Arif Həbibi

Vikipediya, açıq ensiklopediya
Jump to navigation Jump to search
Arif Həbibi
Arif Həbibi.JPG

Doğum tarixi 1 iyun 1943 (1943-06-01) (76 yaş)
Doğum yeri Astara, İran
Peşəsi Rejissor
Fəaliyyət illəri 1967-2012
Mükafatları Əməkdar Mədəniyyət işçisi

Həbibi Arif İzzət oglu — Azərbaycan aktyoru, rejissor dublyajist, Azərbaycan Respublikasının əməkdar mədəniyyət işçisi (2007).

Həyatı[redaktə | əsas redaktə]

Arif Həbibi 1943-cü il iyunun 1-də İran Astarasında anadan olmuşdur. 1967-ci ildə indiki Mədəniyyət və İncəsənət Universitetinin rejissor fakültəsini bitirmiş və həmin ildən “Azərbaycanfilm” kinostudiyasında işə başlamışdır. Dublyaj üzrə ali dərəcəli kinorejissordur.

Azərbaycan Kinematoqrafiya İttifaqının üzvüdür. Xarici ölkələrdə istehsal olunan bədii, sənədli və cizgi filmlərini ana dilinə dublyaj, tərcümə və “ukladka” etmişdir. Kinostudiyanın istehsal etdiyi bədii filmlərin və Vaqif Mustafayevin filmlərinin səsləndirilməsində məsləhətçi-rejissor olmuşdur. R.İbrahimbəyevin “Sınıq körpülər” filminin rus dilindən tərcüməçisi və səslənmə rejissoru olmuşdur. Mədəniyyət və İncəsənət Universitetində dublyajdan dərs demişdir.10 ildən çox "Space" “Lider”, “ANS”, “ATV” tele kanallarında dublyajla məşğul olmuşdur. 1000-ə yaxın müxtəlif filmləri dublyaj etmişdir. Dublyaj etdiyi filmlər: “Kral Lir”, “Rüstəm Zal haqqında əfsanə”, “Qırmızı çadır”, “Rezidentin səhvi”, “Əlahəzrətin adyutantı”, “Səyavuş”, “Qaraqulaq ağ Bim”, “Karnaval”, “İmam Əli”, “İudanın arvadı”, “Mənim üç bacım”, “Ağbəniz”, “Mauqli”, “Gəlinlərin qiyamı” və s. Bədii, cizgi və sənədli filmlərin Azərbaycan dilinə tərcümə və səsləndirilməsi sifarişini qəbul edir.

Filmoqrafiya[redaktə | əsas redaktə]

  1. Qərib cinlər diyarında (film, 1977)
  2. Müqəddəs and (film, 1983)
  3. 100 (film, 1985) (qısametrajlı bədii film-Mozalan № 100)
  4. Gəlinlərin qiyamı (film, 1985) (dublyaj rejissoru)
  5. Atası yandı (film, 1986)
  6. Mastika (film, 1986)
  7. Pərdə arxasında (film, 1987)
  8. 777 №-li müəssisədə (film, 1988) (qısametrajlı bədii süjet-Mozalan № 129)
  9. Yuxu (film, 2001)

Mənbə[redaktə | əsas redaktə]

  • Xamis Muradov. Kinofabrikdən başlanan yol. Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 6.
  • Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 52.