Aminata Savadoqo

Vikipediya, açıq ensiklopediya
Jump to navigation Jump to search
Aminata Savadoqo
latış. Aminata Savadogo
20150517 ESC 2015 Aminata 1634.jpg
Aminata Avroviziya 2015-in açılış mərasimində
Sənətçi məlumatları
Doğum adı Aminata Savadoqo
latış. Aminata Savadogo
Doğum tarixi 9 yanvar 1993 (1993-01-09) (26 yaş)
Doğum yeri Riqa, Latviya
Vətəndaşlığı Latviya Latviya
Mənşə Burkina-Faso Burkina-Faso
Latviya Latviya
Rusiya Rusiya
Peşələri müğənni, bəstəkar, model, prodüser

Üslub
Musiqi aləti fleyta
Fəaliyyət illəri 2008–h.h.
Əlaqələri Yusts Sirmays
Commons-logo.svg Vikianbarda əlaqəli mediafayllar

Aminata Savadoqo (latış. Aminata Savadogo‎; d. 9 yanvar 1993, Riqa, Latviya) və ya sadəcə AminataLatviya müğənnisi, bəstəkarı, prodüseri və modeli. O, Latviyanı Avstriyanın paytaxtı Vyanada keçirilən 2015 Avroviziya Mahnı Müsabiqəsində təmsil etmiş və ölkəsinə final mərhələsində 6-cı yeri qazandırmışdır.

Həyatı[redaktə | əsas redaktə]

Aminata Savadoqo 9 yanvar 1993-cü ildə Latviyanın paytaxtı Riqa şəhərində anadan olmuşdur. Onun anası yarı latış, yarı rus, atası isə Burkina-Fasoludur. Aminata 13 yaşında oxumağa başlamışdır. O, Latviyada Bolderaja musiqi və incəsənət məktəbini bitirmişdir. Aminata erkən yaşlarında fleytada ifa etməyi də öyrənmişdir. 15 yaşında ikən gənc ifaçı Latviyanın Krodziņā pie Paula televiziya şousunda iştirak etmişdir. Aminata 17 yaşında Muzikālā bankaKoru kari 3 musiqi yarışmalarında iştirak etmişdir[1].

Musiqi karyerası[redaktə | əsas redaktə]

Aminata Avroviziya səhnəsində

Aminata ilk dəfə Latviyanın Avroviziya Mahnı Müsabiqəsində iştirak üçün keçirdiyi milli seçim turu olan Dziesma 2014-dəki iştirakına görə tanınmağa başlamışdı. Müğənni müsabiqədə ifa etdiyi "I Can Breathe" mahnısı ilə 5-ci yerdə qərarlaşaraq, Avroviziyada iştirak etmək hüququnu qazana bilməmişdi. Daha sonra Aminata Latviyanın Jaunā talantu fabrika musiqi yarışmasında iştirak edərək, qələbə qazanmışdır.

2015-ci ildə Aminata yenidən Latviyanın Avroviziya Mahnı Müsabiqəsində iştirak üçün keçirdiyi milli seçim turuna qatıldı. Yarışmada özünün bəstələdiyi "Love Injected" mahnısı ilə çıxış edən Aminata ən çox səs toplayan iştirakçı olaraq, qalib elan edildi və ölkəsini Avstriyanın paytaxtı Vyanada keçirilən 2015 Avroviziya Mahnı Müsabiqəsində təmsil etmək hüququ qazandı[2]. Aminatanın Avroviziyada iştirakdan öncə "Inner Voice" adlı debüt albumu dinləyicilərə təqdim olundu.

Aminata "Love Injected" mahnısı ilə Vyanada keçirilən Avroviziyanın yarımfinal mərhələsində 155 xalla ikinci yerdə qərarlaşaraq, müsabiqənin finalına vəsiqə qazanmış oldu. 22 fevralda baş tutan final şousunda Aminata 19-cu nömrə altında çıxış etdi və gecənin sonunda ölkəsinə finalda iştirak edən 27 ölkə arasında cəmi 186 xalla 6-cı yeri qazandırdı. Bu nəticə ilə müğənni Latviyaya Avroviziyada 2005-ci ildən bəri əldə etdiyi ən yaxşı nəticəni qazandırmış oldu[3]. Aminata eyni zamanda Latviyanı 2016 Avroviziya Mahnı Müsabiqəsində təmsil edən Yusts Sirmaysin ifa etdiyi "Heartbeat" mahnısını bəstələmişdir.

2016-cı ilin oktyabr ayında Aminata ikinci studio albomu olan "Red Moon"-u təqdim etdi. Həmin ildə Aminata eyni zamanda Rusiyanın "Golos" səs yarışmasında, Polina Qaqarinanın komandasında iştirak etmişdir.

İstinadlar[redaktə | əsas redaktə]

Əvvəlki:
Aarzemnieki
"Cake to Bake"
Latviya Avroviziya Mahnı Müsabiqəsində
EuroLetonia.svg

2015
Sonrakı:
Yusts Sirmays
"Heartbeat"

Xarici keçidlər[redaktə | əsas redaktə]