Azərkosmos

Vikipediya, açıq ensiklopediya
Jump to navigation Jump to search
"Azərkosmos" Açıq Səhmdar Cəmiyyəti
Azerkosmoslogo.jpg
Tipi Açıq Səhmdar Cəmiyyət
Yaranma tarixi 3 may 2010
Yeri Bakı, Azərbaycan
Hakim simaları Rəşad Nəbiyev
Sayt azercosmos.az
Commons-logo.svg Vikianbarda əlaqəli mediafayllar

"Azərkosmos"Azərbaycanda Açıq Səhmdar Cəmiyyət. AzərbaycanınQafqazın ilk peyk operatorudur. Şirkət "Azerspace-1" peyki vasitəsilə tutum icarəsi, teleradio yayımı, teleport və telekommunikassiya xidmətləri; Azersky peyki vasitəsilə peyk təsviləri xidmətlərinin alınması xidmətlərini verir.[1]

Haqqında[redaktə | əsas redaktə]

"Azərkosmos" ASC Azərbaycan hökuməti tərəfindən 3 may 2010-cu il tarixində yaradılmışdır. Belə ki, Azərbaycanın Dövlət başçısı İlham Əliyev 2010 mayın 3-də sərəncam imzalayaraq Rabitə və İnformasiya Texnologiyaları Nazirliyinin tabeliyində səhmləri dövlətə məxsus "Azərkosmos" Açıq Səhmdar Cəmiyyəti təsis edib. Bu qurumun yaradılmasında məqsəd telekommunikasiya peykinin orbitə çıxarılması, idarə edilməsi və istismarı işlərinin həyata keçirilməsidir[2].

Şirkət "Azerspace-1" peyki vasitəsilə tutum icarəsi, teleradio yayımı, teleport və telekommunikassiya xidmətləri; "Azersky" peyki vasitəsilə peyk təsviləriin alınması xidmətlərini verir.

“Azərspace-1” peykinin texnoloji dizaynı və qoşulma imkanları sayəsində dünyada milyonlarla insan dayanıqlı informasiya və kommunikasiya xidmətlərinə çıxış imkanı əldə edə bilər. Azərspace-1 Afrika, Avropa, Mərkəzi Asiya və Yaxın Şərqdə 50-dən artıq ölkəni birləşdirən ortaq məkanda mühüm informasiya ötürücüsü funksiyasını yerinə yetirir. Yüksək ixtisaslı peşəkar heyətə və texniki imkanlara malik olan “Azərkosmos” ASC yaradılmasından ötən dövr ərzində ölkədə və bütünlüklə regionda İKT sektorunun aparıcı qüvvələrindən birinə çevrilmişdir. Şirkətin resursları ona müasir infrastruktur əsasında yeni yaranan texnologiyaların tətbiqinə, bununla da yerüstü rabitə şəbəklərinin əhatə dairəsinə düşməyən ərazilərdə peyk əsaslı xidmətlərdən istifadə edilə bilməsi üçün əlavə dəyər yaratmağa imkan verir. “Azərkosmos” ASC Bureau Veritas tərəfindən 2013-cü ilin yanvar ayında verilmiş ISO 9001:2008 uyğunluq sertifikatına sahibdir.

Azərbaycan-ABŞ İKT Forumunda "Azərkosmos"un təqdimatı

Tarixi[redaktə | əsas redaktə]

Azərbaycanın ilk kosmik peyki layihəsinin gerçəkləşdirilməsi məqsədilə orbital mövqe əldə etmək üçün ilk olaraq Rabitə və Yüksək Texnologiyalar Nazirliyi tərəfindən Beynəlxalq Telekommunikasiya İttifaqina müraciət olundu. Buna paralel olaraq, 2009-cu ilin avqust ayında Azərbaycan Respublikasının Prezidenti tərəfindən “Azərbaycan Respublikasında kosmik sənayenin yaradılması və inkişafı üzrə Dövlət Proqramı”nın təsdiq edilməsi haqqında Sərəncam imzalandı. Bunun ardınca, 2010-cu ilin may ayında Rabitə və Yüksək Texnologiyalar Nazirliyi ilə Malayziyanın peyk operatoru olan “Measat Satellite Systems” şirkəti arasında ilk telekommunikasiya peykinin Malayziya hökumətinə məxsus 46°Ş orbital mövqeyə çıxarılmasına dair razılaşma əldə edildi. Telekommunikasiya peykinin hazırlanması məqsədilə elan edilmiş tenderin qalibi ABŞ-ın “Orbital Sciences Corporation” şirkəti, peykin orbitə buraxılması ilə bağlı raketdaşıyıcı şirkətin seçilməsi ilə bağlı tenderin qalibi isə Fransanın “Arianespace” şirkəti seçildilər.

Azərbaycan Respublikasının telekommunikasiya peyklərinin orbitə çıxarılması, idarə olunması və istismar işlərinin həyata keçirilməsini təmin etmək məqsədi ilə Azərbaycan Respublikası Prezidentinin 2010-cu il 3 may tarixli 885 nömrəli Sərəncamı ilə “Azərkosmos” ASC təsis edilmişdir.

Fəaliyyəti[redaktə | əsas redaktə]

2019-cu ilin yanvar-iyun aylarında "Azərkosmos" ASC-nin peyk və telekommunikasiya xidmətlərinin ixracından gəlir 18,6 milyon dollar təşkil edib. “Azərkosmos” ASC-nin xidmət ixracından əldə etdiyi gəlir onun ümumi gəlirlərinin 87,5 faizini təşkil edib. 2019-cu ilin aprel ayında peyk xidmətlərinin ixracından 6 milyon dollar gəlir əldə edilib. "Azərkosmos" tərəfindən 17 ölkəyə, o cümlədən ABŞ, Malayziya, Fransa, Böyük Britaniya, BƏƏ və digər ölkələrə xidmətlər göstərilib.[3]

Peyk şəbəkəsi[redaktə | əsas redaktə]

Şirkətin hazırkı peyk şəbəkəsi iki peykdən ibarətdir:

Xidmətlər[redaktə | əsas redaktə]

  • Transponder icarəsi: transponderin tam iş dövründə icarəsi, transponderin çevik əməliyyatlar zamanı icarəsi, qısa müddətli tutumdan istifadə;
  • Televiziya yayımı: kanalların yayımı, peyk xəbərləri toplusu (SNG);
  • Telekommunikasiya: çox kiçik apertura terminalı (VSAT), uzaqdan əlaqə, peyk üzərindən İP.
  • Yer səthinin məsafədən müşahidə edilməsi: ağ-qara (PAN) şəkillərin çəkilməsi. rəngli (multi-spektral) şəkillərin çəkilməsi.

Həmçinin bax[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Azərkosmos ilə əlaqəli mediafayllar var.