Arturo (ağ ayı)

Vikipediya, azad ensiklopediya
Jump to navigation Jump to search
Arturo
Növü Ağ ayı (Ursus maritimus)
Doğum tarixi 1985
Ölüm tarixi 3 iyul 2016 (30-31 yaşında)
Vəfat yeri Mendosa, Argentina Argentina
Saxlandığı yer Mendosa Zooloji Parkı

Arturo (d. 1985 – ö. 3 iyul 2016) — Argentinanın Mendosa şəhərində yerləşən Mendosa Zooloji Parkında yaşamış ağ ayı. Argentinada yaşayan yeganə ağ ayı statusunu daşıyırdı. 1985-ci ildə ABŞ-da anadan olmuş, 1993-cü ildə Argentinaya göndərilmişdir. Parkdakı tək yoldaşı olan Peluza adlı dişi ağ ayı 2012-ci ildə xərçəngdən ölmüşdür. Arturonun saxlanıldığı qəfəs onun üçün tamamilə uyğun deyildi: Argentinada havanın temperaturu 40 °C-yə çatırdı və qəfəsindəki su hovuzunun dərinliyi cəmi 50,8 sm idi. Heyvan hüquqları müdafiəçiləri[1] Arturonu "dünyanın ən qəmgin heyvanı" adlandırmış və onun Kanadanın Vinnipeq şəhərində yerləşən Assiniboyne Zooloji Parkına transfer edilməsini təmin etmək üçün ərizə kampaniyası başlatmışdılar.[2] Ərizə kampaniyası Ontario əyalətinin Hamilton şəhərindən olan Laura Moralez tərəfindən yaradılmışdır.[3] Məsələyə diqqət çəkmək üçün Twitter-də #Freearturo (azərb. #Azadarturo‎) heşteqi ilə paylaşımlar edilmişdir. Ərizəni təqdim edənlər qeyd etmişdilər ki, 2012-ci ilin dekabrında Buenos-Ayresdə bir ağ ayı ifrat istidən ölmüşdür və Arturonun depresiyada olduğunu göstərən simptonlar var.[4]

19 iyul 2014-cü ildə ərizəyə 400.000-dən çox imza çəkilmişdir və ərizə Nyut Qinqriç[5]Şer[6] tərəfindən təsdiqlənmişdir. Assiniboyne Zooloji Parkı bildirmişdir ki, Arturonu məmnuniyyətlə qəbul edərdilər, lakin Argentina Arturonu transfer etməyə icazə vermədikcə nəsə etməyə hüquqları yoxdur.[7]

24 iyul 2014-cü ildə Mendosa Zooloji Parkının direktoru Qustavo Pronotto Associated Press-ə verdiyi müsahibədə Arturonun Kanadaya göndərilmək üçün çox qoca olduğunu bildirmişdir.[8] Sosial şəbəkələrdə (FacebookTwitter) Arturonun Kanadaya göndərilməsi üçün kampaniyalar başladılmışdır.[9][10]

Bütün cəhdlərə baxmayaraq Arturo 3 iyul 2016-cı ildə Mendosada ölmüşdür.[11]

İstinadlar[redaktə | əsas redaktə]

  1. "#FreeArturo: 470,000 sign petition to relocate depressed polar bear to Canada". Russia Today. 19 July 2014. İstifadə tarixi: 29 iyul 2016.
  2. "Petition to move 'sad' polar bear to Canada". BBC. 18 July 2014. İstifadə tarixi: 29 iyul 2016.
  3. "Thousands sign petition to relocate 'sad' polar bear Arturo to Canada". CTV News. 29 iyul 2016. İstifadə tarixi: 21 July 2014.
  4. Wheaton, Oliver (19 July 2014). "#Freearturo petition to move 'world's saddest' polar bear to Canadian zoo reaches almost 400,000 signatures". Metro. İstifadə tarixi: 29 iyul 2016.
  5. Neuman, Scott (19 July 2014). "400,000+ Sign Petition To Move 'Sad Bear' To Better Life In Canada". NPR. İstifadə tarixi: 29 iyul 2016.
  6. Smith, Mark (25 July 2014). "Zoo bosses REFUSE to move 'world's saddest polar bear' despite 700,000 petition and Cher pressure". Daily Mirror. İstifadə tarixi: 29 iyul 2016.
  7. "Arturo's fate out of Winnipeg zoo's hands". Winnipeg Sun. 18 July 2014. İstifadə tarixi: 29 iyul 2016..
  8. Lee, Jolie (24 July 2014). "Zoo director: Arturo the polar bear too old to move to Canada". USA Today. İstifadə tarixi: 29 iyul 2016.
  9. "Save Polar Bear Arthur". #FreeArturo. 18 July 2014..
  10. "Free Arturo the polar bear Community". Facebook. 19 July 2014. İstifadə tarixi: 29 iyul 2016.
  11. "'Depressed' Argentina polar bear Arturo dies at 30". BBC News. 5 July 2016. İstifadə tarixi: 29 iyul 2016.