Anşlavs Eqlitis

Vikipediya, azad ensiklopediya
Jump to navigation Jump to search
Anşlavs Eqlitis
latış. Anšlavs Eglītis
Anšlavs Eglītis.jpg
Doğum tarixi 14 oktyabr 1906(1906-10-14)[1][2]
Doğum yeri
Vəfat tarixi 4 mart 1993(1993-03-04)[2] (86 yaşında)
Vəfat yeri
Vəfat səbəbi xərçəng xəstəliyi
Vətəndaşlığı Rusiya İmperiyası
Latviya
ABŞ
Fəaliyyəti nəsryazan
Əsərlərinin dili Latış dili[1]
Commons-logo.svg Vikianbarda əlaqəli mediafayllar

Anşlavs Eqlitis (latış. Anšlavs Eglītis‎; 14 oktyabr 1906(1906-10-14)[1][2], Riqa4 mart 1993(1993-03-04)[2], Los-Anceles, Kaliforniya) — Latviya yazıçısı, jurnalist və kino tənqidçisi. 1944-cü ildə Almaniya, sonra 1950-ci ildə ABŞ-a mühacirət etdi, burada 50-yə yaxın roman, qısa hekayə və bir neçə pyes yazdı və beləcə latış ədəbiyyatının klassikinə çevrildi.[3]

Həyatı[redaktə | əsas redaktə]

Anşlavs 14 oktyabr 1906-cı ildə Riqada anadan olub. Atası yazıçı Viktor Eqlitis, anası müəllim və tərcüməçi Mariya Eqlitis (qızlıq soyadı Stolbova) idilər. Kiçik qardaşı Vidvuds (1913-2003) hüquq fakültəsini bitirmişdir. Birinci Dünya Müharibəsi illərində Üçüncü Reyxin Riqanı işğal etməsindən öncə, ailəsi ilə birlikdə Rusiyaya evakuasiya olundu, anası oradan ağciyər vərəmi ilə qayıtdı. 1918-ci ildə onlar Latviyaya qayıtdılar və Aluksne şəhərinə köçdülər.

1919-cu ildə ailəsi Riqaya köçdü. Anşlavs 2 nömrəli Riqa qrammatika məktəbini bitirmişdir. O, Valdemar Tonenin (1908—1909) sənət studiyasına gedirdi. Yayı Krimulda bölgəsinin İntsiyems adlanan yerdə keçirirdi, hansı ki sonradan "Sarayda pansion" (1962) romanında təsvir olundu. 1925-ci ildə Lezendə vərəm xəstəliyindən müalicə alırdı. Riqaya qayıtdıqdan sonra anasının vəfat etdiyini öyrəndi. 1935-ci ildə Latviya Rəssamlıq Akademiyasını bitirdi. Rəsm müəllimi kimi işləyirdi. Bir il sonra ilk böyük əsəri "Maestro" adlı novellanı yazdı.

"Yaunakas ziinyas" (1938) və "Atputa" (1940-1941) kimi nəşrlərlə əməkdaşlıq etmişdir.

1944-cü ildə "Teviya" qəzetində "Homo novus" adlı romanı nəşr olundu. Elə həmin il Eqlitis Almaniyaya mühacirət etdi, Berlində yaşayıb işlədi. Şəhər bombalanandan sonra İsveçrəyə, 1950-ci ildə isə ABŞ-a köçdü. 1945-ci ildə yazıçının atası uydurma ittihamlarla həbs edildi və güllələndi, ümumi məzarlıqda dəfn edildi.[4] ABŞ-da Eqlitis 50-dən çox qısa hekayə və roman yazmışdır. Ədəbi fəaliyyəti ilə paralel olaraq teatr və film rəylərini yazırdı. Əsərləri Latviyada da nəşr olunurdu.

Anşlavs Eqlitis 4 mart 1993-cü ildə ABŞ-ın Los Anceles şəhərində öldü. Həyat yoldaşı rəssam Veronika Yanelsina idi, hansı ki yazıçının kitablarının əksəriyyəti üçün təsvirlər çəkmişdir.

2008-ci ildə İntsiyemsdə yazıçıya abidə qoyuldu.[5]

İstinadlar[redaktə | əsas redaktə]

  1. 1 2 3 BnF identifikatoru: açıq data platforma — 2011.
  2. 1 2 3 4 Brockhaus Enzyklopädie
  3. "Эглитис (Eglitis) Аншлавс (1906—1993)" (rus). philatelia.ru. İstifadə tarixi: 2015-13-01.
  4. Edīte Zuzena. "« Maestro Anšlavs Eglītis un viņa romāni. »" (latış). Jaunā Gaita nr. 136, 1981. İstifadə tarixi: 2015-01-02.
  5. Anita Mellupe (2008). "« Pansija pilī ziemā. »" (PDF) (latış). Dienvidkalifornijas latviešu informācijas biļetens. İstifadə tarixi: 2015-01-02.