Mərkəzi Seçki Komissiyası (Azərbaycan)

Vikipediya, azad ensiklopediya
(Azərbaycan Respublikası Mərkəzi Seçki Komissiyası səhifəsindən istiqamətləndirilmişdir)
Jump to navigation Jump to search
Mərkəzi Seçki Komissiyası
Azərbaycan Respublikası
Mərkəzi Seçki Komissiyası
(MSK)
Mskbina.jpg
Ölkə: Azərbaycan Azərbaycan
Yaradılıb:
Ünvan: Bakı şəhəri, S.S. Axundov 1E
Rəhbərlik
Sədr: Məzahir Pənahov
Sədr müavini: Rövzət Qasımov
Sayt
www.msk.gov.az

www.cec.gov.az www.infocenter.gov.az facebook.com/msk.gov.az

Azərbaycan Respublikasının Mərkəzi Seçki Komissiyası daimi fəaliyyət göstərən dövlət orqanıdır.

Əsas vəzifəsi[redaktə | əsas redaktə]

MSK Azərbaycan Respublikası Prezidentinin seçkilərinin və Azərbaycan Respublikası Milli Məclisi deputatlarının seçkilərinin, həmçinin referendumların (ümumxalq səsvermələrinin), bələdiyyələrə seçkilərin hazırlanmasını və keçirilməsini təmin edir.

Yaradılma qaydası[redaktə | əsas redaktə]

MSK-nın üzvləri Azərbaycan Respublikasının Milli Məclisi tərəfindən seçilir. Komissiyanın 6 üzvü deputatları Milli Məclisdə çoxluq təşkil edən və onların namizədliklərini təqdim edən siyasi partiyanı, 6 üzvü heç bir siyasi partiyaya mənsub olmayan (müstəqil) və onların namizədliklərini təqdim edən deputatları, 6 üzvü deputatları Milli Məclisdə azlıq təşkil edən və onların namizədliklərini təqdim edən siyasi partiyaları təmsil edir. Müstəqil deputatları MSK-da namizədlikləri onlar tərəfindən irəli sürülmüş müstəqil, dövlət qulluğunda olmayan, bir qayda olaraq, hüquqşünaslar təmsil edirlər. 2 namizəd maraqlı tərəflərlə razılaşdırılır: bir namizəd Milli Məclisə çoxluq təşkil edən siyasi partiyanın nümayəndələri ilə, digər namizəd isə deputatları Milli Məclisə azlıq təşkil edən siyasi partiyanın nümayəndələri ilə.

Fəaliyyət və səlahiyyətləri[redaktə | əsas redaktə]

Mərkəzi Seçki Komissiyasının statusu, fəaliyyət istiqamətləri və səlahiyyətləri Azərbaycan Respublikasının Seçki Məcəlləsi ilə müəyyən olunmuşdur. Mərkəzi Seçki Komissiyası:

  • seçkilərin və referendumun hazırlanmasında və keçirilməsində vətəndaşların seçki hüquqlarına riayət olunmasına nəzarət edir;
  • aşağı seçki komissiyalarının işi üçün zəruri olan texnoloji avadanlığın normativlərini hazırlayır və təsdiq edir, bu normativlərə əməl olunmasına nəzarət edir;
  • aşağı seçki komissiyalarına hüquqi, metodiki və texniki təşkilati kömək göstərir;
  • seçki bülletenlərinin, referendumda səsvermə bülletenlərinin, seçici siyahılarının, digər seçki komissiyalarının səsvermə protokollarını və referendum sənədlərinin nümunələrini və onların tərtib edilməsi qaydasını müəyyən edir;
  • Azərbaycan Respublikasının Seçki Məcəlləsində nəzərdə tutulan digər vəzifə və səlahiyyətləri həyata keçirir;
  • Azərbaycan Respublikasının Mərkəzi Seçki Komissiyası müvafiq icra hakimiyyəti və yerli özünüidarə orqanları ilə birlikdə vahid seçici siyahısının tərtib edilməsi və aparılması sistemini təşkil edir;
  • seçkilərin və referendumun hazırlanması və keçirilməsi, seçki sisteminin inkişafı, seçicilərin hüquqi maarifləndirilməsi, seçki komissiyaları üzvlərinin peşə hazırlığı ilə əlaqədar treyninqlərin həyata keçirilməsini təmin edir;
  • seçkilərin və referendumun zamanı səsvermənin nəticələrini müəyyən edir, həmin nəticələrin dərc olunmasını təmin edir;

Azərbaycan Respublikasının Mərkəzi Seçki Komissiyası Seçki Məcəlləsinin tətbiqi ilə əlaqədar daim təlimat, izah, qayda və ya metodiki göstərişlər qəbul edə bilər. Mərkəzi Seçki Komissiyasının öz səlahiyyətləri daxilində qəbul etdiyi qərarlar və normativ xarakterli aktlar dövlət orqanları, bələdiyyə qurumları, qeydə alınmış namizədlər, siyasi partiyalar, siyasi partiyaların blokları, vəzifəli şəxslər və seçicilər üçün məcburidir

Tərkibi[redaktə | əsas redaktə]

1. Məzahir Pənahov – MSK sədri

2. Rövzət Qasımov – sədr müavini

3. Arifə Muxtarova – katib

4. Mikayıl Rəhimov – katib

5. Fuad Cavadov – üzv

6. Şaitdin Əliyev – üzv

7. Ramiz İbrahimov – üzv

8. Validə Kazımova – üzv

9. Hüseyn Paşayev – üzv

10. İlham Məmmədov – üzv

11. Nizami Nadirxanlı – üzv

12. Qabil Orucov – üzv

13. Bəxşeyiş Əsgərov – üzv

14. Tofiq Həsənov – üzv

15. Almas Qəhramanlı – üzv

16. Etibar Quliyev – üzv

17. İlkin Şahbazov – üzv

İstinadlar[redaktə | əsas redaktə]

www.msk.gov.az,

www.cec.gov.az,

www.infocenter.gov.az