Azərbaycan Respublikasının Dövlət Dəniz Administrasiyası

Vikipediya, açıq ensiklopediya
Keçid et: naviqasiya, axtar
Dövlət Dəniz Administrasiyası
Azərbaycan Respublikası
Dövlət Dəniz Administrasiyası
Azərbaycan Respublikası Dövlət Dəniz Administrasiyasının loqosu.jpg
Ölkə: Flag of Azerbaijan.svg Azərbaycan
Yaradılıb: 21 aprel 2001
Tabeçilik: Nazirlər Kabineti
Ünvan: AZ 1003, Bakı şəhəri, Xanlar küç. 2 B
Rəhbərlik
Rəhbər: Qüdrət Qurbanov
Sayt
ardda.gov.az

Azərbaycan Respublikasının Dövlət Dəniz Administrasiyası (qısaca: ARDDA) — Azərbaycan Respublikası Prezidentinin 21 aprel 2001-ci il tarixli 697 saylı Sərəncamına əsasən yaradılmış və həmin tarixdən fəaliyyətə başlamışdır.

Tarixi[redaktə | əsas redaktə]

ARDDA Azərbaycan Respublikası Prezidentinin 20 aprel 2006-cı il tarixli 395 saylı Fərmanı ilə təsdiqlənmiş Əsasnaməyə müvafiq olaraq, Azərbaycan Respublikası ərazisində dəniz nəqliyyatı sahəsində müəyyən edilmiş qaydada dövlət siyasətini və tənzimlənməsini həyata keçirən mərkəzi icra hakimiyyəti orqanıdır.

Dövlət Dəniz Administrasiyasınin rəisi və rəis müavinləri Azərbaycan Respublikası Prezidentinin Sərəncamı ilə vəzifəyə təyin edilir.

Dövlət Dəniz Administrasiyasının ştatı 48 nəfərdən ibarətdir. Administrasiyada çalışanların əksəriyyəti müvafiq sahədə böyük staja və təcrübəyə malik yüksək ixtisaslı mütəxəssislərdir.

Administrasiya öz fəaliyyətində Azərbaycan Respublikasının Konstitusiyasını, Azərbaycan Respublikasının qanunlarını, Azərbaycan Respublikası Prezidentinin Fərman və Sərəncamlarını, Azərbaycan Respublikası Nazirlər Kabinetinin qərar və sərəncamlarını, Azərbaycan Respublikasının tərəfdar çıxdığı beynəlxalq müqavilələri və “Azərbaycan Respublikasının Dövlət Dəniz Administrasiyası haqqında Əsasnamə”ni rəhbər tutur.

Azərbaycan Respublikası 15 may 1995-ci il tarixindən Beynəlxalq Dəniz Təşkilatının (BDT) üzvüdür. Dövlət Dəniz Administrasiyası BDT ilə sıx əlaqə yaradaraq təşkilatın iclaslarında, şuralarında və asambleyalarında yaxından iştirak edir. Bu günədək ARDDA tərəfindən hazırlanaraq Milli Məclisə təqdim olunmuş 18 Beynəlxalq Konvensiya və həmin konvensiyalara 8 Protokol ali qanunverici orqan tərəfindən qəbul olunmuşdur. ARDDA bu konvensiyaların Azərbaycan Respublikasında yerinə yetirilməsinə dair BDT-yə mütəmadi olaraq hesabatlar verir.

Həmçinin bax[redaktə | əsas redaktə]