Avstriya-Macarıstan müqaviləsi

Vikipediya, azad ensiklopediya
Jump to navigation Jump to search

Avstriya-Macarıstan müqaviləsi (alm. Ausgleich‎, mac. Kiegyezés) - 1867-ci ildə Avstriya ilə Macarıstan dövlətləri arasında imzalanan və Avstriya-Macarıstan imperiyasının yaradılması ilə nəticələnən müqavilə [1].

Haqqında[redaktə | əsas redaktə]

1866-cı ildə Prussiya-Avstriya müharibəsi zamanı əldə edilən məğlubiyyət və alman ittifaqının dağılması nəticəsində Avstriya öz nüfuzunu itirmişdi. Bundan başqa artmaqda olan sosial və milli-siyasi təzadları aradan qaldırmaq üçün imperiyanın modernləşməsi, radikal islahatlar tələb olunurdu. 1867-ci ildə Avstriya və Macarıstan müqavilə (alm. Ausgleich‎) imzaladılar. Həmin vaxtdan Avstriya imperiyası Avstriya-Macarıstan dualist monarxiyası kimi çıxış etdi. Müqaviləni Avstriya tərəfdən imperator Frans İosif, Macarıstan tərəfindən isə Ferens Deak imzalamışdır. Müqavilənin şərtləri aşağıdakılardır [2]:

  • Avstriya-Macarıstan imperiyasının iki paytaxtı olacaq: VyanaBudapeşt
  • Hər iki bölgənin ayrı ayrılıqda baş naziri və parlamenti olacaq
  • Avstriya-Macarıstan bir olaraq qalacaq
  • Ordu və donanma ortaq bir xarici işlər nazirliyi tərəfindən idarə ediləcək
  • Ortaq vətəndaşlıq olmayacaq.
  • Müqavilənin şərtlərinə 10 ildən bir yenidən baxılacaqdır.

İstinadlar[redaktə | əsas redaktə]

  1. André Gerrits; Dirk Jan Wolffram (2005). Political Democracy and Ethnic Diversity in Modern European History. Stanford University Press. səh. 42. ISBN 9780804749763.
  2. Robert Young (1995). Secession of Quebec and the Future of Canada. McGill-Queen's Press. səh. 138. ISBN 9780773565470.