Almaniya Həmkarlar İttifaqları Konfederasiyası

Vikipediya, açıq ensiklopediya
Jump to navigation Jump to search
Almaniya Həmkarlar İttifaqları Konfederasiyası
alm. Deutscher Gewerkschaftsbund
DGB
DGB.svg
Növü Həmkarlar ittifaqı
Yaranma tarixi 12 oktyabr 1949
Mərkəzi Berlin
Sədri Reyner Hofman
Rəsmi saytı dgb.de

Almaniya Həmkarlar İttifaqları Konfederasiyası (alm. Deutscher Gewerkschaftsbund – DGB) — Almaniyanın ən irimiqyaslı və aparıcı həmkarlar ittifaqı təşkilatı. Konfederasiyanın baş qərargahı Berlində yerləşir.

Tarixi[redaktə | əsas redaktə]

Konfederasiyanın 50 illiyinə həsr olunmuş poçt markası

1933-cü ilə qədər[redaktə | əsas redaktə]

Almaniya Həmkarlar İttifaqları Konfederasiyasının ilk ümumi komissiyası 14 mart 1892-ci ildə Halbertştad şəhərində yaradılmışdır. Həmin vaxt onun 300.000 üzvü var idi. 1919-cu ildə iyunun 30-dan iyulun 5-dək Nürnberq şəhərində keçirilən qurultayda Ümum Alman Həmkarlar İttifaqları Konfederasiyasının əsası qoyulmuşdur. Konfederasiyanın sıralarında 3 milyon üzvü olan 52 birlik birləşirdi. 1933-cü il mayın 2-də isə ölkədəki bütün həmkarlar ittifaqları nasist rejimi tərəfindən buraxılmışdır.

1946-1949-cu illər[redaktə | əsas redaktə]

1946-1949-cu illərdə alman həmkarlar ittifaqları yenidən təsis olundu. 1946-cı il oktyabrın 9-11-də Almaniyanın Sovet işğalı zonasında yerləşən indiki Berlin şəhərində Azad Alman Həmkarlar İttifaqları Konfederasiyası, 1947-ci ilin aprel ayının 25-də isə müttəfiqlərin işğalı zonasında Alman Həmkarlar İttifaqları Konfederasiyası təsis edildi. Hər iki konfederasiya 1990-cı ildə Almaniya Həmkarlar İttifaqları Konfederasiyası ilə birləşdi. Həmin konfederasiya 1949-cu il oktyabr ayının 12-də Münhen şəhərində təsis olunub.

Fəaliyyəti[redaktə | əsas redaktə]

Məşhur simalarından Villi Rixterə həsr olunmuş poçt markası
Berlindəki mənzil-qərargahı

Konfederasiya 4 ildən bir Federal Qurultay keçirir. Bu qurultayda həmkarlar ittifaqının aparacağı siyasi xətti müəyyən edilir və 5 federal icraedici seçilir.

Konfederasiyanın üzvü olan federasiyaların rəhbərləri İcraiyyə Komitəsini formalaşdırırlar. Konfederasiyanın İcraiyyə Komitəsi bu quruma daxil olan üzv birliklərin prezidentləri ilə birlikdə təsis edilir. İcraiyyə Komitəsinin üzvləri, regional təşkilatların prezidentləri və üzv birliklərdən 70 nəfərdən ibarət nümayəndə heyəti ilə birlikdə Federal Şura yaradılır. Şura ildə bir dəfə toplanaraq, milli məsələlərə dair qərarlar qəbul edir.

Konfederasiyanın həmçinin "Almaniya Həmkarlar İttifaqları Konfederasiyası-Gənclik" adlanan (alm. DGB-Jugend) təşkilatı da var.

Tərkibi[redaktə | əsas redaktə]

Konfederasiyası ölkədəki bütün çalışanları təmsil edir.

Almaniya Həmkarlar İttifaqları Konfederasiyası 8 sahə birliyindən ibarətdir.

Üzvlərinin sayı[redaktə | əsas redaktə]

Üzvlərinin sayı (2016)[1]
Sahə birliyi Qadın Kişi Cəmi
alm. IG Bauen-Agrar-Umwelt
azərb. Tikinti, Kənd Təsərrüfatı və Ətraf Mühit işçilərinin Həmkarlar İttifaqı
IG BAU 67,811 25.70% 196,007 74.30% 263,818 4.36%
alm. IG Bergbau, Chemie, Energie
azərb. Dağ-Mədən Sənayesi, Kimya və Enerji İşçilərinin Həmkarlar İttifaqı
IG BCE 137,164 21.27% 507,780 78.73% 644,944 10.66%
alm. Gewerkschaft Erziehung und Wissenschaft
azərb. Təhsil və Elm İşçilərinin Həmkarlar İttifaqı
GEW 199,487 71.68% 78,819 28.32% 278,306 4.60%
alm. IG Metall
azərb. Metal İşçilərinin Həmkarlar İttifaqları
IGM 407,618 17.92% 1,866,415 82.08% 2,274,033 37.60%
alm. Gewerkschaft Nahrung-Genuss-Gaststätten
azərb. Qida, İçki və Xidmət İşçilərinin Həmkarlar İttifaqı
NGG 84,034 41.68% 117,589 58.32% 201,623 3.33%
alm. Gewerkschaft der Polizei
azərb. Polis İşçilərinin Həmkarlar İttifaqı
GdP 43,848 24.36% 136,174 75.64% 180,022 2.98%
alm. Eisenbahn- und Verkehrsgewerkschaft
azərb. Dəmiryol İşçilərinin Həmkarlar İttifaqı
EVG 41,721 21.64% 151,086 78.36% 192,807 3.19%
alm. Vereinte Dienstleistungsgewerkschaft
azərb. Birləşmiş Xidmət İşçilərinin Həmkarlar İttifaqı
ver.di 1,048,094 52.09% 963,856 47.91% 2,011,950 33.27%
Yekun DGB 2,029,777 33.56% 4,017,726 66.44% 6,047,503 100.00%
2016

Rəhbərləri[redaktə | əsas redaktə]

Təşkilatın prezidenti Reyner Hofmandır. Ondan əvvəlki rəhbər Mixayıl Zommer 2010-cu ildə Beynəlxalq Həmkarlar İttifaqları Konfederasiyasının prezidenti seçilmişdir.

Xarici əlaqələri[redaktə | əsas redaktə]

Avropa Həmkarlar İttifaqları Konfederasiyasının və Həmkarlar İttifaqları Məşvərətçi Komitəsinin üzvüdür.

2009-cu ildə Berlin şəhərində Almaniya Həmkarlar İttifaqları Konfederasiyasının yaradılmasının 60 illiyi münasibətilə keçirilmiş qurultayda bir çox ölkələrdən nümayəndə heyəti iştirak etmişdir.

Həmçinin bax[redaktə | əsas redaktə]

Ədəbiyyat[redaktə | əsas redaktə]

  • (2005) in International Centre for Trade Union Rights et al.,: Trade Unions of the World, 6th, London, UK: John Harper Publishing. ISBN 0-9543811-5-7.
  • F.Deppe/G.Fülberth/H.J.Harrer: Geschichte der deutschen Gewerkschaftsbewegung ISBN 3-7609-0290-1

Mənbə[redaktə | əsas redaktə]

İstinadlar[redaktə | əsas redaktə]

  1. Mitglieder in den DGB-Gewerkschaften 2016. dgb.de  (alm.)

Xarici keçidlər[redaktə | əsas redaktə]