Araz Əliyev (riyaziyyatçı)

Vikipediya, azad ensiklopediya
Naviqasiyaya keçin Axtarışa keçin
Araz Rafiq oğlu Əliyev
Doğum tarixi 20 fevral 1973(1973-02-20) (51 yaş)
Doğum yeri
Milliyyəti Azərbaycanlı
Elmi dərəcəsi
Elmi adı
İş yerləri
Təhsili
Üzvlüyü
  • Amerika Riyaziyyat Cəmiyyəti[d]
Mükafatları "Azərbaycan Dövlət Neft və Sənaye Universitetinin 100 illiyi" yubiley medalı
Azərbaycan Respublikasının əməkdar elm xadimi

Araz Rafiq oğlu Əliyev (20 fevral 1973, Bakı) – riyaziyyat elmləri doktoru, professor, Azərbaycan Respublikasının Əməkdar elm xadimi (30 dekabr 2020), Azərbaycan Dövlət Neft və Sənaye Universitetinin Ümumi və tətbiqi riyaziyyat kafedrasının müdiri.

Həyatı[redaktə | mənbəni redaktə et]

Əliyev Araz 1973-cü il fevralın 20-də riyaziyyatçı ailəsində anadan olub. Ata, fizika-riyaziyyat elmləri doktoru, professor Rafiq Musa oğlu Əliyev (10 noyabr 1937 – 22 noyabr 2021) Azərbaycan Memarlıq və İnşaat Universitetinin Ali riyaziyyat kafedrasında çalışmış, Azərbaycan Respublikasının Əməkdar müəllimi fəxri adına layiq görülmüşdür (17 iyun 2016)[1]. Ana, fizika-riyaziyyat elmləri namizədi, dosent Sara Göycə qızı Qasımova təqaüdə çıxana qədər Azərbaycan Texniki Universitetinin Riyaziyyat kafedrasında işləyib.

Araz Əliyev 1990-cı ildə Bakı Dövlət Universitetinin Mexanika-riyaziyyat fakültəsinə qəbul olunub, 1992–1995-ci illərdə təhsilində əldə etdiyi yüksək göstəricilərə görə akademik Əşrəf Hüseynov[2] adına təqaüdə layiq görülmüşdür. 1995-ci ildə həmin fakültəni fərqlənmə diplomu ilə bitirərək, Universitetin aspiranturasında saxlanılmışdır. Aspirantura müddəti bitməmiş 1998-ci ildə "Kəsilən əmsallı operator-diferensial tənliklər üçün sərhəd məsələlərinin korrekt həll olunması haqqında" mövzusunda namizədlik dissertasiyasını, 2009-cu ildə isə "Hilbert fəzasında bəzi sinif operator-diferensial tənliklərin həll olunma məsələləri" mövzusunda doktorluq dissertasiyasını müdafiə etmişdir[3]. Azərbaycan Respublikasının Prezidenti yanında Ali Attestasiya Komissiyasının 2 may 2006-cı il tarixli qərarı ilə dosent elmi adına, 11 iyul 2014-cü il tarixli qərarı ilə isə professor elmi adına layiq görülmüşdür.

1999–2016-cı illərdə Bakı Dövlət Universitetinin Tətbiqi riyaziyyat kafedrasında baş laborant (1999–2000-ci illər), müəllim (2000–2004-cü illər), dosent (2004–2010-cu illər), professor (2010–2016-cı illər) vəzifələrində işləmişdir.

2016-cı ildən Azərbaycan Dövlət Neft və Sənaye Universitetinin Ümumi və tətbiqi riyaziyyat kafedrasının müdiridir.

Azərbaycan Respublikası Prezidentinin 30 dekabr 2020-ci il tarixli sərəncamı ilə "Əməkdar elm xadimi" fəxri adına layiq görülüb[4].

Azərbaycan Respublikası Təhsil nazirinin 8 may 2021-ci il tarixli əmri ilə "Azərbaycan Dövlət Neft və Sənaye Universitetinin 100 illiyi (1920–2020) Azərbaycan Respublikasının yubiley medalı" ilə təltif edilib[5].

Elmi fəaliyyəti[redaktə | mənbəni redaktə et]

100-dən çox elmi məqalənin müəllifidir. Məqalələrin əksər hissəsi nüfuzlu elmmetrik bazalarda öz əksini tapmışdır[6][7][8][9].

Elmi maraq dairəsi[redaktə | mənbəni redaktə et]

  • Funksional analiz
  • Diferensial və inteqral tənliklər
  • Riyazi modelləşdirmə
  • Yüksək məhsuldarlı hesablamalar (HPC – High Performance Computing)
  • Parallel və paylanmış hesablamalar
  • Süni intellekt

1 elmlər doktorluq dissertasiyasının elmi məsləhətçisi, 6 fəlsəfə doktorluq və 17 magistr dissertasiyasının elmi rəhbəri olmuşdur. Hazırda elmlər doktoru proqramı üzrə 1 dissertantın elmi məsləhətçisi və fəlsəfə doktoru proqramı üzrə 5 doktorant və dissertantın elmi rəhbəridir.

