Azərbaycan, Azərbaycan (film, 1970)

Vikipediya, açıq ensiklopediya
Jump to navigation Jump to search
Azərbaycan, Azərbaycan
Azərbaycan, Azərbaycan (film, 1970).jpg
Janr sənədli
qısametrajlı
tarixi
Rejissor Yalçın Əfəndiyev
Ssenari müəllifi Cəmil Əlibəyov
Əhmədağa Qurbanov
Operator Zaur Məhərrəmov
Bəstəkar Əziz Əzizov
İstehsalçı "Azərbaycanfilm" Kinostudiyası
Filmin növü qısametrajlı sənədli film
Rəng rəngli
Ölkə Azərbaycan Azərbaycan SSR
İl 1970
Texniki məlumat 5 hissə
1295 metr
genişekranlı

Azərbaycan, Azərbaycan qısametrajlı sənədli filmi rejissor Yalçın Əfəndiyev tərəfindən 1970-ci ildə çəkilmişdir. "Azərbaycanfilm" kinostudiyasında istehsal edilmişdir. Kinopoema Azərbaycanda Sovet hakimiyyətinin qurulmasının yarım əsrlik yubileyinə həsr olunmuşdur.

Məzmun[redaktə | əsas redaktə]

Kinopoema Azərbaycanda Sovet hakimiyyətinin qurulmasının yarım əsrlik yubileyinə həsr olunmuşdur. Lirik formada çəkilmiş filmin əsas hissəsi Azərbaycan xalqının qədim tarixindən və zəngin mədəniyyətindən bəhs edir. Tamaşaçı bugünkü Azərbaycana, onun şəhərlərinə, kəndlərinə, təkrarolunmaz Mingəçevir SES-nə, Sumqayıt Kimya Zavodlarına, möcüzələr adası sayılan Neft Daşlarına səyahət edir.[1]

İlk kadrlar dünyanın 150-165 yaşlı sakinlərindən, bizim Azərbaycan ağsaqqallarından danışır. Sonra ekranda qaya daşları-ibtidai insan izləri tapılmış Azıx mağarasının çöküntüləri, layları canlanır.[1]

Filmdə Şərqin qapısı sayılan 3500 yaşlı Naxçıvandan, şeir, sənət ocağı qədim Gəncədən, Təbrizdən, yadlara baş əyməyən Bərdə, Ərdəbil, Şuşa qalası, elm mərkəzi MarağaŞamaxıdan, oradakı nadir abidələrdən bəhs olunur. Ekranda igid Babəkin, Koroğlunun, sərkərdə və şair Şah İsmayıl Xətainin yadellilərə qarşı apardıqları qəhrəmanlıq mübarizəsindən söhbət gedir.[1]

Kinolentdə böyük ustad Füzulinin Kərbəladakı türbəsi və Azərbaycan şairi İmadəddin Nəsiminin İraqın Hələb şəhərindəki qəbri göstərilmişdir.[1]

Filmin üzərində işləyənlər[redaktə | əsas redaktə]

Ssenari müəllifi: Cəmil Əlibəyov, Əhmədağa Qurbanov
Rejissor: Yalçın Əfəndiyev
Operator: Zaur Məhərrəmov
Bəstəkar: Əziz Əzizov

İstinadlar[redaktə | əsas redaktə]

  1. 1,0 1,1 1,2 1,3 Aydın Kazımzadə. Azərbaycan kinosu - 2 (filmlərin izahlı kataloqu (1898-2002)). Bakı: 2003, səh. 126

Mənbə[redaktə | əsas redaktə]

  • Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.
  • Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 235-258; 268.

Həmçinin bax[redaktə | əsas redaktə]

Azərbaycan filmlərinin siyahısı
1970-ci ilin Azərbaycan filmləri
1970-ci illər Azərbaycan filmlərinin siyahısı