Babək Göyüş

Vikipediya, azad ensiklopediya
Jump to navigation Jump to search
Babək Göyüş
Babək Məhərrəm oğlu Göyüşlü
Babək Göyüş.JPG
Babək Göyüş
İlk adı Babək Göyüşlü
Doğum tarixi (63 yaş)
Doğum yeri SSRİ SSRİ
Ermənistan Sovet Sosialist Respublikası Ermənistan SSR, Çəmbərək rayonu, Əmirxeyir
Vətəndaşlığı SSRİ SSRİAzərbaycan Azərbaycan
Uşağı 2 qızı var
Atası Məhərrəm
Anası Zeynəb
Təhsili Ali
Fəaliyyəti yazıçı, jurnalist
Əsərlərinin dili Azərbaycan
İstiqamət Mistika, realizm
Janr Nəsr
İlk əsəri "Ağ geyimli qadın" hekayələr kitabı
qaraqoyunlu.com
Commons-logo.svg Vikianbarda əlaqəli mediafayllar

Babək Göyüş (tam adı: Göyüşlü Babək Məhərrəm oğlu; d. 29 iyun 1957, Əmirxeyir, Çəmbərək, Ermənistan SSR, SSRİ) — nasir, Azərbaycan Yazıçılar Birliyinin üzvü (2004), Azərbaycan Jurnalistlər Birliyinin üzvü.

Həyatı[redaktə | əsas redaktə]

Babək Göyüş 1957-ci il iyunun 29-da Qərbi Azərbaycanda, Çəmbərək (Krasnoselo) rayonunun (Qaraqoyunlu mahalı) Əmirxeyir (ermənilər 1988-ci ildə adını dəyişdirərək Kalavan qoyub) kəndində anadan olub.

Gölkənd orta məktəbini 1974-cü ildə bitirdikdən sonra həmin il Bakı Dövlət Universitetinin Mexanika-riyaziyyat fakültəsinə qəbul olub. Həmin fakültəni 1979-cu ildə qurtardıqdan sonra üç il Lənkəran rayonunun Marso qəsəbəsində müəllimlik fəaliyyətinə başlayıb. Bu ərəfədə rayonun "Leninçi" (hazırda "Lənkəran") qəzetinin ştatdankənar müxbiri olub. 1982-ci ildən 1988-ci ilədək Türkmənistanın Nebit-Dağ (indiki Balkanabad) şəhərində neft şirkətində sistem-proqramçı vəzifəsində çalışıb.

1988-ci ildə yenidən Bakıya köçdükdən sonda iki il Azərbaycan Respublikası Dövlət Neft Şirkətinin "Azneftegeofizika" istehsalat birliyində sistem-proqramçı vəzifəsində işləyib. 1990-cı ilin dekabrından başlayaraq həyatını mətbuat aləminə bağlayıb və Azərbaycanın müxtəlif qəzetlərində ("Mübarizə", "Azərbaycan ordusu", "Millət", "Oğuz eli", "Avrasiya") müxbir, məsul katib, parlament müxbiri və redaktor vəzifələrində işləyib. 1998-ci ildən 2009-cu ilin may ayınadək Azərbaycan Televiziya və Radio Verilişləri Qapalı Səhmdar Cəmiyyətinin Beynəlxalq Əlaqələr və Gənclik redaksiyalarında redaktor kimi yaradıcılıq fəaliyyətini davam etdirib və xarici ölkələrdə (Almaniya, İsveçrə, Rusiya, Ukrayna, Qazaxıstan, Gürcüstan) yaşayan Azərbaycan diasporunun formalaşmasında və inkişafında böyük əməyi olub. Yüzlərlə verilişlərin, tok şouların və reportajların müəllifidir. Eyni zamanda 3 il Türkiyənin NTV telekanalının Baki ofisində redaktor vəzifəsində işləyib. Türkçülük və Türk dünyası ilə bağlı hazırladığı bir çox reportajlar istər Bakıda, istərsə də NTV-nin İstanbul ofisində yayımlanıb. Sonra iki il İnteraz televiziyasında "Xəbərlər" departamentində redaktor kimi çalışıb, gündəlik reportajlar hazırlayıb, səhər proqramının ssenarisini yazıb və həmçinin Rusiya və Qazaxıstanda yaşayan soydaşlarımızın həyatından, Azərbaycana bağlılıqlarından verilişlər ərsəyə gətirib.

Babək Göyüş 2013-cü il noyabr ayının 25-dən 2014-cü il sentyabrın 7-dək ANS Televiziyasının saytında, sonra isə iki il Aznews.az xəbər portalında redaktor, şef redaktor vəzifələrində işləyib.

Hazırda Konkret.az saytında redaktor vəzifəsində çalışır, Qaraqoyunlu.com xəbər portalının baş redaktorudur.

Ehtiyatda olan kapitandır.

Yaradıcılığı[redaktə | əsas redaktə]

İlk hekayəsi 1988-ci ildə "Ədəbiyyat qəzeti"ndə çap olunub. Daha sonra onun hekayələri "Azərbaycan", "Ulduz" və "Azərbaycan təbiəti" jurnallarında, "Yol" qəzetində və digər mətbu orqanlarda işıq üzü görüb.

Yazıçının "Ağ geyimli qadın" hekayələr kitabı 2008-ci ilin noyabrında çap olunub. Kitabda yazıçının 1989-cu ilədək qələmə aldığı 11 hekayə toplanıb.[1]

Babək Göyüşün publisistik yazılarından ibarət "Ədəbiyyat cəbhəsində sakitlikdir" adlı ikinci kitabı 2015-ci ildə "Ol" nəşrləri evində dərc olunub.

2004-cü ildən Azərbaycan Yazıçılar Birliyinin üzvüdür.[2]

Mükafatları[redaktə | əsas redaktə]

Əsərləri[redaktə | əsas redaktə]

  • "Ağ geyimli qadın" (hekayələr kitabı). Bakı, "Qanun" nəşriyyatı, 2008, 116 səh.[5]  (azərb.)
  • "Ədəbiyyat cəbhəsində sakitlikdir" (publisistik yazılardan ibarət kitab). Bakı, 2015, "Ol" nəşrləri evi.[4]  (azərb.)

İstinadlar[redaktə | əsas redaktə]

Xarici keçidlər[redaktə | əsas redaktə]