Alqış Həsənoğlu

Alqış Həsənoğlu
Şəxsi məlumatlar
Doğum tarixi	1969
Doğum yeri	Nüvədi, Meğri rayonu, Ermənistan SSR, SSRİ
Partiya	Yeni Azərbaycan Partiyası
Fəaliyyəti	jurnalist
Elmi fəaliyyəti
Elmi dərəcəsi	filologiya elmləri namizədi[d]
Təltifləri

Alqış Həsən oğlu Musayev (1969, Nüvədi, Meğri rayonu) — filologiya elmləri namizədi, Azərbaycan Respublikası Milli Məclisinin II çağırış deputatı.

Həyatı

1969-cu ildə Zəngəzur mahalının Meğri rayonunun Nüvədi kəndində anadan olub. Ermənistandan azərbaycanlıların deportasiya olunması nəticəsində 1991-ci ildə ailəsi ilə birlikdə Azərbaycan Respublikasına köçmək məcburiyyətində qalıb.

1994-cü ildə Bakı Dövlət Universitetinin filologiya fakültəsini bitirib.

Filologiya üzrə fəlsəfə doktorudur. Evlidir, iki oğlu, bir qızı var.^{[mənbə göstərin]}

Siyasi-ictimai fəaliyyəti

1993-cü ildən "Yeni Azərbaycan" qəzetində jurnalist kimi fəaliyyətə başlayıb. 1997–2008-ci illərdə bu qəzetin baş redaktoru olub. 2021-ci ildə yenidən həmin qəzetin baş redaktoru təyin olunmuşdur.

Azərbaycan Respublikası II çağırış Milli Məclisin deputatı seçilib.

I, II, III qurultaylarda Yeni Azərbaycan Partiyası Siyasi Şurasının üzvü seçilib.

Təltif və mükafatları

• 2005-ci ildə "Tərəqqi" medalı ilə təltif olunmuşdur.
• 30 noyabr 2022-ci ildə “Əməkdar jurnalist” fəxri adı ilə təltif olunub.