Bakı funikulyoru
Bakı funikulyoru | |
|---|---|
 Bakı funikulyoru | |
| İstismarı | 5 may 1960 |
| Sürəti | 2,5 m/saniyə |
| Tətbiqi | Sərnişindaşınma |
| İnfrastrukturu | Elektrik şəbəkəsi, rels və kanat yolu |
Bakı funikulyoru — Azərbaycanda yeganə funikulyor.
Tarixi[redaktə | mənbəni redaktə et]
Bakı funikulyoru Əliş Ləmbəranskinin təşəbbüsü ilə tikilmişdir. 1960-ci il mayın 5-də istifadəyə verilmişdir. SSRİ zamanında funikulyorun qatarları xüsusi sifarişlə Ukraynanın Xarkov şəhərində hazırlanaraq buraya gətirilmişdir.
Stansiyaları[redaktə | mənbəni redaktə et]
2 stansiyası var: "Bəhram Gur" və "Şəhidlər Xiyabanı". Stansiyalar arası məsafə 455 metrdir. Cəmi 2 vaqonu olan bu funikulyorda vaqonlar saniyədə 2,5 metr sürətlə hərəkət edərək bir stansiyadan digərinə 4 dəqiqəyə çatırdı. Vaqonlararası interval 10 dəqiqə, gediş haqqı isə 20 qəpik olmuşdur (hal-hazırda gediş haqqı 1 manatdır.)[1]. Funikulyor saatda orta hesabla 2 min sərnişini daşımaq imkanına malik idi.
Təmiri[redaktə | mənbəni redaktə et]
Bakı funikulyoru müxtəlif vaxtlarda bir neçə dəfə təmir edilmişdir.
1980-ci illərin sonlarında qəza vəziyyətində olduğu əsas gətirilərək bağlanıb və 2001-ci ilin sonunda yenidən istifadəyə verilmişdir[2]. Bakı funikulyoru 2001 və 2007-ci ildə iki dəfə əsaslı şəkildə təmir edilmişdir. 2007-ci ildəki təmirdən sonra vaqonların hərəkəti zamanı yaranan səs-küy minimuma endirilmişdi. 2011-ci ilin aprelində isə yenidən təmirə dayandırılmışdır[3]. 23 may 2012-ci ildə əsaslı təmir və yenidənqurmadan sonra yenidən istifadəyə verilmişdir. Azərbaycan Prezidenti İlham Əliyev və xanımı Mehriban Əliyeva açılış mərasimində iştirak etmişlər[4].
Həmçinin bax[redaktə | mənbəni redaktə et]
İstinadlar[redaktə | mənbəni redaktə et]
- ↑ Bakı funikulyorunun rəngi dəyişdirilir. Arxivləşdirilib 2011-08-28 at the Wayback Machine (az.)
- ↑ Bakı Funikulyoru yenə də qəzalı vəziyyətdədir. Arxivləşdirilib 2021-04-20 at the Wayback Machine (az.)
- ↑ Bakı funikulyoru yenidən qurulur. Arxivləşdirilib 2011-08-23 at the Wayback Machine (az.)
- ↑ İlham Əliyev Bakı Funikulyorunun, Dənizkənarı Milli Parkda abadlıq işlərinin gedişi, Dövlət Bayrağı Meydanının yaxınlığında yeni iaşə obyektləri ilə tanış olmuşdur. president.az Arxivləşdirilib 2018-01-21 at the Wayback Machine (az.)
Xarici keçidlər[redaktə | mənbəni redaktə et]
- Sökdülər, yenidən tikmək üçün - Fotosessiya. Arxivləşdirilib 2012-02-07 at the Wayback Machine (az.)
- Бакинский фуникулер после ремонта - ФОТО. (rus.)
- Bakı funikulyoru