Bakı Konqres Mərkəzi
| Bakı Konqres Mərkəzi | |
|---|---|
 | |
 | |
| 40°23′51″ şm. e. 49°51′55″ ş. u. | |
| Ölkə |
 Azərbaycan |
| Şəhər | Bakı |
| Yerləşir | Təbriz küçəsi |
| Tikilmə tarixi | 2014-2015 |
| Mərtəbə sahəsi | 6,2 ha |
| Aidiyyatı | Azərbaycan Respublikası Əmlak Məsələləri üzrə Dövlət Komitəsi |
| Memarlıq quruluşu | Modern |
 Vikianbarda əlaqəli mediafayllar | |
Bakı Konqres Mərkəzi — Bakıda Təbriz küçəsində yerləşən müasir beynəlxalq tədbirlər mərkəzi.
Tarixi[redaktə | mənbəni redaktə et]
Mərkəzin tikintisinə 2014-cü ilin fevralında başlanılmışdır.[1]
Azərbaycan Respublikasının Prezidenti İlham Əliyev 29 aprel 2015-ci ildə Mərkəzin açılışında iştirak etmiş və Mərkəzinin rəmzi açılışını bildirən lenti kəsmişdir.[1]
Ərazisi[redaktə | mənbəni redaktə et]
Mərkəz Heydər Əliyev Mərkəzinin yaxınlığında yerləşir.[1]
Mərkəzin ümumi sahəsi 6,2 hektar, tikintialtı sahəsi isə 46,6 min kvadratmetrdir.[1] Ətrafda geniş abadlıq-quruculuq işləri aparılmış, yaşıllıq zolaqları salınmışdır.[1]
Bina bütün zəruri infrastrukturla təmin olunub.[1]
Maddi-texniki bazası[redaktə | mənbəni redaktə et]
Binanın foyesində 405 kvadratmetrlik monitor quraşdırılıb.[1] Bu, dünyada qapalı məkanda quraşdırılan ən böyük və ən çox pikselli monitordur.[1] Ümumilikdə isə binada müxtəlif ölçülü 50-dən artıq monitor quraşdırılıb.[1]
Mərkəzdə 17 konfrans zalı yaradılıb.[1] Onların ümumi tutumu 2500 nəfərdən çoxdur.[1] Konfrans zallarında yaradılan şərait onların tutumunu tədbirə qatılan qonaqların sayına uyğun olaraq dəyişdirməyə imkan verir.[1] Məsələn, konfrans zallarının tamaşaçı tutumunu təşkilatçının istəyinə uyğun olaraq 50 nəfərdən 250 nəfərədək dəyişmək mümkündür.[1]
Bina bütün zəruri kommunikasiya, o cümlədən havalandırma sistemləri ilə təchiz olunmuşdur.[1] Burada restoran, inzibati və digər otaqlar da var.[1] Mərkəzdə canlı yayım aparmaq üçün də müasir şərait yaradılmışdır.[1] Burada qonaqlara eskalatorlar və 16 lift xidmət göstərir.[1]
Bakı Konqres Mərkəzinin 3500 yerlik auditoriya zalı da ən müasir səviyyədə yaradılmışdır.[1] Burada müasir texnologiyanın ən son yeniliklərinin tətbiq olunduğu avadanlıq quraşdırılmışdır.[1] Zalın akustika sistemi dünyanın aparıcı şirkətlərinin məhsuludur.[1] Buranın işıqlandırılmasında müasir texnologiyadan istifadə edilmişdir.[1]
Beynəlxalq tədbirlər[redaktə | mənbəni redaktə et]
Mərkəzin istifadəyə verilməsi Azərbaycan Respublikasının beynəlxalq tədbirləri daha da yüksək səviyyədə keçirməsi üçün geniş imkanlar yaratmışdır.[1]
Mərkəzdə ilk beynəlxalq tədbir 2015-ci ilin mayın 2-dən 5-dək Asiya İnkişaf Bankının Rəhbərlər Şurasının 48-ci İllik Toplantısı olmuşdur.[1][2]
Həmçinin bax[redaktə | mənbəni redaktə et]
İstinadlar[redaktə | mənbəni redaktə et]
- ↑ 1 2 3 4 5 6 7 8 9 10 11 12 13 14 15 16 17 18 19 20 21 22 23 İlham Əliyev Bakı Konqres Mərkəzinin açılışında iştirak edib Arxivləşdirilib 2022-01-02 at the Wayback Machine. president.az, 29.04.2015 (az.)
- ↑ İlham Əliyev Asiya İnkişaf Bankının Rəhbərlər Şurasının 48-ci illik toplantısının açılış sessiyasında iştirak edib Arxivləşdirilib 2015-07-08 at the Wayback Machine. president.az, 04.05.2015 (az.)
