Amaliya Materna

Amaliya Materna
Amaliya Materna
Ümumi məlumatlar
Doğum adı	Amalie Friedrich-Materna
Doğum tarixi	10 iyul 1844
Vəfat tarixi	18 yanvar 1918 (73 yaşında)
Vəfat yeri	Vyana, Avstriya-Macarıstan;
Dəfn yeri	Vyana mərkəzi qəbiristanlığı[d];
Vətəndaşlığı	Avstriya-Macarıstan;
Musiqiçi məlumatları
Fəaliyyəti	opera müğənnisi
Fəaliyyət illəri	1864-cü ildən
Janr	opera
Səs tembri	soprano
	Vikianbarda əlaqəli mediafayllar

Amaliya Fridrix Materna (alm. Amalie Friedrich-Materna‎ 10 iyul 1844^[1] – 18 yanvar 1918^[1], Vyana^[2])-avstriyalı opera müğənnisi (dramatik soprano).

Həm də məşhur vokal pedaqoq kimi fəaliyyət göstərmişdir.

Həyatı[redaktə | mənbəni redaktə et]

Amaliya Materna özünün müğənnilik karyerasına Qratsedə kilsə xorunda ifa etməklə başlamışdır. 1865-ci ildə elə Qratsedə yerləşən opera teatrı "Taliya"nın səhnəsində çıxış etməyə başlamışdır. Müğənni Karl Fridrixlə ailə həyatı qurduqdan sonra, Vyanada onunla bərabər çıxış etmək təklifi alır. 1869-cu ildə 30 ildən çox fəaliyyət göstərdiyi Vyana Dövlət Operasında fəaliyyətə başlayır. O, həmçinin Londonun, Sankt-Peterburqun opera səhnələrində çıxış etmişdir. 1884–1885-ci illərdə ABŞ-da qastrol səfərində olmuşdur. O, Vaqner repertuarının bir sıra partiyalarının ilk ifaçısı hesab edilir. Onun ən əsas ifaları arasında 1874-cü ildə Vyanada ilk dəfə olaraq oynanan Aida operasında Amneris rolunu və Karl Qoldmarkın Die Königin von Saba operasında baş rolu göstərmək olar.

Bayroyt festivalının ilk iştirakçılarındandır. Onun son çıxışı 1894-cü il dekabrın 31-də Vyana səhnəsində Elizabet rolu iıə olmuşdur. 1897-ci ildə səhnəni tərk etmişdir. Səhnədən uzaqlaşdıqdan sonra Vyanada musiqi ifası ilə bağlı dərs deməyə başlamışdır. Onun tamaşaçılar qarşısında son çıxışı 1913-cüildə Vaqnerin yubileyinə həsr olunmuş konsertdə baş tutmuşdur.

İfaları[redaktə | mənbəni redaktə et]

Meyerber Cakoma "Afrikalı" — Selika
Meyerber Cakoma "Huqenotlar" — Valentina

Qalereya[redaktə | mənbəni redaktə et]

Parsifal operasında Kundri (1882)	Nibelunq üzüyündə Brünhild(1876)	Tanheyzerdə Elizabet (1885)
Lohenqrində Ortrud (Vienna)	La Juivedə Reyçel	Kraliça Şeba Kraliçasında