Avqust Horx

Vikipediya, azad ensiklopediya
Jump to navigation Jump to search
Avqust Horx
alm. August Horch
Horch.gif
Doğum tarixi 12 oktyabr 1868(1868-10-12)
Doğum yeri Almaniya, Vinningen şəhəri
Vəfat tarixi 1951(1951-Şablondakı doğum və ya ölüm tarixində texniki yanlışlıq var!-00)
Vəfat yeri
Vətəndaşlığı
Fəaliyyəti sahibkar, mühəndis, yarış avtomobili pilotu, mühəndis-konstruktor[d], konstruktor
Commons-logo.svg Vikianbarda əlaqəli mediafayllar

Avqust Horx (alm. August Horch‎; 12 oktyabr 1868(1868-10-12)[1], Winningen[d], Mayen-Koblenz[d]3 fevral 1951(1951-02-03)[1], Münchberg[d], Bavariya) – alman mühəndisi və avtomobil istehsalının pioneridir, bu gün "Audi" kimi tanıdığımız nəhəng istehsal müəssisəsinin yaradıcısıdır.

Həyatı[redaktə | əsas redaktə]

Avqust Horx və onun avtomobili(1908).

Avqust Horx 12 oktyabr 1868-ci ildə Almaniyada Vinningen şəhərində doğulub. Həmin gün dünya tarixinə təkcə Almaniyanın deyil, dünyanın avtomobil istehsalı sənayesinin patriarxının doğum günü kimi daxil olub.

Avqust Horx Mitvaydda təhsil alıb. 1896-cı ildə 28 yaşında ikən Manhaymda Karl Benzin müəssisəsində işləməyə başlayıb. Söhbət 1885-ci ildə dünyada ilk avtomobili ixtira etmiş Karl Benzdən gedir. Onun şirkətində cəmi üç il işlədikdən sonra 1899-cu ilin noyabrında Horx Almaniyanın Köln şəhərinin Erenfeld qəsəbəsində "A.Horch & Cie" müəssisəsini təsis etdi.

Avqust Horx sahibkar kimi təcrübəsinin çatışmadığını hiss edirdi, amma bu çatışmazlığı mühəndis-texniki işlər sahəsində və o dövrün istehsalat məsələlərində dərin bilikləri ilə tamamlayırdı.

1901-ci ildə Horx özünün ilk dördsilindrli avtomobilinin prototipini yaratdı və 1903-cü ildə seriya ilə istehsala buraxdı. 1907-ci ildə ilk altı silindrli modelin istehsalına başlanıldı. Horxun avtomobilləri hətta o dövrün Benz və Mercedes avtomobilləri ilə müqayisədə texnoloji cəhətdən daha yaxşı düşünülmüş nəqliyyat vasitələri idi.

Horxun Kölndə qurduğu şirkət əlverişsiz iqtisadi şərait ucbatından 1902-ci ildə Reyxenbaxa köçürüldü. Daha sonra eyni səbəbə görə şirkət Svikkauya köçdü.

Müəssisənin maliyyə durumu Avqustu məcbur etdi ki, əlavə maliyyə vəsaitləri əldə etmək üçün onu qapalı səhmdar cəmiyyətinə çevirsin. Sonralar Horx etiraf etdi ki, bu, onun həyatında yol verdiyi ən böyük səhv idi.

1909-cu ildə şirkətin satışları aşağı düşməyə başladı və səhmdarlar Horxun prezident vəzifəsindən kənarlaşdırılmasını tələb etdilər.

Həmtəsisçilərlə mübahisədən sonra 1909-cu ildə Avqust Horx şirkəti tərk etdi və Svikkauda ona rəqib olan şirkət təsis etdi. Yeni şirkət öncə "Horch Automobil-Werke GmbH" ("Horx avtomobillərinin istehsalı") adlanırdı.

Onun loqotipi belə idi: "HoRcH". Horxun öncə işlədiyi şirkətin iddiası əsasında başlanmış məhkəmə araşdırmasından sonra məhkəmə şirkətin adının dəyişdirilməsi barədə qərar çıxardı.

Məhkəmə qərara aldı ki, "Horch" artıq qeydə alınmış əmtəə markasıdır və Avqust Horxun əvvəlki tərəfdaşlarına məxsusdur, buna görə də o, daha "Horch" sözündən istifadə edə bilməz.

Bunun nəticəsində 1910-cu il Audi-nin yarandığı il oldu, Horx öz şirkətinə Audi Automobilwerke GmbH ("Audi avtomobillərinin istehsalı") adını verdi. "Audi" sözü (bu söz "diqqət" mənasını verir) onun soyadının alman dilindən latın dilinə tərcüməsidir.

1928-ci ilin avqustunda DKW şirkətindən olan mühəndis Yorgen Rasmussen Audiwerke-nin səhmlərinin nəzarət paketini əldə etdi. 1932-ci ilin iyununda Audi,DKW, Horch və Wanderer şirkətləri birləşdilər. Yeni şirkət "Auto Union AG" ("Almaniya avtomobil istehsalçıları ittifaqı") adlandırıldı.

Yeni şirkətin loqotipi dörd kəsişən halqadan ibarət idi. Hər bir halqa ittifaqa daxil olan şirkəti bildirirdi.

Yeni Auto Union şirkətində Avqust Horx direktorların müşahidə şurasının üzvü oldu.

Ötən əsrin ortalarından bu günə qədər Audi yüksək dəyərləndirilən və texnoloji cəhətdən qabaqcıl "superavtomobillərin" istehsalçısı kimi tanınır. Bu gün avtomobil həvəskarları bu avtomobilləri Horxun güman etdiyindən də yüksək dəyərləndirirlər.

Horx 1951-ci ildə vəfatına qədər Svikkaunun fəxri vətəndaşı və Braunşveyq Texniki Universitetinin fəxri professoru olub.

1937-ci ildə "Ich Baute Autos" ("Mən avtomobillər düzəltdim") başlığı altında onun tərcümeyi-halı dərc olunub.

İstinadlar[redaktə | əsas redaktə]

Həmçinin bax[redaktə | əsas redaktə]

Xarici keçidlər[redaktə | əsas redaktə]

  • 1 2 Brockhaus Enzyklopädie