Anton Botev

Vikipediya, azad ensiklopediya
Naviqasiyaya keçin Axtarışa keçin
Anton Botev
Şəxsi məlumatlar
Tam adı Anton Botev
Vətəndaşlığı Rusiya Rusiya →
Azərbaycan Azərbaycan
Doğum tarixi 25 may 1986(1986-05-25) (37 yaş)
Doğum yeri
Boyu 192 sm. (5 ft 6 in)
İdman növü Güləş
Karyera illəri 1994—2008

Anton Botev (25 may 1986, Omsk) — Azərbaycanı təmsil edən yunan-roma güləşçisi.[1]

Karyerası[redaktə | mənbəni redaktə et]

Anton Botev 2003-cü ildə Rusiyada baş tutan yeniyetmələr arasında Avropa Çempionatının qalibi oldu.[2] Daha sonra isə Anton Botev 2005-ci ildə Polşada və 2006-cı ildə Macarıstanda gənclər arasında Avropa Çempionatının final görüşlərində məğlub olaraq turniri gümüş medallarla başa vurdu.[2] Rusiya yığmasının heyətində "bir nömrə" olmağı bacarmayan Anton Botev 2007-ci ildə Azərbaycan Güləş Federasiyası tərəfindən Azərbaycan yığmasının heyətinə cəlb edildi.[2]

2007-ci ildə Dünya Çempionatını 16-cı pillədə başa vuran Anton Botev 2008-ci ildə Avropa Çempionatında da uğursuz çıxış elədi və 17-ci pillədə qərarlaşdı.[2] Həmin ilin mayında İtaliyada Dünya Olimpiya Təsnifat Turnirinin bürünc medalına sahib olmaqla Anton Botev olimpiya lisenziyasına sahib oldu.[2] Olimpiadadan əvvəl iyunda Qızıl Qran-Pri beynəlxalq turnirini beşinci pillədə başa vuran Anton Botev olimpiada da uğursuz çıxış elədi.[2]

Anton Botev olimpiadanın təsnifat mərhələsində 2000-ci il Sidney Olimpiadasının finalçısı Özbəkistan nümayəndəsi David Saldadze ilə üz-üzə gəldi.[3] Gərgin idman mübarizəsi şəraitində baş tutan görüşün birinci hissəsində 2:1 hesabı ilə Botev, növbəti hissəsində isə 2:1 hesabı ilə Saldadze qalib gəldi.[3] Belə olan halda görüşün taleyi üçüncü hissədə həll olundu.[3] Bu hissədə Anton Botev rəqibi üzərində 2:0 hesabı ilə qələbə qazandı və olimpiadanın 1/8 final mərhələsinə adladı.[3] Bu mərhələdə onun rəqibi İsveç nümayəndəsi Yalmar Sjöberq oldu.[3] Həmin görüşdə Anton Botev rəqibinə 0:2 hesabı ilə məğlub oldu.[3] Rəqibi final görüşünə vəsiqə qazanmadığına görə Anton Botev təsəlliverici qrupda da mübarizə aparmadı və olimpiadanı 10-cu pillədə başa vurdu.[3]

Anton Botev 2008-ci ildə idmanla vidalaşdı.[2]

Nəticələri[redaktə | mənbəni redaktə et]

Sıra
İl
Yarış
Ev sahibi
Nəticə
Rusiya Rusiya
1
2003
 Yeniyetmələrin Avropa Çempionatı Rusiya Rusiya
1.
2
2005
 Gənclərin Avropa Çempionatı Polşa Polşa
2.
3
2006
 Gənclərin Avropa Çempionatı Macarıstan Macarıstan
2.
Azərbaycan Azərbaycan
4
2007
 Dünya Çempionatı Azərbaycan Azərbaycan
16.
5
2008
 Avropa Çempionatı Finlandiya Finlandiya
17.
6
 Dünya Olimpiya Təsnifat Turniri İtaliya İtaliya
3.
7
 Qızıl Qran-Pri Azərbaycan Azərbaycan
5.
8
 Olimpiya Oyunları Çin Çin
8.

İstinadlar[redaktə | mənbəni redaktə et]

  1. ↑ Olympedia.org. "Anton BOTEV". www.olympedia.org (ingilis). 2022-08-30. 2022-06-10 tarixində arxivləşdirilib. İstifadə tarixi: 30.08.2022.
  2. ↑ 1 2 3 4 5 6 7 International Wrestling Database. "ANTON BOTEV". www.iat.uni-leipzig.de (ingilis). 2022-08-04. İstifadə tarixi: 02.08.2022.
  3. ↑ 1 2 3 4 5 6 7 Olympedia.org. "2008 Summer Olympics / Wrestling / Super-Heavyweight (120 Kilograms) / Greco-Roman / Men". www.olympedia.org (ingilis). 2022-08-30. 2022-05-11 tarixində arxivləşdirilib. İstifadə tarixi: 30.08.2022.
Mənbə — "https://az.wikipedia.org/w/index.php?title=Anton_Botev&oldid=7571604"