2004-cü ildən Riyaziyyat və Mexanika İnstitutunda əvəzçiliklə 0,5 ştatla çalışır və hal-hazırda Funksional analiz şöbəsinin baş elmi işçisidir[10].

  • AMEA Riyaziyyat və Mexanika İnstitutunun nəzdindəki doktorluq dissertasiya şurasının üzvü (2013–2014)
  • "Proceedings of the Institute of Mathematics and Mechanics, National Academy of Sciences of Azerbaijan" elmi jurnalının redaksiya heyətinin üzvü (2014-h/h) (Web of Science Core Collection, Scopus)[11]
  • Amerika Riyaziyyat Cəmiyyətinin üzvü
  • Azərbaycan Dövlət Neft və Sənaye Universitetində Ümumuniversitet multidistiplinar elmi seminarının sədri (2017-h/h)
  • Azərbaycan Dövlət Neft və Sənaye Universitetinin Ümumi və tətbiqi riyaziyyat kafedrası nəzdində HPC elmi-tədqiqat mərkəzinin elmi rəhbəri (2018-h/h)[12]
  • Azərbaycan Dövlət Neft və Sənaye Universiteti tərəfindən təsis olunmuş "Azerbaijan Journal of High Performance Computing" elmi jurnalının baş redaktoru (2018-h/h)[13]
  • Azərbaycan Dövlət Neft və Sənaye Universiteti tərəfindən təsis olunmuş "Baku Mathematical Journal" elmi jurnalının baş redaktoru (2022-h/h) (zbMATH Open)[14]
  • Azərbaycan Dövlət Neft və Sənaye Universiteti tərəfindən dərc olunan "Ali riyaziyyat kitab seriyası" nəşrinin elmi redaktoru (2022-h/h)[15]
  • Azərbaycan Riyaziyyat Cəmiyyətinin "Azerbaijan Journal of Mathematics" elmi jurnalının redaksiya heyətinin üzvü (2012–2020) və Menecer Editoru (2015–2020) (Web of Science Core Collection, Scopus)
  • ABŞ dərc olunan "Mathematics and Statistics" elmi jurnalının redaksiya heyətinin üzvü (2013–2019) (Scopus)
  • "Transactions of the Azerbaijan National Academy of Sciences, series of physical-technical and mathematics science, issue mathematics" elmi jurnalının redaksiya heyətinin üzvü (2015–2017) (Scopus)
  • "Transactions of Azerbaijan Institutes of Technology" elmi jurnalının redaksiya heyətinin üzvü (2016–2019)
  • "Journal of Contemporary Applied Mathematics" beynəlxalq elmi jurnalının baş redaktoru (2011–2017) (zbMATH Open)

Elmi ekspertiza fəaliyyəti[redaktə | mənbəni redaktə et]

  • Azərbaycan Respublikasının Prezidenti yanında Ali Attestasiya Komissiyasının "Riyaziyyat və mexanika elmləri" ixtisasları üzrə ekspert şurasının sədri (2019–2023)
  • Azərbaycan Respublikasının Prezidenti yanında Ali Attestasiya Komissiyasının "Riyaziyyat və mexanika elmləri" ixtisasları üzrə ekspert şurasının üzvü (2015–2016)
  • Azərbaycan Elm Fondunun eksperti
  • Riyaziyyat üzrə bir sıra nüfuzlu beynəlxalq jurnalların rəyçisi[16]

Digər fəaliyyəti[redaktə | mənbəni redaktə et]

  • Ümummilli lider Heydər Əliyevin 100 illik yubileyinə həsr olunmuş Azərbaycan müəllimlərinin XVI qurultayının nümayəndəsi (15–16 dekabr 2023)
  • Azərbaycan Respublikası Təhsil Nazirliyinin təşkilatçılığı ilə keçirilən "Sabahın alimləri" Respublika müsabiqəsinin riyaziyyat üzrə münsiflər heyətinin üzvü (2019–2022)
  • Azərbaycan müəllimlərinin XV qurultayının nümayəndəsi (28 noyabr 2018)
  • Azərbaycan Dövlət Neft və Sənaye Universitetinin Elmi Şurasının üzvü (2016-h/h)

Mükafatlar, qrantlar[redaktə | mənbəni redaktə et]

