Antiinhisar və İstehlak Bazarına Nəzarət Dövlət Xidməti (Azərbaycan)

Vikipediya, azad ensiklopediya
Jump to navigation Jump to search
Antiinhisar və İstehlak Bazarına
Nəzarət Dövlət Xidməti
  • Azərbaycan Respublikasının
    İqtisadiyyat Nazirliyi yanında
    Antiinhisar və İstehlak Bazarına
    Nəzarət Dövlət Xidməti
Loqonun şəkli
Ümumi məlumatlar
Ölkə Azərbaycan Azərbaycan
Yaradılma tarixi 23 oktyabr 2019
Əvvəlki qurum Antiinhisar və İstehlak Bazarına Nəzarət Dövlət Agentliyi
Tabelik İqtisadiyyat Nazirliyi (Azərbaycan)
Baş qərargah Bakı, Azərbaycan
Ünvan Bakı şəhəri, Yasamal rayonu, Həsən bəy Zərdabi küçəsi, 88 A
Rəhbərlik
Xidmət rəisi v.i.e. Sahib Məmmədov
Müavinlər

Sahib Məmmədov

  • Məmməd Abbasbəyli

Rəsmi saytı http://www.consumer.gov.az

Antiinhisar və İstehlak Bazarına Nəzarət Dövlət Xidməti - antiinhisar, haqsız rəqabət, dövlət satınalmaları, açıq məkan istisna olmaqla reklam fəaliyyəti, standartlaşdırma, metrologiya, texniki tənzimləmə, uyğunluğun qiymətləndirilməsi, akkreditasiya, keyfiyyətin idarə edilməsi, istehlakçıların hüquqlarının müdafiəsi və istehlak bazarına nəzarət sahələrində dövlət nəzarətini və tənzimlənməsini həyata keçirən qurumdur.

Haqqında[redaktə | mənbəni redaktə et]

23 oktyabr 2019-cu ildə Azərbaycan Respublikasının İqtisadiyyat Nazirliyinin funksiyalarının və strukturunun genişləndirilməsi haqqında Azərbaycan Respublikası Prezidentinin Fərmanı ilə Azərbaycan Respublikasının Antiinhisar və İstehlak Bazarına Nəzarət Dövlət Agentliyi müvafiq dövlət xidməti statusunda Azərbaycan Respublikasının İqtisadiyyat Nazirliyinin strukturuna daxil edilib.[1]

Azərbaycanda ilk dəfə 1992-ci ildə 23 iyun tarixli 3 nömrəli fərmanla Antiinhisar Siyasəti və Sahibkarlığa Kömək Komitəsi yaradılıb. Həmin ilin avqust ayında Komitənin Əsasnaməsi təsdiq olunub.

Həmin ildə Bazar İqtisadiyyatına keçidlə bağlı mühüm əhəmiyyəti olan “sahibkarlıq fəaliyyəti haqqında” Azərbaycan Respublikasının qanunu qəbul edilib. Prezident “İnhisarçı müəssisələrin və birliklərin məhsullarının qiymətlərinin dövlət tərəfindən tənzimlənməsi haqqında” fərman imzanıb.

2001-ci ildə Ümumillilider Heydər Əliyevin fərmanı ilə Antiinhisar Siyasəti və Sahibkarlığa Kömək Komitəsi hüquqi şəxs statusunda İqtisadi İnkişaf nazirliyinin tərkibinə daxil edilərək Antiinhisar Siyasəti Departamenti kimi fəaliyyət göstərib.

2001-2006-cı illər ərzində prezidentin fərman və sərəncamları, Nazirlər Kabinetinin qərar və normativ sənədləri ilə Departamentin vəzifə və səlahiyyətləri xeyli dərəcədə genişlənib.

Azərbaycan Respublikasının Prezidenti İlham Əliyevin rəhbərliyi ilə ölkəmizdə antiinhisar siyasəti, haqsız rəqabətə qarşı mübarizə, istehlakçıların hüquqlarının müdafiəsi və istehlak bazarına nəzarət sistemi yeni inkişaf mərhələsinə qədəm qoyub. 2006-cı il dekabrın 28-də Prezidentin imzaladığı fərmanla İqtisadi İnkişaf nazirliyi yanında icra hakimiyyəti orqanı statusunda Antiinhisar Dövlət Xidməti yaradılıb. 504 nömrəli fərmanla istehlak bazarına nəzarət funksiyaları da Xidmətin səlahiyyətlərinə verilib.

