Arkadi Raykin

Arkadi Raykin
Arkadi Raykin
	latış. Arkādijs Raikins‎; rus. Аркадий Исаакович Райкин
Doğum tarixi	11 (24) oktyabr 1911
Doğum yeri	Riqa, Liflyand quberniyası, Rusiya imperiyası;
Vəfat tarixi	17 dekabr 1987 (76 yaşında)
Vəfat yeri	Moskva, RSFSR, SSRİ;
Vəfat səbəbi	xəstəlik
Dəfn yeri	Novodeviçye qəbiristanlığı;
Fəaliyyəti	kinorejissor, aktyor, aparıcı[d], teatr rejissoru, komediyaçı, yumor ustası
Fəaliyyət illəri	1935-ci ildən
Təhsili	Rusiya Dövlət Səhnə Sənəti İnstitutu (–1935);
Mükafatları
	Vikianbarda əlaqəli mediafayllar

Arkadi İsaakoviç Raykin (latış. Arkādijs Raikins‎; rus. Аркадий Исаакович Райкин, 11 (24) oktyabr 1911, Riqa^[3] – 17 dekabr 1987^[1]^[2], Moskva) — sovet teatr və kino aktyoru, SSRİ xalq artisti (1968), Lenin mükafatı laureatı (1980), Sosialist Əməyi Qəhrəmanı (1981).

Həyatı

Arkadi İsaakoviç Raykin 1911-ci il oktyabr ayının 24-də Riqa şəhərində anadan olmuşdur. Orta məktəbi bitirdikdən sonra 1935-ci ildə Leninqrad (indiki Sankt-Peterburq) Teatr Texnikumunu bitirmişdir. Əvvəllər Leninqrad fəhlə-gənclər teatrında, sonralar Lenin komsomolu adına teatrda, eyni zamanda estradada çıxış etmişdir.

1939-cu ildə Moskvada keçirilən Ümumittifaq estrada artistləri müsabiqəsinin laureatı olmuşdur. 1939-cu ildə Leninqrad Estrada və Miniatür Teatrının artisti, sonradan bədii rəhbəri və quruluşçu rejissoru olmuşdur. 1982-ci ildən teatr Moskvadadır.

Raykinin yaradıcılığı üçün zəngin ifadə vasitələri, dərin ictimai kəskinlik, güclü satira səciyyəvidir. Raykin həmçinin pantomima və lirik monoloq ifaçısı kimi də məşhur olmuşdur. Raykin teatrının ən yaxşı tamaşaları aşağıdakılardır: "80 günlük dünya səyahəti" (1956), "Məhəbbət və üç portağal" (1956), "İkidən əlliyədək" (1961), "Svetofor" (1969), "Seçmələr-73" (1973), "Əlahəzrət teatr" (1981) və s.

О, istər keçmiş sovet ittifaqında, istərsə də xarici ölkələrdə məşhur idi. Ona görə də xarici ölkələrə teztez səfərlər edir və tamaşaçıları komik rolları ilə sevindirirdi.

Qazandığı sənət uğurlarına görə o, 1968-ci ildə SSRİ Xalq artisti, 1981-ci ildə Sosialist Əməyi Qəhrəmanı kimi fəxri adlara layiq görülmüşdür. 1980-ci ildə məşhur gülüş ustası Lenin mükafatı laureatı adını almışdır.

Arkadi Raykin 1987-ci il dekabr ayının 17-də Moskva şəhərində vəfat etmişdir.

İstinadlar

↑ ¹ ² Arkady Isaakovich Raikin // Encyclopædia Britannica (ing.).
↑ ¹ ² The Fine Art Archive. 2003.
↑ ¹ ² Райкин Аркадий Исаакович // Большая советская энциклопедия (rus.): [в 30 т.]. 3-е изд. Москва: Советская энциклопедия, 1969.

Xarici keçidlər

Vikianbarda Arkadi Raykin ilə əlaqəli mediafayllar var.

Из архива театра "Сатирикон" Arxivləşdirilib 2005-10-30 at the Wayback Machine
Фотоальбом семьи Райкиных
Король и шут. Воспоминания А. Райкина Arxivləşdirilib 2009-06-11 at the Wayback Machine

[_e3ea1aab88532d9c-1] ¹ ² Arkady Isaakovich Raikin // Encyclopædia Britannica (ing.).

[_280f7f58e6ffe003-2] ¹ ² The Fine Art Archive. 2003.

[_af452cdb0e4ce4b1-3] ¹ ² Райкин Аркадий Исаакович // Большая советская энциклопедия (rus.): [в 30 т.]. 3-е изд. Москва: Советская энциклопедия, 1969.

[3]

[1]

[2]