Anar Səfərov

Anar Səfərov
Naxçıvan Muxtar Respublikası Ali Məclisinin I, II, III və IV çağırış deputatı
16 dekabr 1995 – 2015
Seçki dairəsi	1995 - 2 saylı Sədərək 2000 - 2 saylı Qarağac 2005 - 2 saylı Heydərabad 2010 - 2 saylı Heydərabad
Əvvəlki	Vəzifə təsis edildi. (2 saylı Sədərək) Vəzifə təsis edildi.(2 saylı Qarağac) Vəzifə təsis edildi.(2 saylı Heydərabad)
Sonrakı	Vəzifə ləğv edildi. (2 saylı Sədərək) Vəzifə ləğv edildi. (2 saylı Qarağac) Vüsalə Əliyeva (2 saylı Heydərabad)
Naxçıvan Muxtar Respublikası dövlət əmlakı nazirinin müavini
1996 – 2000
Naxçıvan Muxtar Respublikası Ali Məclisi sədrinin müavini
1990 – 1995
Sonrakı	Vəzifə ləğv edildi.
Naxçıvan Muxtar Respublikası Ali Məclisinin deputatı
17 noyabr 1990 – 12 noyabr 1995
Seçki dairəsi	44 nömrəli ikinci Sədərək
Əvvəlki	Vəzifə təsis edildi.
Sonrakı	Vəzifə ləğv edildi.
Şəxsi məlumatlar
Doğum tarixi	1953
Doğum yeri	Sədərək, Noraşen rayonu, Naxçıvan MSSR, Azərbaycan SSR, SSRİ
Partiya	Yeni Azərbaycan Partiyası
Təhsili	Azərbaycan Dövlət Bədən Tərbiyəsi və İdman Akademiyası (–1985)
Fəaliyyəti	siyasətçi

Anar Həsən oğlu Səfərov (1953, Sədərək, Noraşen rayonu) — Naxçıvan Muxtar Respublikası Ali Məclisinin I, II, III və IV çağırış deputatı, Naxçıvan Muxtar Respublikası dövlət əmlakı nazirinin müavini, Naxçıvan Muxtar Respublikası Ali Məclisi sədrinin müavini, Naxçıvan Muxtar Respublikası Ali Məclisinin deputatı.

Həyatı

Anar Həsən oğlu Səfərov 1953-cü ildə Sədərək kəndində doğulmuşdur. 1975-ci ildə Bakı Bədən Tərbiyəsi Texnikumunu, 1985-ci ildə Azərbaycan Dövlət Bədən Tərbiyəsi İnstitutunu bitirmişdir. O, ali təhsilini tamamladıqdan sonra Sədərək orta məktəbində müəllim olaraq çalışmışdır.

Siyasi fəaliyyəti

Anar Səfərov 1990-cı ildə Naxçıvan MSSR Ali Sovetinə keçirilmiş seçkilərdə 44 nömrəli ikinci Sədərək seçki dairəsi üzrə deputat seçilmişdir. O, elə həmin il Naxçıvan Ali Məclisi sədrinin müavini seçilmişdir.

Anar Səfərov Naxçıvan Ali Məclisinə 12 noyabr 1995-ci il tarixində keçirilmiş seçkilərdə 2 saylı Sədərək, 5 noyabr 2000-ci il tarixində keçirilmiş seçkilərdə 2 saylı Qarağac dairəsindən, 2005-ci il və 2010-cu il tarixlərində keçirilmiş seçkilərdə isə 2 saylı Heydərabad dairəsindən deputat seçilmişdir.

Anar Səfərov 1996-cı il tarixindən 2000-ci il tarixinədək Naxçıvan Muxtar Respublikası dövlət əmlak nazirinin müavini vəzifəsinə təyin olunmuşdur.

Anar Səfərov Yeni Azərbaycan Partiyasının üzvüdür.