Azərbaycanda Prezident seçkiləri (1992)

1992-ci il Azərbaycan Respublikası prezidenti seçkiləri – Azərbaycanda keçirilən ilk demokratik seçkilər. Seçkilərin nəticəsində Azərbaycan Xalq Cəbhəsinin və "Azadlıq Hərakatı"nın lideri Əbülfəz Elçibəy Azərbaycanın 2-ci prezidenti seçilmişdir.

Azərbaycanın ikinci prezideni Əbülfəz Elçibəy

Seçki öncəsi siyasi vəziyyət

Prezident seçkilərindən qabaq siyasi vəziyyət son dərəcə gərgin idi. Qarabağ cəbhəsinda ermənilərlə müharibə gedirdi. Fevral ayında Xocalı faciəsi baş vermişdi. Belə çətin durumda Azərbaycanda ilk dəfə demokratik seçkilər keçirildi. Azərbaycanın və Elçibəyin qarşısında duran əsas məqsəd erməni quldurlarını Azərbaycan torpaqlarından uzaqlaşdırmaq idi. Azərbaycan ordusu buna nail oldu və iyun ayında Ağdərə uğrunda döyüşlərdə ermənilərə qalib gəldi və işğal altında olan ərazilərin bir hissəsini (Şuşaya qədər Xocavənd istisna olmaqla) işğaldan azad etdi. Ancaq Surət Hüseynov və yandaşlarının xəyanəti nəticəsində Azərbaycan ordusu geri çəkilməli oldu.

Nəticələr

Namizəd	Partiya	Səs	Faiz
Əbülfəz Elçibəy	Azərbaycan Xalq Cəbhəsi	1,829,448	59.4%
Nizami Süleymanov	Azərbaycan Demokratik Ziyalılar İttifaqı	1,017,217	33%
Yaqub Məmmədov	Müstəqil	51,144	1.7%
İlyas İsmayılov	"Azərbaycanda Demokratik İslahatlar uğrunda" ictimai hərəkatı	20,216	0.7%
Rafiq Turabxanoğlu	Azərbaycan Xalq - Demokrat Qrupu	15,646	0.5%
Bütün namizədlərin əleyhinə		71,099	2.4
Etibarsız/boş bülletenlər		90,907	-
Ümumi		3,078,384	100
Mənbə:

Mənbə

• AZƏRBAYCANDA PREZİDENT SEÇKİLƏRİ: 1990, 1991, 1992, 1993, 1998, 2003  (azərb.)