Azər Məmmədov (yazıçı)

Vikipediya, azad ensiklopediya
Jump to navigation Jump to search
Vikipediyada bu ad-soyadlı digər şəxslər haqqında da məqalələr var; bax: Azər Məmmədov.
Azər Məmmədov
Azər Həsənağa oğlu Məmmədov
Təxəllüsü Azər Qismət
Doğum tarixi (48 yaş)
Doğum yeri Sabirabad, Azərbaycan SSR, SSRİ
Vətəndaşlığı SSRİ SSRİ→
Azərbaycan Azərbaycan
Milliyyəti azərbaycanlı
Atası Həsənağa Məmmədov
Təhsili Bakı Dövlət Universiteti Jurnalistika fakültəsi
İxtisası jurnalist
Fəaliyyəti televiziya aparıcısı
Fəaliyyət illəri 1991-ci ildən indiyədək
Əsərlərinin dili azərbaycanca
İstiqamət realizm və magik realizm
Janr hekayə, novella, roman
İlk əsəri "Duman" hekayə və novellalar toplusu
Tanınmış əsərləri "Çuğullar" romanı, "Xanım taksi" əsəri
Commons-logo.svg Vikianbarda əlaqəli mediafayllar

Məmmədov Azər Həsənağa oğlu (Azər Qismət; 9 oktyabr 1972(1972-10-09), Sabirabad) — azərbaycanlı yazıçı, publisist, televiziya aparıcısı, 2001-ci ildən Azərbaycan Yazıçılar Birliyinin üzvü.

Həyatı[redaktə | əsas redaktə]

Azər Məmmədov 1972-ci il oktyabrın 9-da Sabirabad rayonunda anadan olmuşdur. Burada 5 saylı orta məktəbi bitirdikdən sonra Sabirabad rayonunda Təsərrüfatlararası Tikinti İdarəsində fəhləlik etmişdir (1989-1991). Bakı Dövlət Universitetinin Jurnalistika fakültəsini telejurnalistika ixtisası üzrə bitirib (1991-1996). Universitet illərində BMTİ teleşirkətində çalışıb, “Telebenefis” və Xəbərlər verilişlərinin aparıcısı olub. Tələbə ikən Azərbaycanda ilk dəfə azərbaycandilli Şən və Hazırcavablar Klubunun təsisçilərindən biri kimi tanınıb. UŞU (Universitetin Şən Uşaqları) komandasının ssenari müəllifi kimi fəaliyyət göstərib. Parodiyalar üzrə diplomları var. Ordu sıralarında hərbi xidməti borcunu yerinə yetirmişdir. (1997-1998). 168 saat qəzeti redaksiyasında redaktor (1998-2000), "Bizim əsr" qəzetində müxbir (2000-2002) işləmişdir.

Uşaq yaşlarından bədii yaradıcılığa həvəs göstərmişdir. İlk mətbu yazısı Azərbaycan pioneri qəzetində çıxmışdır (1981). Bundan sonra dövri mətbuatda və almanaxlarda hekayə, novella və məqalələrlə çıxış etmişdir.

“Duman” hekayə və novellalar, “Çuğullar” və Sankt-Peterburqda rus dilində dərc edilmiş “Mən məşuqam” romanlarının müəllifidir. Ədəbiyyat üzrə Prezident təqaüdçüsüdür. 2016-cı ildə Azərbaycanda keçirilən hekayə yarışmasına qatılıb, münsiflər heyətinin yekdil qərarına əsasən 400 nəfər arasından 1-ci yerə layiq görülüb. “Hamilə dəli” hekayəsi MDB ölkələri üzrə keçirilən “Sodrujestva” ədəbiyyat müsabiqəsində 2-ci yer tutub. Hekayə, novella və publisistik məqalələri Yaponiya, İran, Rusiya, Qazaxıstan, Ukrayna, Polşa, Çexiya və Macarıstanın ədəbi portallarında dərc edilib.[1]

Xidmətlərinə görə "İlin debütant yazarı" diplomuna və bir sıra fəxri tərifnamələrə layiq görülmüşdür.

ANS-media və yayım şirkətində Xəbərçi və İç xəbər [2] verilişlərinin aparıcısı olub. Hazırda AzTV-nin Ədəbi-dram üzrə baş redaktorudur.[3]

Filmoqrafiya[redaktə | əsas redaktə]

  1. Kənd saatı (veriliş, 2007)

Mükafatları[redaktə | əsas redaktə]

  • 2017-ci ildə Azərbaycanda keçirilən hekayə müsabiqəsində "Hamilə dəli" hekayəsi ilə 1-ci yerə layiq görülüb.
  • MDB ölkələri üzrə hekayə müsabiqəsində gümüş medala layiq görülüb.

İstinadlar[redaktə | əsas redaktə]

  1. ↑ BLOQ. "Yazıçı, jurnalist, tənqidçi, redaktor- Azər Qismət" (azərb.).[ölü keçid]
  2. ↑ "XALQ ÖZ QƏHRAMANLARINI TANIMALIDIR!" (azərb.). İç xəbər. 2019-10-01 tarixində orijinalından arxivləşdirilib.
  3. ↑ qafqazinfo.az (06.03.2019/ 09:34). "AzTV-nin yeni sədri Azər Qismətə yüksək vəzifə verdi" (azərb.). İstifadə tarixi: 18.09.2019.

Xarici keçidlər[redaktə | əsas redaktə]

Vikianbarın loqosu Vikianbarda Azər Məmmədov ilə əlaqəli mediafayllar var.
Mənbə — "https://az.wikipedia.org/w/index.php?title=Azər_Məmmədov_(yazıçı)&oldid=5719607"