Atsız məcmuə

Vikipediya, açıq ensiklopediya
Jump to navigation Jump to search
Picto infobox journal.png
Atsız məcmuə
Şəkil
Redaktor Nihal Atsız
NövSiyasi-mədəni jurnal
TəsisçiNihal Atsız
DilTürkcə

Atsız məcmuə - adını tarixçi, yazıçı, şair, türk millətçiliyinin ideoloqlarından olan Hüseyn Nihal Atsızdan alan jurnal. Fasiləsiz olaraq 17 sayı çıxmışdır.[1] Jurnalda ədəbiyyat, tarix, millətçilik, türk xalq ədəbiyyatı, sosial mövzular və müxtəlif fikirlərlə bağlı yazılar nəşr edilmişdir. Jurnalın əsas mövzusu kommunizmə qarşı yazılar ilə Ülküçülük və Turançılıq düşüncəsidir. Yazı heyətinə Mehmed Fuad Köprülü, Zəki Validi Toğan kimi şəxslərin də olduğu bu jurnal, 25 sentyabr 1932-ci ildə qapadılmışdır.

Haqqında[redaktə | əsas redaktə]

Jurnalın ilk sayı 15 may 1931-ci ildə nəşr edilmişdir, bu sayıda jurnalın məqsədi "Bir quş baxışı" adlı məqalədə açıqlanmışdır. Bu yazıda I Dünya müharibəsiTürkiyə İstiqlaliyyət müharibəsindən sonrakı ictimai həyatdan bəhs edilmiş, jurnalın xalqın içinə girəcəyini, xalqdan yana əsərlər verəcəyini, kəndlini və kəndləri qurtarmağa və ucaltmağa çalışacaq gənclərin jurnalı olduğu vurğulanmışdır. Bu məqalə jurnalın 17 saylıq həyatının əsas fikir mövzusu olmuşdur. Jurnalda ən çox Səbahətdin ƏliHüseyn Nihal Atsızın şerləri nəşr edilmişdir. Şerləri nəşr edilən digər şəxslər isə Fevziyə AbdullahNihad Sami Banarlıdır.

Hekayə sahəsində isə Səbahətdin ƏliNihal Atsızın əsərləri yayımlanmışdır. Tələbəlik illərində tanış olan bu iki şəxsin münasibətləri sonradan Səbahətdin Əlinin etdiklərinə görə pozulmuş və iş məhkəməyə qədər uzanmışdır. Belə ki, Səbahətdin Əlinin İçimizdəki şeytan romanının Zəki Validi Toğan, Nihal Atsız və digər türk millətçilərinə yönəlmiş olduğu iddia edilməkdədir.

Jurnalın ədəbi yönündə irəli çıxan digər şəxslər Zək Validi Toğan, Əbdülqadir İnan, Kösəmihalzadə Mahmud Raqib, Nihad Sami Banarlı və Mehmed Şakir Ülkütaşırdır. Bu şəxslərdən bəziləri xalq və Bektaşi şerləri ilə bağlı etdikləri araşdırmaları jurnalda nəşr etdirmişdir. Mahmud Raqibin araşdırmaları isə türk musiqisi ilə bağlı olmuşdur.[2]

Həmçinin bax[redaktə | əsas redaktə]

İstinadlar[redaktə | əsas redaktə]