Aleksandr Praynfalk

Aleksandr Praynfalk
Alexander Preinfalk
Şəxsi məlumatlar
Doğum tarixi	6 fevral 1920
Doğum yeri	Bakı, Azərbaycan Demokratik Respublikası
Vəfat tarixi	12 dekabr 1944 (24 yaşında)
Vəfat yeri	Bruxzal, III Reyx
Vəfat səbəbi	döyüşdə ölüm
Vətəndaşlığı	III Reyx
Hərbi fəaliyyəti
Qoşun növü	Lüftvaffe
Hərbi hissə	Jagdgeschwader 51 Jagdgeschwader 77 Jagdgeschwader 53
Rütbəsi	Oberfeldvebel
Döyüşlər	İkinci Dünya müharibəsi
Təltifləri

Aleksandr Praynfalk (26 iyul 1920 və ya 6 fevral 1920, Bakı – 12 dekabr 1944) — İkinci dünya müharibəsi zamanı Üçüncü Reyxin hərbi hava qüvvələri olan Lüftvaffedə xidmət etmiş as-pilot və Cəngavər Dəmir Xaçı mükafatı laureatı.

Həyatı

1920-ci ilin 6 fevralında Bakıda Azərbaycan almanları ailəsində anadan olmuşdur. Sovet hakimiyyətinin qurulmasından sonra ailəsi ilə Almaniyaya köçən Fraynfalk 1941-ci ildə təhsilini başa vuraraq Üçüncü reyx hərbi hava qüvvələrinə daxil olmuşdur. Fəaliyyətinə JG-51 eskadronu ilə başlayan Aleksandr daha sonra yaralanmış və 1942-ci ildə JG-77 eskadronuna keçmişdir. Məhz bundan sonra Aleksandrının şöhrəti artmış, 13 sentyabr 1942-ci ildə Lüftvaffe şərəf kubokunu qazanmışdır. 3 oktyabr 1942-ci ildə Alman xaçı ordenini, 14 oktyabr 1942-ci ildə 50-dən artıq təyyarə vurduğu üçün II dərəcəli Dəmir xaç ordenini, 19 oktyabr 1942-ci ildə isə I dərəcəli Dəmir xaç ordenini qazanmışdır. Bundan sonra o Afrika kampaniyasına transfer edilmiş, 71-ci və son təyyarəsini 1943-cü il 26 apreldə vurmuşdur. 1943-cü ilin iyunundan pilotluq peşəsinə bir müddət ara vermiş və tədrislə məşğul olmuşdur. 1944-cü ilin avqustunda yenidən pilotluğa qayıtmış, 12 dekabr 1944-cü ildə Baden səmalarında amerikan pilotu tərəfindən təyyarəsi vurulmuşdur.

Mənbə

Die Träger des Ritterkreuzes des Eisernen Kreuzes 1939–1945 – Die Inhaber der höchsten Auszeichnung des Zweiten Weltkrieges aller Wehrmachtsteile [Cəngavər Dəmir xaçı laureatları 1939–1945 — İkinci dünya müharibəsində Vermaxtın ən üstün mükafatına sahib olan şəxslər] (Almanca). Friedberg, Germany: Podzun-Pallas. ISBN 978-3-7909-0284-6, Walther-Peer Fellgiebel