leytenantı. SSRİ dağıldıqdan sonra əvvəlcə 1992-ci ildə Moldovada baş verən Dnestryanı müharibəsində separatçıların tərəfində döyüşüb. Sonra həmin il Qarabağa gələrək erməni separatçılarının və Ermənistan Ordusunun tərəfində döyüşüb. Özünün iddiasına görə 1992-1994-cü illər ərzində Qarabağda Azərbaycan Ordusuna aid 69 hərbi texnikanı məhv edib.[1]

Döyüşlərdə iştirakı[redaktə | əsas redaktə]

Kurepin Sovet Ordusunda xidmət edərkən TƏİR kompleksləri, əsasən Malyutka sistemi üzrə professional təlim keçib. Qarabağda müharibənin getməsi barədə xəbər aldıqda 1992-ci ildə Moskvadakı Ermənistan nümayəndəliyinə müraciət edərək müharibədə Ermənistana kömək etmək istəyində olduğunu bildirib. Həmin ilin iyul ayında əvvəlcə İrəvana, daha sonra Qarabağa, Xocavənd rayonuna yola düşüb. Burada o məşhur erməni terrorçusu Monte Melkonyanın rəhbərliyi altında döyüşlərə qatılıb. Burada o etnik ruslardan ibarət 9 nəfərlik dəstəyə rəhbərlik edirdi. 1992-ci ilin noyabr ayına bu dəstədən yalnız 2 nəfər sağ qalmışdı. Kurepin əsasən TƏİR operatoru kimi döyüşlərdə iştirak edirdi və Azərbaycan Ordusuna qarşı açıq döyüşə girmirdi.

Kurepin daha sonra Ağdərə rayonunda Sərsəng su anbarı ətrafında gedən döyüşlərdə Vəzir Orucovun başçılıq etdiyi Goranboy batalyonuna qarşı döyüşür.[1] 1994-cü ilin aprel ayında Goranboy rayonunun Tapqaraqoyunlu kəndi ətrafında gedən döyüşlərdə ağır yaralanır. Rusiyada müalicə aldıqdan sonra yenidən Qarabağa qayıdır və orada yaşayır.

İstinadlar[redaktə | əsas redaktə]