  1. Azərbaycan Respublikasının Prezidenti yanında Elmin İnkişafı Fondunun 2011-ci il üçün 1-ci müsabiqəsində EIF-2011–1(3)-82/28/1 qrant elmi-tədqiqat layihəsinin iştirakçısı.
  2. 2011/2012-ci tədris ilində Bakı Dövlət Universitetinin universitetdaxili "50+50" qrant proqramının qalibi.
  3. Kral Əbdüləziz Universitetinin Elmi araşdırmalar mərkəzinin (DSR, Ciddə, Səudiyyə Ərəbistanı) 2015-ci il üçün qrant elmi-tədqiqat layihəsinin (№ 363–686-D1435) rəhbəri.
  4. Kral Əbdüləziz Universitetinin Elmi araşdırmalar mərkəzinin (DSR, Ciddə, Səudiyyə Ərəbistanı) 2016-cı il üçün qrant elmi-tədqiqat layihəsinin (№ G-377–965–1436) rəhbəri.
  5. ADNSU-nun 2018-ci il üçün universitetdaxili "Universitet Qrantı" elmi layihəsinin (№ ADNSU-2018–1–01) iştirakçısı.
  6. 2020–2022-ci illəri əhatə edən Taif Universitetinin Tədqiqatlarına Dəstək (Taif, Səudiyyə Ərəbistanı) qrant elmi-tədqiqat layihəsinin (№ TURSP-2020/031) rəhbəri.
  7. 2019–2023-cü illəri əhatə edən "ERASMUS+ MAGnUS: Mobil tətbiqlərin hazırlanması və oyunların dizaynı üzrə magistr proqramı" — 598342-EPP-1–2018–1-SE-EPPKA2-CBHE-SP/MAGnUS qrant layihəsinin iştirakçısı.
  8. 2021–2024-cü illəri əhatə edən və 101021936 saylı Qrant Sazişi çərçivəsində Avropa İttifaqının Horizon 2020 tədqiqat və innovasiya proqramından maliyyəşən "rEsilient and seLf-healed EleCTRical pOwer Nanogrid" — H2020-SU-DS-2020/U-DS04–2018–2020 ELECTRON qrant layihəsinin iştirakçısı.

İstinadlar[redaktə | mənbəni redaktə et]

  1. "Azərbaycan Memarlıq və İnşaat Universitetinin əməkdaşlarına "Əməkdar müəllim" fəxri adının verilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2024-01-10 tarixində arxivləşdirilib. İstifadə tarixi: 2024-01-10.
  2. Əşrəf Hüseynov // Vikipediya. 2022-10-27.
  3. "Электронная База Диссертаций". anl.az. 2024-01-06 tarixində arxivləşdirilib. İstifadə tarixi: 2024-01-10.
  4. "Azərbaycan Dövlət Neft və Sənaye Universitetinin əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2024-01-05 tarixində arxivləşdirilib. İstifadə tarixi: 2024-01-10.
  5. ""Azərbaycan Dövlət Neft və Sənaye Universitetinin 100 illiyi (1920–2020)" Azərbaycan Respublikasının yubiley medalının təsis edilməsi ilə əlaqədar "Azərbaycan Respublikasının orden və medallarının təsis edilməsi haqqında" Azərbaycan Respublikasının Qanununda dəyişiklik edilməsi barədə" Azərbaycan Respublikasının 2020-ci il 26 noyabr tarixli 206-VIQD nömrəli Qanununun tətbiqi haqqında Azərbaycan Respublikası Prezidentinin Fərmanı » Azərbaycan Prezidentinin Rəsmi internet səhifəsi". president.az (az.). 2024-01-05 tarixində arxivləşdirilib. İstifadə tarixi: 2024-01-10.
  6. "Web of Science". www.webofscience.com. 2024-01-05 tarixində arxivləşdirilib. İstifadə tarixi: 2024-01-10.
  7. "Scopus preview - Aliev, Araz R. - Сведения об авторе - Scopus". www.scopus.com. İstifadə tarixi: 2024-01-10.
  8. "MathSciNet". mathscinet.ams.org. 2024-01-05 tarixində arxivləşdirilib. İstifadə tarixi: 2024-01-10.
  9. "Araz R. Aliev - Author Profile - zbMATH Open". zbmath.org. 2024-01-05 tarixində arxivləşdirilib. İstifadə tarixi: 2024-01-10.
  10. "Əliyev Araz Rafiq oğlu | Riyaziyyat və Mexanika İnstitutu". 2024-01-10 tarixində arxivləşdirilib. İstifadə tarixi: 2024-01-10.
  11. "Editorial Board — Proc. Inst. Math. Mech". proc.imm.az. 2024-01-05 tarixində arxivləşdirilib. İstifadə tarixi: 2024-01-10.
  12. "Elm və təhsilin vəhdəti labüddür - FOTO". Oxu.Az (az.). 2022-04-08. 2024-01-14 tarixində arxivləşdirilib. İstifadə tarixi: 2024-01-14.
  13. "HOME - Azerbaijan Journal of High Performance Computing". azjhpc.org. 2024-01-04 tarixində arxivləşdirilib. İstifadə tarixi: 2024-01-10.
  14. "EDITORIAL TEAM". www.bakumathj.org. 2024-01-04 tarixində arxivləşdirilib. İstifadə tarixi: 2024-01-10.
  15. Elnur Həsən oğlu Xəlilov, Nurəddin Yasin oğlu Məmmədov, Əli Mehdi oğlu Musayev. Riyazi analiz kursu: Dərs vəsaiti. H. 1. "Ali riyaziyyat" kitab seriyası. Bakı: ADNSU. Araz Rafiq oğlu Əliyev. 2022.
  16. "Web of Science". www.webofscience.com. 2024-01-05 tarixində arxivləşdirilib. İstifadə tarixi: 2024-01-10.