Prezident İlham Əliyevin 2009-cu ildə imzaladığı fərmanla isə Antiinhisar Siyasəti və İstehlakçıların Hüquqlarının Müdafiəsi Dövlət Xidməti yaradılıb. Daha sonra antiinhisar fəaliyyəti, haqsız rəqabət, təbii inhisarlar, reklam, istehlak bazarına nəzarətlə bağlı səlahiyyətlər qurumun tabeliyinə verilib.

2018-ci ilin aprelin 20-də imzalanan sərəncamla isə İqtisadiyyat nazirliyinin strukturuna daxil edilən Antiinhisar və İstehlak Bazarına Nəzarət Dövlət Agentliyi yaradılıb. Müvafiq olaraq ləğv edilmiş. Standartlaşırma, Metrologiya və Patent üzrə Dövlət Komitəsinin texniki tənzimləmə, standartlaşdırma, metrologiya, uyğunluğun qiymətləndirilməsi akkreditasiya və keyfiyyətin idarə edilməsi sahəsində səlahiyyətlər Xidmətin tabeliyinə verilib. 2019-cu il 23 oktyabr tarixli qərarla isə Agentlik yenidən Dövlət Xidməti statusu alıb. Həmin ilin dekabrın 19-u tarixli İqtisadiyyat nazirliyinin funksiyalarının və strukturunun genişləndirilməsi haqqında fərmanı ilə Antiinhisar və İstehlak Bazarına Nəzarət Dövlət Agentliyi İqtisadiyyat Nazirliyinin strukturuna daxil edilib.[2]

Dövlət kəmiyyət vahidi etalonlarının əldə olunması, qorunub saxlanması, kəmiyyətin ölçüsünün dövlət etalonlarından ötürülməsini və ölçmələrin vəhdətinin təmin olunması üzrə dövlət siyasətini Dövlət Xidmətinin tabeliyinə verilən “Metrologiya İnstitutu” Publik hüquqi şəxs həyata keçirir.

Uyğunluğu qiymətləndirən qurumların məsələn sınaq və kalibrləmə laboratoriyalarının, işlərin, inspeksiya orqanlarının akkreditasiyasını həyata keçirmək isə “Akkreditasiya Mərkəzi” Publik hüquqi şəxsin səlahiyyətlərinə aiddir.

“Standartlaşdırma institutu” Publik hüquqi şəxs isə milli standartlaşdırma qurumudur və onun əsas fəaliyyət istiqamətləri milli standartların hazırlanması, tətbiqi, bu sahədə beynəlxalq təşkilatlarda təmsilçiliyi həyata keçirməkdir. İnstitut texniki tənzimləmə, standartlaşdırma və uyğunluğun qiymətləndərilməsi sahəsi üzrə vahid dövlət siyasətinin formalaşdırılması, həyata keçirilməsi üzrə təkliflər verir.

Antiinhisar və İstehlak Bazarına Nəzarət Dövlət Xidməti istehlakçıların hüquqlarının qorunması ilə barabər həm də inhisarçılıqla mübarizədə dövlət siyasətini həyata keçirir. Hər iki sahə ilə bağlı qanunların qəbul edilməsi ölkə ərazisində azad sahibkarlığın və sərbəst rəqabət mühitinin yaradılmasında mühüm rol oynayıb. Dövlət Xidməti məhz haqsız rəqabətin qarşısının alınması, ədalətli mühitin yaradılması istiqamətində işlər həyata keçirir. Bu sahədə “haqsız rəqabət haqqında” Azərbaycan Respublikasının qanunu əsas hüquqi baza rolunu oynayır. Dövlət Xidməti eyni zamanda Təbii inhisar sahələrinin müəyyən edilməsi, onların fəaliyyətinin tənzimlənməsi və nəzarət funksiyalarını da həyata keçirir.

2016-cı ilin yanvar ayının 15-dən Azərbaycan Respublikası Prezidentinin Fərmanı ilə ləğv edilmiş Satınalmalar üzrə Dövlət Agentliyinin funksiyaları da Xidmətin səlahiyyətlərinə daxil edilib. Prosedurların sürətlə elektronlaşdırılması dövlət satınalamalarının iddiaçılar arasında sağlam rəqabət mühitində həyata keçirilməsində mühüm əhəmiyyətə malikdir. Dövlət satınalmalarının vahid internet portalının təkmilləşdirilməsi üzrə işlər həyata keçirilir.

Antiinhisar və İstehlak bazarına Nəzarət Dövlət Xidmətinin 8 regional-Abşeron, Gəncə-Qazax, Şəki-Zaqatala, Lənkəran, Quba-Xaçmaz, Aran, Dağlıq-Şirvan və Yuxarı-Qarabağ bölməsi fəaliyyət göstərir.

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]