Böyükağa Atababayev

Vikipediya, azad ensiklopediya
Jump to navigation Jump to search

Böyükağa Atababa oğlu Atababayev (1917-?) — Azərbaycan rəqqası.

Həyatı[redaktə | əsas redaktə]

Böyükağa Atababa oğlu Atababayev 1917-ci ildə Bakıda anadan olmuşdu. 1933-cü illərdə Əli Bayramov adına klubda dram dərnəyinin üzvü olmuşdur. O, 1935-ci ilin dekabr ayından Əşrəf Səfərovun yenicə yaratdığı rəqs ansamblına üzv olur. 1938-ci ildə Moskvada keçirilən Azərbaycan incəsənəti ongünlüyünün iştirakçısı idi. Onu da qeyd edim ki, Böyükağanın həyat yoldaşı Böyükxanım da 1937-ci ildən 1947-ci ilə qədər Dövlət Mahnı və Rəqs Ansamblının rəqs qrupunda çalışıb. Böyükağa Atababayev özü isə 1957-ci ilə kimi filarmoniyada işləmişdir. O, 1941-ci ildə İranda qastrolda olmuş, Opera teatrının kollektivilə birgə "Leyli və Məcnun", "Əsli və Kərəm", "Koroğlu" operalarında rəqs səhnələrində iştirak etmişdir. 1943-cü ildə professor Bülbülün rəhbərliyi altında Bryansk cəbhəsində olmuş, konsert briqadasının tərkibində Hacı Məmmədov, Gülxar Həsənova, Teyyub Dəmirov, Fizzə Hənifəyeva (rəqqasə) və b. ilə birgə Böyükağa Atababayev də vardı. Böyükağa "Arşın mal alan" bədii filmində (birinci variant) toy məclisində oğlanlar qrupunda rəqs etmişdir. "O olmasın, bu olsun" filmində isə Bərbər roluna çəkilmiş və hamam səhnəsində rəqs edənlərdən biri olmuşdur. "Qaraca qız" bədii filmində Qaraca qız rolunda Böyükağa Atababayevin nəvəsi Sevil Zeynalova çəkilmişdir.

Filmoqrafiya[redaktə | əsas redaktə]

  1. Beş dəqiqəlik konsert (film, 1941)